1 Samɩɛl 6:5 - A SƐB-SÕW

⁵ A na ɩ à ŋá a, nyɩ maalɩ bome na ŋmɛ̃ mɛ̃ a nyɩ mãsuwe a, nɩ a 'wɔn na sãw a nyɩ tẽw bɛr a, ɛ́ nyɩ na zɛw nɩ a Ɩsɩrayɛl Naaŋmɩn yúor-vɩɛlʋ-danʋ. A mɩnɛ kãw, ʋ na bɛr'a bɛ cãà wule a ʋ kpɛnʋ a nyɩ zu, a nyɩ ŋmɩmɛ zu nɩ a nyɩ tẽw zu ɛ.

1 Samɩɛl 6:5 Referans Kwoze

Zozue 7:19

A Zozue tɩ yel'ɩ a Akan: «Ɩ̃ bie e, zɛw a Sore, a Ɩsɩrayɛl Naaŋmɩn yúor, danɩ ʋ, ɛ́ yel a yel-mɩŋa kʋ̀ m. Wo a lɛ za fʋ na ɩ a, ta sɔwlɩ mɛ̃ bom ɛ.»

1 Samɩɛl 5:11

Bɛ mɩ̀ tɩ bʋɔl'ɩ a Filisɩtɛ̃ mɩnɛ na-mɩnɛ za wa yel bɛ: «Nyɩ lɛb tɩr a Ɩsɩrayɛl Naaŋmɩn wõ-taa daga bɛr ʋ cen a ʋ tẽw, alɛ bɛ ɩ lɛ, tɩ za na kpi na.» Dɛ̃bɩ̃-kpɛ̃ɛ tɩ sɩrɩ na nyɔw a tẽw nɩbɛ za, bʋ̃ʋ n'ʋ vɛ̃, a Sore mɩ̀ tɩ wul'ɩ a ʋ kpɛnʋ yaga za a be.

Zã 9:24

A Faarizɩ̃ɛ mɩnɛ tɩ bʋɔl'ɩ a nɩr ʋl na tɩ dãw zɔ̃w a, a gb'a ayi sob, wa yel ʋ: «Yel yel-mɩŋa a Naaŋmɩn niŋé. Tɩɩm a, tɩ bãw na kɛ́ a nɩr ŋa ɩ n yel-bier-maalɛ.»

Ɩzayi 42:12

A nɩ-bʋʋrɛ na zãá a, bɛ manɛ a Sore yúor-vɩɛlʋ-danʋ, bɛ yiele kpɛ̃w kpɛ̃w za danɛ nɩ ʋ!

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Sɛb-sõw yielu 32:4

Sore e, mʋ̃tɔ̃w nɩ tɩ̃ɩsɔw, a fʋ ŋmɩɛrʋ tɩ siwr'ɩ a ɩ̃ zu, ɛ́ ɩ̃ tɩ bàl ɩ̃ za mɛ̃ váar a tʋl-kpãkpã daar a. Tɛw-àrʋ

1 Samɩɛl 5:9

Ɛcɛ ʋ na dɛ wa tarɛ a be a, a Sore wul'ɩ a ʋ kpɛnʋ a tẽw dem. Dɛ̃bɩ̃-kpɛ̃ɛ tɩ gã na. Mãsuur tɩ nyɔw nɩ a tẽw dem za, a bibiir nɩ a nɩ-bɛrɛ.

Yel-wula 16:9

Tʋlʋ na bɛ dɩ vuo a tɩ dɩ n a nɩsaalbɛ. Bɛ tɩ tʋ n a Naaŋmɩn yúor zʋmɛ, a Naaŋmɩn na tɛr fãw a bʋ̃-faar á ŋá zu a, ɛcɛ, bɛ bɛ tɩ lɩɛbɩ a bɛ ɩb zɛw a ʋ yúor ɛ.

Yel-wula 14:7

Ʋ tɩ yere na nɩ kɔkɔ-kpɛ̃w: «Nyɩ zɔrɛ a Naaŋmɩn ɛ́ íre a ʋ yúor, bʋ̃ʋ n'ʋ vɛ̃, a ʋ ƴɛ̀rʋ-maalʋ daar ta na. Nyɩ lore gbine dume puore a salom nɩ a tẽw Íre, a kʋ̃ɔ-kpɛ̃ɛ nɩ a kʋl-bɔwrɩ Íre.»

Yel-wula 11:13

A ʋlɩ pɛr nɛ pʋɔ, a tẽsɔw-kɔbr tɩ dam'ɩ faa faa. A tẽ-kpɛ̃ɛ na põ ziir pie a zi-been tɩ lo na, nɩbɛ túr ayopõi (7 000) kpi a tẽsɔw-kɔbr damnʋ ŋa pʋɔ. Pʋl-vʋ̃ɔ tɩ tɛr'ɩ a bɛl na cɛ a, bɛ danɛ a Naaŋmɩn a be salom zu a.

Zowɛl 2:25

A Sore yere na: Ɩ̃ lɛb'a kʋ̀rɛ nyɩ a yome al za bʋ̃-kʋ́ɔrɩ a tãatuli, a sãsowe, a zãzule nɩ a sãsow-nãa-nʋrɩ na 'wɔb a, al na ɩ a ɩ̃ zɛbr-nɩ-yaga ɩ̃ na tõ a nyɩ ƴãw a.

