1 Samɩɛl 3:21 - A SƐB-SÕW

²¹ A Sore mɩ́ tɩ cãà na wul ʋ mɩŋa a Silo: bʋ̃ʋ n'ʋ vɛ̃, a Silo n'a ʋ mɩ́ tɩ wul ʋ tʋɔra a Samɩɛl, k'ʋʋ ɩ ʋ bãw a ʋ ƴɛ̀rʋ.

1 Samɩɛl 3:21 Referans Kwoze

1 Samɩɛl 3:1

A Samɩɛl ʋl na tɩ cãà ɩ pɔlbile a tɩ tone nɩ a Sore tome a Eli niŋé. A lɛn daar, a Sore bɛ tɩ ƴɛ̀rɛ cãcã a nɩbɛ zie ɩ, ɛ́ a ʋ nyɛ́b bɛ tɩ ɩ cãcã ɩ.

Yele-za-pɛr-tib 12:7

A Sore tɩ ɩ na a Abram nyɛ̃ ʋ, ʋʋ yel ʋ: «A fʋ bʋʋrɛ nɛbɛ ɩ̃ na kʋ̀ a tẽw ŋa.» A Abram tɩ mɛ n bàwr-maal-kuur a Sore ƴãw, a be a Sore na tɩ ɩ ʋ nyɛ̃ ʋ a.

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

1 Samɩɛl 3:4

A Sore tɩ bʋɔl'ɩ a Samɩɛl, ʋ sɔw: «Mãa n'ɩ ŋan!»

Sɔr-nɛ́ɛ 12:6

A Sore yel bɛ à ŋá: «Nyɩ cɛlɛ vla a ɩ̃ ƴɛ̀rʋ ƴãw: naaŋmɩn-ƴɛ̀r-manɛ na mɩ́ wa be a nyɩ pʋɔ a, a mãa Sore, yel-nyɛrɩ pʋɔ n'a ɩ̃ mɩ́ ɩ ʋ bãw mɛ̃, zánʋ pʋɔ n'a ɩ̃ mɩ́ ƴɛ̀r a ʋ zie.

Ebre 1:1

A dãwdãw a, Naaŋmɩn tɩ ƴãw na a ʋ ƴɛ̀r-manbɛ ƴɛ̀r ƴɛ̀r-pɛ-bʋʋrɛ za, gb'aa ŋmɩn za a tɩ sãàkʋm-kore zie.

Amɔsɩ 3:7

Yel-mɩŋa, a Sore Naaŋmɩn bɛ ɩrɛ bom za ɛ́ bɛ yere a ʋ pʋ-tɩɛrʋ kʋ̀rɛ a ʋ ƴɛ̀r-manbɛ na ɩ a ʋ tõ-tõ-biir a ɩ.

1 Samɩɛl 3:10

A Sore tɩ wa na wa be a be. Ʋ tɩ lɛb'a bʋɔlɩ mɛ̃ a dãwdãw a: «Samɩɛl i, Samɩɛl i!» A Samɩɛl sɔw: «Ƴɛ̀rɛ, a fʋ tõ-tõ-bie bɛrɛ na wone.»

Zeremi 41:5

Lɛ n'a nɩbɛ lɩz'a anaar tɩ yi Sisɛm, Silo nɩ Samaari wa ta. A bɛ tɩ̃ɛmɛ tɩ põ na, a bʋ̃-suuri cɩɛr cɩɛr, ɛ́ a ƴã-gamɛ za wɛr wɛr. Bɛ tɩ tɛr'ɩ ble de-kʋ̀b bome nɩ tɩ-suur-zɔ̃-na-nyùur-vla-vla-a, kɛ́ bɛ cen nɩ tɩ kʋ̀ a Sore a Zerizalɛm Ŋmɩn-yir-kpɛ̃ɛ́.

Wulu-ayi-sob 29:10

a nyɩ bibiir nɩ a nyɩ pɔwbɛ, nɩ a nʋʋrɩ na kpɩɛr a nyɩ sɔgɔ a nyɩ laɩ pʋɔ kɛ́ bɛ cɩɛr a dàar bɩɩ 'wɔ̃wnɛ a kʋ̃ɔ kʋ̀rɛ nyɩ a.

1 Samɩɛl 9:15

Zɩ̃ k'aa zãa daarɩ́ a, a Sore tɩ yel'ɩ a Sawul waa kʋ̀ a Samɩɛl à ŋá:

1 Samɩɛl 10:19

Ɛ́ dɩ̃a nyɩ wa zawrɩ a nyɩ Naaŋmɩn bɛr, ʋl na sõwne nyɩ a nyɩ kpɩɛrʋ nɩ a nyɩ pʋl-vʋ̃ɔ za pʋɔ a, ɛ́ yel ʋ: “Kʋ̀ tɩ nãà.” A na ɩ à ŋá a, nyɩ wa a Sore niŋé dɔwlʋ dɔwlʋ, yie yie.»