1 Samɩɛl 30:6 - A SƐB-SÕW

⁶ Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.

1 Samɩɛl 30:6 Referans Kwoze

Sɛb-sõw yielu 56:11

Ɩ̃ danɛ nɩ a Naaŋmɩn, a ƴɛ̀rʋ ʋ na ƴɛ̀r a ƴãw, ɩ̃ danɛ nɩ a Sore a ƴɛ̀rʋ ŋa ƴãw.

Sɛb-sõw yielu 62:5

Lɛ nyɩ na na ɩ siwr'ʋ a be ʋ na do tɩ àr a, al tɛwr yã n'a nyɩ bɔbr. A nɔ-vla nyɩ na mɩ́ ƴɛ̀rɛ a, nʋɔr tɛwr'ʋ nyɩ mɩ́ ƴɛ̀r'ɩ, ɛ́ a nyɩ tɩɛrʋ pʋɔ nyɩ ŋmɩɛr ƴãwn. Tɛw-àrʋ

Sɛb-sõw yielu 18:6

A kpɩmɛ tẽw mie tɩ vili vili mɛ̃ na, a kũu bɛrɩ tɩ be n a ɩ̃ nisɔw.

Sɛb-sõw yielu 25:17

A kpɩɛrʋ paal'ɩ a ɩ̃ socir, ír a ɩ̃ pʋl-vʋ̃ɔ bɛr mɛ̃.

Ebre 13:6

Lɛ so tɩ na tʋ̃ɔ́ bɛr tɩɛrʋ ɛ́ yel: «A Sore n'ɩ a ɩ̃ sõwne, ɩ̃ kʋ̃ zɔrɛ bom za dɛ̃bɩ̃ɛ ɩ. Bʋ̃ʋ n'ʋ nɩsaal na tʋ̃ɔ́ ɩ m?»

Ʋrɔm 4:18

A Abraham tɩ sàw na de ɛ́ tɩɛrɛ, a na saa tɩ ɩ mɛ̃ zawlalɛ n'a ʋ tɩɛrɛ a. À ŋá n'a ʋ tɩ lɩɛbɩ «nɩ-bʋʋr-yaga sãà», a tu a ƴɛ̀rʋ ŋa a Naaŋmɩn na tɩ ƴɛ̀r kʋ̀ ʋ a: «À ŋá n'a a fʋ bʋʋrɛ nãà yãwmɛ sɛw.»

Sɛb-sõw yielu 116:10

Ɩ̃ sàw na de, ɩ̃ na saa mɩ́ tɩ yel kɛ́: «A kpɩɛrʋ gãw mɛ̃ na» a!

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Eziptɩ tẽw yib 17:4

A Moyiir tɩ kõ na bʋɔlɩ a Sore yel á ŋá: «Bʋ̃ʋ n'ʋ ɩ̃ na ɩ a nɩbɛ bɛ ŋa ƴãw? Blã cɛ ɛ́ bɛ na lɔb'ɩ mɛ̃ nɩ kʋsɛbɛ!»

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Sɛb-sõw yielu 27:14

— Ƴãw a fʋ tɩ́ɛrʋ a Sore ƴãw, dɩ kanyir ɛ́ tɛr soci-kpɛ̃w, ƴãw a fʋ tɩ́ɛrʋ a Sore ƴãw.

2 Korɛ̃tɩ 4:8

Kpɩɛrʋ bʋʋrɛ za ta tɩ na, ɛ́ a bɛ dĩ tɩ kʋ ɛ. A mɩ́ ɩ na mɛ̃ tɩ na tɔl'a gù a, ɛ́ tɩ tʋ̃ɔ́ tɔl.

1 Samɩɛl 1:10

Pʋ-sãwna tɩ tɛr'ɩ a Ana bɛ dɩ vuo ɩ. Ʋ tɩ puore nɩ a Sore kone nɩ marmarmar.

Zã 8:59

A ka n'a bɛ tɩ wob kʋsɛbɛ kɛ́ bɛ lɔb'ɩ ʋ. Ɛcɛ ʋ tɩ sɔwl'a yi a Ŋmɩn-yir-kpɛ̃ɛ pʋɔ.

Sɔr-nɛ́ɛ 14:10

A lãw za tɩ yere na kɛ́ bɛ lɔb'ɩ bɛ kʋsɛbɛ kʋ, wa bere a Sore yúor-vɩɛlʋ-danʋ sãá a Ɩsɩrayɛl nɩbɛ za niŋé, a tuor-taa pɛn-sɛw zu.

