1 Samɩɛl 7:17 - A SƐB-SÕW

¹⁷ Al pùorí, ʋ mɩ́ tɩ lɛb'a wa a Arama, be na n'a a ʋ yir tɩ be a ƴãw. Be n'a ʋ tɩ dɩrɛ a ƴɛ̀rʋ kʋ̀rɛ a Ɩsɩrayɛl nɩbɛ, ɛ́ be n'a ʋ tɩ mɛ bàwr-maal-kuur a Sore ƴãw.

1 Samɩɛl 7:17 Referans Kwoze

1 Samɩɛl 1:19

A bio daarɩ́ biɓaar-pipi, a Ɛlkana nɩ a ʋ yir dem tɩ cen na tɩ puori a Sore, ɛ́ lɛb kul a bɛ yir a Arama. A Ɛlkana tɩ páw nɩ a ʋ pɔw Ana, ɛ́ a Sore sàw de a Ana puoru.

1 Samɩɛl 8:4

Alɛ n'a so a Ɩsɩrayɛl nɩbɛ nɩ-kore za tɩ ɓã taa wa páw a Samɩɛl a Arama,

1 Samɩɛl 1:1

A Efarayim tan vuo pʋɔ a, Aramatayim-Sofim tẽw nɩr kãw tɩ be n be, a yúor dɩ kɛ́ Ɛlkana. Efarata dɔwlʋ nɩr tɩ n'ʋ, ɛ́ tɩ ɩ Yeroham bidɛb. A Yeroham tɩ ɩ n Elihu bidɛb, a Elihu ɩ Tohu bidɛb, a Tohu ɩ Sufʋ bidɛb.

1 Samɩɛl 11:15

Lɛ n'a a nɩbɛ za tɩ cen a Gilgal. A Gilgal be a, bɛ tɩ zɩɩl'ɩ a Sawul, ʋ ɩ a nãà a Sore niŋé, bɛ tɩ maal'ɩ ƴã-ɓaarʋ bàwr kʋ̀ a Sore. A Sawul nɩ a Ɩsɩrayɛl nɩbɛ za tɩ nyɔw nɩ cuw maalʋ a be.

Yele-za-pɛr-tib 35:7

Ʋ tɩ mɛ n a bàwr-maal-kuur a be, ɛ́ por a zie ʋl yúor kɛ́ “Betɛl Naaŋmɩn”. Bʋ̃ʋ n'ʋ vɛ̃, a be n'a a Naaŋmɩn tɩ ɩ k'ʋ nyɛ̃ ʋ, a lɛn daar ʋ na tɩ zɔrɛ dɛrɛ a ʋ yɛb a.

Yele-za-pɛr-tib 33:20

Ʋ tɩ maal'ɩ bàwr-maal-kuur a be por kɛ́ “Ɛl, a Ɩsɩrayɛl Naaŋmɩn.”

1 Samɩɛl 2:11

A yele á ŋá pùorí, a Ɛlkana tɩ lɛb'a kul a ʋ yir a Arama. Ɛcɛ a bie tɩ tone nɩ a Sore tome a bàwr-maalɛ Eli niŋé.

1 Samɩɛl 9:12

A pɔwsɩrali tɩ sɔw bɛ na: «Ʋ̃ʋ, ƴɛrɛŋa n'a ʋ de niwn ta a nyɩ ƴãw. A tɩ maalʋ-zie bàwr bibir'ɩ a dɩ̃a, alɛ so ʋ wa a tɩ tẽw pʋɔ a dɩ̃a, nyɩ cen fɔ̃w,

1 Samɩɛl 14:35

À ŋá n'a a Sawul tɩ mɛ bàwr-maal-kuur a Sore ƴãw: a bàwr-maal-kuur dãw-niwn-sob tɩ n'ɩ a ʋl ʋ na mɛ kʋ̀ a Sore a.

1 Samɩɛl 15:34

A Samɩɛl tɩ lɛb'a cen a Arama, ɛ́ a Sawul lɛb kul a ʋ tẽw, a Givea.

1 Samɩɛl 28:3

A Samɩɛl na tɩ kpi a, a Ɩsɩrayɛl nɩbɛ za tɩ kõ n a ʋ kuor, ɛ́ ũù ʋ a ʋ tẽw Arama. A Sawul tɩ diw nɩ a kpɩmɛ sowru ɩ-ɩrɩ bɛr a ʋ naalʋ-tẽw pʋɔ.

Ɩzayi 10:29

Ʋ gãwnɛ nɩ a fʋɔla ɛ́ yere: «Tɩ na gã nɩ Geva ìr.» Dɛ̃bɩ̃ɛ ɩrɛ nɩ a nɩbɛ bɛ màwr a Arama. A nɩbɛ nyɔw nɩ zɔba a Givea, a Sawul tẽ-kpɛ̃ɛ.

Ƴɛ̀r-dɩrbɛ 4:5

Kpãkparmɛ tɩɛ kãw bɛ na wa por a pùorí kɛ́ Debora kpãkparmɛ tɩɛ a pile n'a ʋ mɩ́ tɩ zɩ̃, a Arama nɩ a Betɛl ten cará, a Efarayim tan vuo pʋɔ, ɛ́ a Ɩsɩrayɛl nɩbɛ cere a ʋ zie, ʋ tɩ dɩrɛ a ƴɛ̀rʋ kʋ̀rɛ bɛ.

Ƴɛ̀r-dɩrbɛ 6:24

A Zedeɔ̃ tɩ mɛ n bàwr-maal-kuur a be, por a yúor kɛ́: “Sore n'ɩ a ƴã-ɓaarʋ.” Nɩ dɩ̃a, a bàwr-maal-kuur ŋa cãà nɩ be a Ofɩra, a Aviezɛɛr dɔwlʋ pʋɔ.