Zeremi 3:13

Dɛ́ sàw a fʋ sãwna: fʋ gáarɩ nɩ a ɩ̃ zu, a mãa Sore fʋ Naaŋmɩn zu. Fʋ zɔ na cɔlɩ a ziir za, a ŋmɩn-sãanbɛ zie, a tɩ-zimpiri za pile, ɛ́ bɛ bɛr wõ a ɩ̃ ƴɛ̀rʋ ɛ, a Sore n'ʋ yel.”»

Ɩzayi 19:1

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Sɛb-sõw yielu 66:3

Nyɩ yel a Naaŋmɩn: «Nyɛ̃ a fʋ tome na ɩrɛ dɛ̃bɩ̃ɛ sɛw a! A fʋ dɔ̃ dem mʋʋrɛ fʋ na, fʋ na kpɛmɛ yaga a ƴãw.

Sɛb-sõw yielu 39:10

Ɩ̃ ɩ n gbili, ɩ̃ bɛ cãà ƴɛ̀rɛ ƴɛ̀rʋ ɛ, fʋ̃ʋ n'ʋ so a ŋmɛ̃ à à ŋá a ɩ̃ zie.

Sɛb-sõw yielu 18:44

Fʋ faa mɛ̃ nɩ a nɩbɛ na ìr zɛbr'ɩ mɛ̃ a nuru pʋɔ, fʋ ɩ na k'ɩ̃ de a nɩ-bʋʋr-yoru niwn, nɩbɛ ɩ̃ na bɛ bãw a tone nɩ a ɩ̃ tome,

Sɔr-nɛ́ɛ 33:4

ɛ́ a Eziptɩ tẽw dem ũùne a bɛ bidɛb-dãw-dɔwrɩ a Sore na tɩ ɩ bɛ kpi k'ʋʋ dɔwrɩ a Eziptɩ ŋmɩmɛ a.

Eziptɩ tẽw yib 12:12

«Ɩ̃ na tɔl'ɩ a Eziptɩ tẽw pʋɔ a dɩ̃a tɩ̃ɩsɔw, kʋ a bʋ̃-dãw-dɔwrɩ za, a nɩsaalbɛ bi-dãw-dɔwrɩ lãwnɩ a dʋn bʋ̃-dãw-dɔwrɩ. À ŋá n'a a mãa, a Sore, ɩ̃ na dɔwrɩ a Eziptɩ tẽw ŋmɩmɛ.

Eziptɩ tẽw yib 8:24

A Faarawɔ̃ tɩ yel'a: «Ɩ̃ na bɛr nyɩ na nyɩ cen tɩ maal a bàwr kʋ̀ a Sore nyɩ Naaŋmɩn, a wɛja-kpalɛ pʋɔ. Ɛcɛ nyɩ taa cere zãánɛ zuo ɩ, ɛ́ nyɩ puori kʋ̀ m.»

Eziptɩ tẽw yib 8:17

Fʋ̃ʋ bɛ wa bɛrɛ bɛ bɛ cere a, ɩ̃ na ɩ na nakpon wa a fʋ ƴãw, a fʋ tõ-tõ-nɩ-bɛrɛ nɩ a fʋ nɩbɛ ƴãw, ɛ́ wa a fʋ yie pʋɔ. A nakpon na paal'ɩ a Eziptɩ tẽw dem yie, ɛ́ pàw a tẽsɔw za.

Eziptɩ tẽw yib 8:5

A Moyiir tɩ sɔw na yel: «Sàw yel kʋ̀ m, debor'a ɩ̃ na puori a Naaŋmɩn fʋ̃ʋ nɩ a fʋ tõ-tõ-nɩ-bɛrɛ nɩ a fʋ nɩbɛ za ƴãw, a lɔn ta cãà be a fʋ zie, a fʋ yie pʋɔ, ɛ́ be a Nɩl yõ pʋɔ?»

1 Samɩɛl 6:8

Nyɩ na de nɩ a Sore wõ-taa daga dɔwlɩ a torko zu. Ɛ́ a salm-zɩɛ bome nyɩ na kʋ̀rɛ a Naaŋmɩn a sãwna san-yaafʋ ƴãw a, nyɩ na ƴãw a nɩ dawle pʋɔ bin kɔwlɩ a wõ-taa daga, ɛ́ bɛr a torko ʋ cere,

1 Bibie za yel-manɩ 16:28

Tẽw zu nɩ-bʋʋrɛ ɛ, nyɩ bãwnɩ a Sore yúor-vɩɛlʋ-danʋ nɩ a ʋ kpɛnʋ.

1 Bibie za yel-manɩ 16:29

Nyɩ íre a ʋ yúor-vɩɛlʋ-danʋ, nyɩ wa n a nyɩ de-kʋ̀b bome a ʋ niŋé. Nyɩ mɩ́ gũu tɩ tɔ tẽw a Sore niŋé, a lɛn daar ʋ na mɩ́ wul a ʋ sonu a.

Zonasɩ 3:9

Ãa bãw? A mɩnɛ kãw, a Naaŋmɩn na lɩɛb'ɩ a lɛ ʋ na tɩɛr k'ʋʋ ɩ a bɛr, ʋ na bɛr'ɩ a ʋ su-tʋlʋ-kpãkpã, ɛ́ ɩ tɩ ta kpi ɛ.»