2 Korɛ̃tɩ 7:5

Tɩ na tɩ ta a Masedʋan a, tɩ bɛ nyɛ̃ pɩ̃ɛnʋ towtow ɛ, kpɩɛrʋ bʋʋrɛ za n'a tɩ nɩ̃ɛ nyɛ̃ a ziir za: zɛbr tɩ n'a a yẽw, ɛ́ a tɩ pʋ̃ɔmɩ a ɩ dɛ̃bɩ̃ɛ.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

A Zɔb sɛbɛ 13:15

A bɛ tɛr vɛb ɛ, a Naaŋmɩn na kʋ m a, ɩ̃ bɛ cãà tɩɛrɛ bom za ɩ. Ɛcɛ ɩ̃ na ƴɛ̀r'a wul a ɩ̃ yel-mɩŋa a ʋ niŋé.

2 Korɛ̃tɩ 1:6

Tɩ be n kpɩɛrʋ pʋɔ bɩɩ? A nyɩ mɔwlʋ nɩ a nyɩ faafʋ ƴãw n'a. Tɩ nyɛ̃ nɩ mɔwlʋ bɩɩ? A nyɩ mɔwlʋ n'a, kɛ́ nyɩ tʋ̃ɔ́ sàw de a tuo al tɛɛ za tɩ mɩ̀ na wone a.

Ʋrɔm 4:20

Ʋ bɛ tɩ bʋnɩ nɩ a lɛ a Naaŋmɩn na yel a ɩ. A ʋ sàw-deb nɩ̃ɛ na lɛb tɩ ɩ ʋ kpɛmɛ ɛ́ danɩ a Naaŋmɩn.

Matie 27:22

A Pɩlatɩ tɩ lɛb'a sowri bɛ: «Ɛ́ a Yeezu bɛ na bʋɔlɛ Nɩ-kabra a, ɩ̃ na ɩ ʋ nɩ ŋmɩn?» Bɛ za tɩ sɔw na yel: «Kpa ʋ da-gara zu!»

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»

Ɩzayi 25:4

Bʋ̃ʋ n'ʋ vɛ̃, fʋ̃ʋ n'ʋ mɩ́ piw a bãbàalbɛ tɛr, fʋ mɩ́ piw nɩ a nan dem tɛr a bɛ kpɩɛrʋ pʋɔ. Fʋ ɩ n taw-lanʋ zie a saa ƴãw, ɓaarʋ a mʋ̃tɔ̃-tʋlʋ ƴãw. — A po-to-fãw dem suur ɩ na mɛ̃ saa na waar'ɩ sɛsɛb ŋmɩɛr dacin a,

Sɛb-sõw yielu 62:1

Yiel-yielbɛ nɩ-kpɛ̃ɛ sɛbɛ pʋɔ yielu. Yedutun yielu. Sɛb-sõw yielu Daviir na maalɩ a.

Sɛb-sõw yielu 42:7

Naaŋmɩn i, kpɩɛrʋ nyɔw nɩ a ɩ̃ sɩ́ɛ a ɩ̃ ƴãw, alɛ so ɩ̃ lɛb tɩɛrɛ a fʋ yele, ɩ̃ be a Zurdɛ̃ bul-nɛ́ɛ ƴãw a Tã-ble pɛr, a Hɛrmɔ̃ tan pʋɔ, ɛ́ tɩɛrɛ a fʋ yele.

Ƴɛ̀r-dɩrbɛ 18:25

A Dan dɔwlʋ nɩbɛ tɩ lɛb'a yel ʋ: «Ta pàwr tɩ gɔmɛ ɩ, alɛ bɛ ɩ lɛ, a tɩ nɩbɛ bɛ mɩnɛ nãà nyɛ̃ nɩ suur, lɩɛbɩ lo a nyɩ zu. Fʋ nãà ɩrɛ na bɛ wa kʋ fʋ̃ʋ nɩ a fʋ yir dem.»

Yele-za-pɛr-tib 32:7

A nɩbɛ a Zakɔb na tɩ tõ a, tɩ lɛb'a wa yel ʋ: «Tɩ cen nɩ a fʋ yɛb Ezawu zie. Ʋ mɩ̀ tuore fʋ na nɩ nɩbɛ kɔbr anaar (400).»

Sɛb-sõw yielu 42:5

Ɩ̃ lɛb'a tɩɛrɛ ɛ́ ƴãw cɩrɛ mɛ̃, a lɛn daar ɩ̃ na mɩ́ tɩ pʋɔ a nidaa dem pʋɔ, cere a Naaŋmɩn yir a, lãwnɩ zu-sɛbla na maalɛ cuw a, ɛ́ cáarɛ nɩ nʋ̃ɔ̀ puore a Naaŋmɩn barka a.

2 Samɩɛl 17:8

Fʋ̃ʋ mɩŋa za bãw nɩ a fʋ sãà nɩ a ʋ nɩbɛ: soja-gãdaar'ɩ bɛ za, ɛ́ nyar mɛ̃ ursɩ nyãw na bɔr a ʋ bile bɛr a wɩ̀ɛ pʋɔ a. Lɛb waar mɩ̀, a fʋ sãà ɩ n zɛbr nɩr, ʋ kʋ̃ sàw lãw gã nɩ a nɩbɛ za ɩ.

