1 Samɩɛl 5:6 - A SƐB-SÕW

⁶ A Sore tɩ lɛb'a bãw wul a ʋ kpɛnʋ a Asɩdɔdɩ tẽw dem, ɩ a kpɛ bɛ yaga za, ʋʋ sãw bome yaga a bɛ zie: ʋ tɩ ɩ na mãsuur nyɔw a Asɩdɔdɩ tẽw dem nɩ a bɛ tẽ-kpɔwlɩ dem.

1 Samɩɛl 5:6 Referans Kwoze

1 Samɩɛl 5:11

Bɛ mɩ̀ tɩ bʋɔl'ɩ a Filisɩtɛ̃ mɩnɛ na-mɩnɛ za wa yel bɛ: «Nyɩ lɛb tɩr a Ɩsɩrayɛl Naaŋmɩn wõ-taa daga bɛr ʋ cen a ʋ tẽw, alɛ bɛ ɩ lɛ, tɩ za na kpi na.» Dɛ̃bɩ̃-kpɛ̃ɛ tɩ sɩrɩ na nyɔw a tẽw nɩbɛ za, bʋ̃ʋ n'ʋ vɛ̃, a Sore mɩ̀ tɩ wul'ɩ a ʋ kpɛnʋ yaga za a be.

Nɩ-toni 13:11

Ƴɛrɛŋa a, cɛlɛ, a Sore zɛw nɩ nũu k'ʋʋ ŋmɛ n fʋ: fʋ na zɔ̃w na tɩ ta tab kãw, ɛ́ kʋ̃ lɛb nyɛ̃ a mʋ̃tɔ̃w cãà ɩ.» Daadaalɛ, lige tɩ pili na pàw a Elimasɩ ʋ bɔblɛ viire bɔbr'ɩ tawrɛ.

Sɛb-sõw yielu 32:4

Sore e, mʋ̃tɔ̃w nɩ tɩ̃ɩsɔw, a fʋ ŋmɩɛrʋ tɩ siwr'ɩ a ɩ̃ zu, ɛ́ ɩ̃ tɩ bàl ɩ̃ za mɛ̃ váar a tʋl-kpãkpã daar a. Tɛw-àrʋ

Wulu-ayi-sob 28:27

A Sore na ɩ na a nyɩ ƴã-gamɛ ɓuure ŋmɛrɛ mɛ̃ a Eziptɩ tẽw dem a. Natɩ-tɛbrɩ, zãkpanɛ nɩ natɩ-kpawlɛ na mɩ́ tɛr nyɩ na, ɛ́ bɛ tɛr sanʋ ɛ.

Eziptɩ tẽw yib 9:3

a mãa Sore a, ɩ̃ bɛ bɛrɛ a fʋ dʋn na be a póru pʋɔ a ɩ: jɛ̀lmɛ̃ bàal-faa faa na nyɔw nɩ a fʋ wie, a fʋ bòn, a fʋ nyɔ̃wmɩ, a fʋ nĩi, a fʋ píir nɩ a fʋ bʋʋr.

Sɛb-sõw yielu 78:66

Ʋ tɩ yi n a pùorí wa ŋmɛ a ʋ dɔ̃ dem ƴãw bɛ vĩ na bɛ tɛr baarʋ a.

1 Samɩɛl 5:7

A Asɩdɔdɩ tẽw dem na tɩ nyɛ̃ a lɛ a na ŋmɛ̃ bɛ a, bɛ yel'a: «A Ɩsɩrayɛl Naaŋmɩn wõ-taa daga ta cãà be a tɩ zie ɩ, bʋ̃ʋ n'ʋ vɛ̃, ʋ wule tɩ nɩ a ʋ kpɛnʋ, ɩrɛ nɩ a kpɩɛr tɩ yaga za, a tɩɩm nɩ a tɩ ŋmɩn Dagon.»

A Zɔb sɛbɛ 31:3

Nyɩ mɩ́ yel'a: «A kpɩɛrʋ mɩ́ páw nɩ a nɩ-faa, ɛ́ niw-sʋba tɛr a yel-fa-maalɛ.»

1 Samɩɛl 5:9

Ɛcɛ ʋ na dɛ wa tarɛ a be a, a Sore wul'ɩ a ʋ kpɛnʋ a tẽw dem. Dɛ̃bɩ̃-kpɛ̃ɛ tɩ gã na. Mãsuur tɩ nyɔw nɩ a tẽw dem za, a bibiir nɩ a nɩ-bɛrɛ.

Sɛb-sõw yielu 145:20

A Sore mɩ́ gùre nɩ a bɛlɩ dem za na nɔnɛ ʋ a, ɛcɛ ʋ mɩ́ kʋ n a nɩ-faar za.

Sɛb-sõw yielu 147:6

A Sore mɩ́ nyɔw nɩ a bãbàalbɛ bɛ lɛb ìr, ɛ́ siwri a nɩ-faar tɩ tɔ n a tẽw.

Yele-za-pɛr-tib 41:31

Ʋ na kpɛ n faa yaga za, nɩr bɛ cãà bãw bʋ̃ʋ n'ɩ bome na ʋr a ɩ.