1 Samɩɛl 3:18 - A SƐB-SÕW

¹⁸ Lɛ n'a a Samɩɛl tɩ manɩ a ƴɛ̀rʋ za kʋ̀ ʋ, bɛ sɔwl'ʋ bom ɛ. A Eli tɩ yel'a: «Ʋlɛ n'ɩ a Sore! Ʋ ɩ lɛ ʋ na bɔbr a!»

1 Samɩɛl 3:18 Referans Kwoze

Ɩzayi 39:8

A Ezekɩasɩ tɩ sɔw nɩ a Ɩzayi: «A Sore ƴɛ̀rʋ ŋa fʋ na ƴɛ̀rɛ kʋ̀rɛ mɛ̃ a ɩ n ƴɛ̀r-vla.» Bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ à ŋá: «A ɩ̃ cãafʋ daar a, a na ɩ n ƴã-ɓaarʋ nɩ zie na gã zoom a.»

A Zɔb sɛbɛ 2:10

A Zɔb tɩ sɔw ʋ na yel: «Fʋ ƴɛ̀rɛ na mɛ̃ dãbol a! Tɩmɛ mɩ́ wa sàw de a nʋ̃ɔ̀ a Naaŋmɩn na kʋ̀rɛ tɩ a, bʋ̃ʋ n'ʋ so tɩ mɩ̀ kʋ̃ sàw de a tuo?» A yele á ŋá za pʋɔ a, a Zɔb bɛ tɩ sãw a Naaŋmɩn a ʋ nʋɔr ƴɛ̀rʋ pʋɔ ɩ.

1 Pɩɛr 5:6

A na ɩ à ŋá a, nyɩ siwri nyɩ tʋɔra a Naaŋmɩn kpɛnʋ-za-sob zie, ʋ tʋ̃ɔ́ zɛw nyɩ a daar ʋl ʋ na ƴãw a nãà wa ta a.

Ƴɛ̀r-dɩrbɛ 10:15

A Ɩsɩrayɛl nɩbɛ tɩ lɛb'a yel a Sore: «Tɩ maal'ɩ yel-bier. Ɩ tɩ lɛ za fʋ na nyɛ̃ a vɩɛl a, ɛcɛ cãà lɛb faa tɩ a dɩ̃a.»

A Lãw-mʋɔlɛ 3:39

A lɛ pʋɔ a, bʋ̃ʋ n'ʋ so nɩsaal na mɩ́ zɛbr ʋ na saa mɩ́ tɛr sãwna ɛ́ cãà vʋʋrɛ a?

Sɛb-sõw yielu 39:9

Faa mɛ̃ a ɩ̃ yel-bebe za pʋɔ, ta sàw a dãbole ɩrɛ mɛ̃ laar ɛ.

A Zɔb sɛbɛ 1:21

ɛ́ yel: «Nũ-zawl'a ɩ̃ dɔw, ɛ́ nũ-zawl'a ɩ̃ na kpi. A Sore tɩr'a, a Sore lɛb'a de. A Sore yúor tɛr'ɩ danʋ!»

Yele-za-pɛr-tib 18:25

Fʋ ɩ a nɩ-mɩŋa ʋ kpi lãwnɩ a sãwna sob i? Aɩ, fʋ kʋ̃ tʋ̃ɔ́ ɩ à à ŋá ɩ! Fʋ ɩ a nɩ-mɩŋa mɛ̃ a sãwna sob a? A ɩb ŋa tɔ a, ʋ zãá nɩ fʋ! A tẽw za ƴɛ̀r-maalɛ kʋ̃ ɩ a lɛ-na-tu-sɔr-a bɩɩ?»

Eziptɩ tẽw yib 34:5

A Sore tɩ siw nɩ a zũzuwr pʋɔ wa àr a be kɔw a Moyiir. Ʋ tɩ bʋɔl'ɩ a ʋ yúor kɛ́: «Sore.»

Levitɩ mɩnɛ 10:3

A Moyiir tɩ yel'ɩ a Aarɔ̃: «A Sore tɩ yel'ɩ a yel ŋa kʋ̀ nyɩ, a lɛn daar ʋ na tɩ ƴɛ̀r à ŋá a: “Ɩ̃ bɔbr'a k'aa bɛlɩ dem na tawr pɩɛlɛ mɛ̃ a mɩ́ wul a ɩ̃ sonu, ɛ́ íre a ɩ̃ yúor-vɩɛlʋ-danʋ a nɩbɛ za niŋé.”» A Aarɔ̃ tɩ ɩ n gbili.

2 Samɩɛl 10:12

Kpɛ socir, tɩ zɛbr'ɩ soci-kpɛ̃w, a tɩ nɩ-bʋʋrɛ nɩ a tɩ Naaŋmɩn tẽ-bɛrɛ ƴãw. Ɛ́ a Sore a, ʋ ɩ lɛ na pɛlɩ a ʋ pʋɔ a.»

2 Samɩɛl 15:26

Ɛcɛ ʋlɛ wa yel k'ʋʋ bɛ bɔbr mɛ̃ a, ʋ̃ʋ́ ɩ m lɛ za ʋ na bɔbr a.»

2 Na-mɩnɛ 20:19

A Ezekɩasɩ tɩ sɔw nɩ a Ɩzayi: «A Sore ƴɛ̀rʋ ŋa fʋ na ƴɛ̀rɛ kʋ̀rɛ mɛ̃ a ɩ n ƴɛ̀r-vla.» Bʋ̃ʋ n'ʋ vɛ̃, ʋ tɩ tɩɛrɛ nɩ ʋ pʋɔ à ŋá: «A ɩ̃ cãafʋ daar a, a na ɩ n ƴã-ɓaarʋ, nɩ zie na gã zoom a.»

Zeremi 34:6

A naaŋmɩn-ƴɛ̀r-manɛ Zeremi tɩ ƴɛ̀r'ɩ a ƴɛ̀rʋ á ŋá za a Zuda tẽw nãà, Sedesɩasɩ, niŋé, a Zerizalɛm.

Zeremi 38:14

A nãà Sedesɩasɩ tɩ tõ na bɛ tɩ bʋɔlɩ a naaŋmɩn-ƴɛ̀r-manɛ Zeremi, ƴãw ʋ wa a Ŋmɩn-yir-kpɛ̃ɛ dɩ̃dɛɛ ata sob ƴãw. A nãà tɩ yel'ɩ a Zeremi: «Ɩ̃ bɔbr'a k'ɩ̃ɩ sowri fʋ bom kãw!»

Zeremi 42:4

A naaŋmɩn-ƴɛ̀r-manɛ Zeremi tɩ sɔw bɛ na: «Ɩ̃ wõ a na! Ɩ̃ na puor'ɩ a Sore tɩ Naaŋmɩn mɛ̃ a lɛ nyɩ na zɛlɩ a. Al pùorí, ɩ̃ na ɩ na nyɩ bãw a Sore sɔwfʋ, ɩ̃ kʋ̃ sɔwlɩ nyɩ bom za ɩ.»

1 Bibie za yel-manɩ 19:13

Kpɛ socir, tɩ kpɛ socir zɛbr'ɩ a tɩ nɩ-bʋʋrɛ ƴãw nɩ a tɩ Naaŋmɩn tẽ-bɛrɛ ƴãw. Ɛ́ a Sore a, ʋ ɩ a lɛ na pɛlɩ a ʋ pʋɔ a.»