2 Na-mɩnɛ 4:27

Ɛcɛ, ʋ na wa ta a Elize zie, a tãw zu a, ʋ lo na nyɔw a ʋ gbɛ́ɛ. A Gehazi tɩ taw na ta, k'ʋʋ nyɔw ʋ bɛr, ɛcɛ a Elize tɩ yel ʋ na: «Bɛr ʋ, ʋ tɛr'ɩ pʋ-sãwna ɩ̃ na bɛ bãw a pɛr a, bʋ̃ʋ n'ʋ vɛ̃, a Sore bɛ ɩ ɩ̃ bãw ɛ.»

1 Samɩɛl 23:16

Bibir kãw, a Sawul bidɛb, Zonatã, tɩ ìr'a cen a Daviir zie a Horesa. Ʋ tɩ ɩ na a tɩɛrʋ a Daviir na ƴãw a Naaŋmɩn ƴãw a, ʋ kpɛmɛ.

Sɛb-sõw yielu 18:2

Ʋ tɩ yel a: Sore e, ɩ̃ nɔnɛ fʋ na, fʋ̃ʋ n'ɩ a ɩ̃ fãw.

Sɛb-sõw yielu 31:24

Nyɩ nɔnɛ a Sore, nyɩɩm za na sàw de ʋ a, bʋ̃ʋ n'ʋ vɛ̃, a Sore mɩ́ gùre nɩ a bɛlɩ dem na sàw de ʋ a. Ɛcɛ ʋ mɩ́ dɔwr'ɩ a pɔ̀lʋ sob faa faa.

Sɛb-sõw yielu 71:4

Ɩ̃ Naaŋmɩn i, faa mɛ̃ a nɩ-faa nuru pʋɔ, a nɩr na bɛ tɛr yel-mɩŋa a nɩ a po-to-sob nuru pʋɔ.

Sɛb-sõw yielu 71:5

Sore Naaŋmɩn i, fʋ̃ʋ n'ʋ ɩ̃ tɩɛrɛ, fʋ̃ʋ zie n'a ɩ̃ ƴãw a ɩ̃ tɩɛrʋ a ɩ̃ pɔ̀lʋ daarɩ́ za.

Zonasɩ 2:2

Ʋ tɩ be n a zʋm-kpɛ̃ɛ púorí ɛ́ puori a Sore ʋ Naaŋmɩn.

Ƴɛ̀r-dɩrbɛ 20:22

A Ɩsɩrayɛl nɩbɛ tɩ cen nɩ a Sore niŋé tɩ kõ tɩ sɔb'ɩ zie. Bɛ tɩ sowr'ɩ a Sore kɛ́ bɛ bãw, bɛ na tʋ̃ɔ́ na lɛb zɛb'ɩ a bɛ yɛbr, a Bɛ̃zamɛ dɔwlʋ nɩbɛ ɛ? A Sore tɩ sɔw na yel kɛ́ bɛ na tʋ̃ɔ́ na. Lɛ n'a a Ɩsɩrayɛl nɩbɛ lɛb tɩ dɩ kanyir, ɛ́ lɛb pɩɛrɩ a zɛbr pɩɛrʋ a be bɛ na tɩ pɩɛrɩ a bibi-dãw-niwn sob a.

1 Samɩɛl 28:15

A Samɩɛl tɩ sowr'ɩ a Sawul: «Bʋ̃ʋ n'ʋ so fʋ sãw a ɩ̃ pɩ̃ɛnʋ bɛr? Bʋnʋ ƴãw n'a fʋ ƴãw bɛ bʋɔlɩ mɛ̃?» A Sawul sɔw: «Kpɩɛrʋ nyɔw mɛ̃ nɩ yaga za. A Filisɩtɛ̃ mɩnɛ zɛbr'ɩ mɛ̃ na, ɛ́ a Naaŋmɩn zawrɩ mɛ̃ bɛr. A naaŋmɩn-ƴɛ̀r-manbɛ zie n'a ɩ̃ sowre ʋ bɩɩ, ʋ bɛ sɔwr ɛ, zánʋ pʋɔ n'a bɩɩ, ʋ bɛ sɔwr ɛ. Alɛ n'a so ɩ̃ bʋɔlɩ fʋ kɛ́ fʋ wul mɛ̃ bom nɛ a na fɛr k'ɩ̃ɩ ɩ a.»

Sɛb-sõw yielu 138:3

A lɛn daar ɩ̃ na tɩ bʋɔlɩ fʋ a, fʋ sɔw mɛ̃ na, fʋ tɩ ɩ na ɩ̃ kpɛmɛ socir ɛ́ tɛr fãw.