1 Samɩɛl 29:3 - A SƐB-SÕW

³ A Filisɩtɛ̃ mɩnɛ zɛbr-nɩbɛ nɩ-bɛrɛ tɩ sowr'a: «Tẽbowle n'ɩ a Ebre mɩnɛ bɛ ŋa?» A Akisɩ tɩ sɔw bɛ: «A Daviir'ʋ wɛ! A Ɩsɩrayɛl nãà, Sawul, tõ-tõ-bie. yũon-been bɩɩ yome ayi n'ɩ à ŋá ʋ na be a ɩ̃ zie a, a ʋlɩ bibir ʋ na wa a ɩ̃ zie wa tɩ tɔ a dɩ̃a a, ɩ̃ bɛ nyɛ̃ sãwna a ʋ zie na yere ɩ.»

1 Samɩɛl 29:3 Referans Kwoze

1 Samɩɛl 27:7

Yũon-been nɩ cuwr anaar'a a Daviir tɩ kpɛ a Filisɩtɛ̃ mɩnɛ tẽw.

1 Pɩɛr 3:16

Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.

Ʋrɔm 12:17

Nyɩ ta yarɛ nɩr kãw za yel-faa san ɛ. Nyɩ ƴãw fãw ɩrɛ a vla a nɩsaalbɛ za niŋé.

Zã 19:6

Ɛcɛ a bàwr-maal-nɩ-bɛrɛ nɩ a bɛ nɩbɛ na wa nyɛrɛ ʋ lɛ pɛ a, bɛ ŋmɩɛr'ɩ cɛlsɩ yere nɩ: «Kpa ʋ da-gara zu! Kpa ʋ da-gara zu!» A Pɩlatɩ lɛb yel bɛ: «Nyɩ mɩ̀ de ʋ kpa a da-gara zu, mãa ƴãw a, ɩ̃ bɛ nyɛ̃ sãwna za a ʋ zie ɩ.»

1 Samɩɛl 25:28

Ɩ̃ zɛlɛ fʋ na, yãayãa, dɩ a ɩ̃ sãwna suur kʋ̀ m. Sɩza n'a, a Sore na ɩ n a fʋ yir dɩrɛ naalʋ kʋralɛ, bʋ̃ʋ n'ʋ vɛ̃, a ʋl ƴãw n'a fʋ zɛbr a zɛbr, ɛ́ bɛ bɛ nyɛ̃ faa kãw za a fʋ zie a fʋ cãafʋ daar za ɩ.

1 Samɩɛl 27:1

A Daviir tɩ tɩɛr'ɩ ʋ pʋɔ yel à ŋá: «Bibir kãw, a Sawul na ɩrɛ na cãà wa kʋ m, alɛ sa k'ɩ̃ɩ zɔ cen a Filisɩtɛ̃ mɩnɛ tẽw. Lɛ n'a a Sawul na bɛr a ɩ̃ diwfʋ a Ɩsɩrayɛl tẽw za pʋɔ, lɛ n'a ɩ̃ na cɩ̃ɛ ʋ bɛ páw mɛ̃ ɩ.»

1 Samɩɛl 29:6

Lɛ n'a a Akisɩ tɩ bʋɔl'ɩ a Daviir tɩ yel ʋ: «A Sore na vʋʋrɛ a yúor ƴãw, nɩ-mɩŋa nɛ b. Ɩ̃ pʋɔ tɩ pɛlɩ na, fʋ na tɩ páw mɛ̃ cere a zɛbr a, bʋ̃ʋ n'ʋ vɛ̃, a lɛn daar za fʋ na wa a ɩ̃ zie wa tɔ a dɩ̃a a, ɩ̃ bɛ nyɛ̃ faa a fʋ zie ɩ. Ɛcɛ a Filisɩtɛ̃ mɩnɛ nɩ-bɛrɛ bɛl na cɛ a bɛ nɔnɛ a fʋ yele ɩ.

1 Bibie za yel-manɩ 12:19

Lɛ n'a a Naaŋmɩn Vʋʋrʋ tɩ siw a soja-zi-gùrbɛ nɩ-kpɛ̃ɛ Amasaɩ, ʋ ŋmɛ cɛl yel: «Fʋ̃ʋ so tɩ, fʋ̃ʋ n'ʋ tɩ tuur Zese bidɛb Daviir i! Ƴã-ɓaarʋ, fʋ̃ʋ so ƴã-ɓaarʋ, fʋ̃ʋ nɩ a bɛlɩ dem na sõwne fʋ a, bʋ̃ʋ n'ʋ vɛ̃, a fʋ Naaŋmɩn sõw fʋ na.» A Daviir tɩ de bɛ na, ɛ́ kʋ̀ bɛ nɩ-bɛrɛ tõ-nɛ́ɛ a ʋ sojarɩ pʋɔ.

1 Bibie za yel-manɩ 12:20

Manase dɔwlʋ nɩbɛ tɩ cen na tɩ páw a Daviir a lɛn daar ʋ na tɩ cen tɩ lãw nɩ a Filisɩtɛ̃ mɩnɛ kɛ́ bɛ zɛb'ɩ a Sawul a. Ɛcɛ a Daviir nɩ a ʋ nɩbɛ bɛ tɩ tʋ̃ɔ́ pʋɔ a Filisɩtɛ̃ mɩnɛ pʋɔ zɛb'ɩ a Sawul ɛ, bʋ̃ʋ n'ʋ vɛ̃, a Filisɩtɛ̃ mɩnɛ nɩ-bɛrɛ tɩ diw bɛ na bɛr ɛ́ yel: «A Daviir na lɛb'a cen tɩ páw a ʋ zu-sob kʋra Sawul mɩl tɩ tɩr.»

Yele-za-pɛr-tib 14:13

Nɩr kãw na zɔ cɩ̃ɛ a tɩ wa na wa yel a yel kʋ̀ a Abram na ɩ ebre ɛ́ tɩ kpɩɛr a Amoritɩ dɔɔ Mamire sɛn tɩɩr pɛr a. A Mamire tɩ ɩ n Ɛsɩkɔl nɩ Anɛɛr yɛb. Bɛ za ata nɩ a Abram tɩ maal'ɩ wõ-taa.

1 Samɩɛl 4:6

A Filisɩtɛ̃ mɩnɛ tɩ wõ n a cɛlsɩ gɔmɛ ɛ́ yel: «A cɛlsɩ gɔmɛ á ŋá pɛr'ɩ bo a Ebre mɩnɛ laɩ pʋɔ?» Bɛ tɩ wa bãwnɩ a na k'aa Sore wõ-taa daga ta n a laɩ pʋɔ.

1 Samɩɛl 14:11

Lɛ n'a bɛ tɩ bɛr a Filisɩtɛ̃ mɩnɛ sojarɩ nyɛ̃ bɛ. A Filisɩtɛ̃ mɩnɛ tɩ yel'a: «Ebre nɩbɛ n'ɩ a bɛ ŋan na yire a bɔwrɩ pʋɔ bɛ na tɩ sɔwlɩ a.»