1 Samɩɛl 6:21 - A SƐB-SÕW

²¹ Bɛ tɩ tõ n nɩbɛ kɛ́ bɛ tɩ yel a Kɩrɩyatɩ-Yeyarim tẽw dem: «A Filisɩtɛ̃ mɩnɛ lɛb'a tɩr a Sore wõ-taa daga. Nyɩ wa de ʋ cen nɩ a nyɩ zie.»

1 Samɩɛl 6:21 Referans Kwoze

Zozue 18:14

A tãw ŋa mʋ̃tɔ̃w-kpɛb-lowr a, a tʋr-bɔw tɩ lɩɛb'a: ʋ tɩ lɩɛb'a tu a saa-pɛrɩ́-dʋrʋ-lowr, cen tɩ ta a Kɩrɩyatɩ-Baal bɛ mɩ̀ na bʋɔlɛ kɛ́ Kɩrɩyatɩ-Yeyarim na ɩ Zuda dɔwlʋ sób a. A Ziir á ŋá n'a a mʋ̃tɔ̃w-kpɛb-lowr tʋr-bɔw tɩ tu tɔl.

Zozue 9:17

Lɛ n'a a Ɩsɩrayɛl nɩbɛ tɩ ìr lo a sɔ́r, ɛ́ bibie ata pùorí a, bɛ tɩ ta n a ten al pʋɔ a nɩbɛ bɛ ŋa na kpɩɛr a: Gabaɔ̃, Kefɩɩra, Beerɔtɩ nɩ Kɩrɩyatɩ-Yeyarim.

Zeremi 7:14

Nyɩ ƴãw nɩ a nyɩ tɩɛrʋ a Ŋmɩn-yir-kpɛ̃ɛ ŋa ƴãw. Mãa so ʋ, ɛ́ kʋ̀ nyɩ, nyɩɩm nɩ a nyɩ sãàkʋm-kore. A na ɩ à ŋá a, ɩ̃ na ɩ n a zie ŋa mɛ̃ a lɛ ɩ̃ na tɩ ɩ a Silo zi-sõw a.

Zeremi 7:12

Nyɩ cen a zi-sõw ɩ̃ na tɩ dãw tɛr a Silo a pʋɔ. Be n'a ɩ̃ tɩ dãw kpɩɛr. Nyɩ nyɛ̃ a lɛ ɩ̃ na ɩ ʋ a ɩ̃ nɩ-bʋʋrɛ Ɩsɩrayɛl ɩ-faar zũú a.

Sɛb-sõw yielu 78:60

Ʋ tɩ yi na kɛ́ bɛr a ʋ yir a Silo tẽw, a pɛn-sɛw ʋ na tɩ maalɩ a nɩsaalbɛ sɔgɔ a.

Ƴɛ̀r-dɩrbɛ 18:12

Bɛ tɩ cen na tɩ maalɩ a bɛ laɩ Kɩrɩyatɩ-Yeyarim a Zuda tẽw. Lɛ so bɛ bʋɔlɛ a zie ŋa kɛ́ Mahane-Dan, wa tɩ tɔ n dɩ̃a. Ʋ be n a Kɩrɩyatɩ-Yeyarim mʋ̃tɔ̃w-kpɛb-lowr.

Zozue 15:60

de nɩ Kɩrɩyatɩ-Baal bɛ mɩ̀ na bʋɔlɛ Kɩrɩyatɩ-Yeyarim a, nɩ Araba, tẽ-bɛrɛ ayi nɩ a tẽli-kpɔwlɩ.

Zozue 15:9

A be a, ʋ tɩ lɩɛb'a tu Nɛfɩtowa bul-nɛ́ɛ lowr, ɛ́ tɩ ta a tẽ-bɛrɛ na pɩɛlɩ Efiron tãw a, ɛ́ bãw lɩɛb tu Baala, bɛ mɩ̀ na bʋɔlɛ kɛ́ Kɩrɩyatɩ-Yeyarim a lowr.

Zeremi 26:20

A ʋlɩ daar nɛ a, naaŋmɩn-ƴɛ̀r-manɛ kãw mɩ̀ tɩ be n be ƴɛ̀rɛ a Sore yúor ƴãw: Semayahu bidɛb, Uuriyahu, na yi Kɩrɩyatɩ-Yeyarim a tɩ n'ʋ. Ʋ tɩ ƴɛ̀r'ɩ a Zerizalɛm tẽw nɩ a Zuda nɩbɛ ƴãw a Sore yúor ƴãw mɛ̃ a lɛ tɔr za a Zeremi na tɩ ƴɛ̀r a.

2 Samɩɛl 6:2

A zɛbr-nɩbɛ bɛ ŋa nɛbɛ a Daviir tɩ ìr lo n a Baala na be Zuda tẽw a sɔ́r, k'ʋʋ tɩ ɓáw a Naaŋmɩn wõ-taa daga do wa n, a daga ŋa zu yúor na bʋɔlɩ ƴãw a, a Sore, a Kpɛnʋ-za-sob na zɩ̃ a seribɛ̃ mɩnɛ zu-sɔw a, yúor.