1 Samɩɛl 29:1 - A SƐB-SÕW

¹ A Filisɩtɛ̃ mɩnɛ tɩ ɓã n a bɛ sojarɩ za taa Afɛkɩ. A Ɩsɩrayɛl nɩbɛ tɩ maal'ɩ a bɛ laɩ pɩɛlɩ a bul-nʋɔr ʋl na pɩɛlɩ a Izireyɛl a.

1 Samɩɛl 29:1 Referans Kwoze

1 Samɩɛl 4:1

Ɛ́ a Samɩɛl mɩ́ tɩ manɩ a ƴɛ̀rʋ ŋa kʋ̀ a Ɩsɩrayɛl nɩbɛ za. Bibir kãw, a Ɩsɩrayɛl nɩbɛ tɩ ìr'a kɛ́ bɛ zɛb'ɩ a Filisɩtɛ̃ mɩnɛ. Evɛn-Ezɛɛr'a a bɛ laɩ tɩ be, ɛ́ a Filisɩtɛ̃ mɩnɛ dem be Afɛkɩ.

1 Na-mɩnɛ 21:1

A yele á ŋá pùorí a, yel ŋa n'ʋ tɩ ɩ: Nabɔtɩ na yi Izireyɛl a, tɩ tɛr'ɩ divɛ̃ tɩɩr púo, ʋ pɩɛlɩ a Samaari tẽw nãà Akab yir.

1 Na-mɩnɛ 20:30

A zɛbr-nɩbɛ tùr-lɩzɛr'ɩ ayopõi (27 000) na tɩ cɛ a, tɩ zɔ na kpɛ a Afɛkɩ tẽ-kpɛ̃ɛ pʋɔ, ɛcɛ a tẽw dacĩ-kpɛ̃ɛ tɩ lo na dĩ bɛ. Ɛcɛ a Bɛn-Hadadɩ na tɩ tʋ̃ɔ́ zɔ a, ʋ tɩ kpɛ n a tẽ-kpɛ̃ɛ pʋɔ, tɩ kpɛ yir kãw pʋɔ tɩ sɔwlɩ a di-pɛ-baara pʋɔ.

Zozue 19:30

nɩ Ako, Afɛkɩ nɩ Erehovʋ. A za tɩ ɓã n taa ɩ tẽ-bɛrɛ lɩzɛr'ɩ ayi nɩ a tẽli-kpɔwlɩ.

Zozue 12:18

Afɛkɩ, Lasaron,

2 Na-mɩnɛ 9:36

Bɛ tɩ lɛb'a cen tɩ yel kʋ̀ a Yehu, ʋ yel: «À à ŋá tɔr za n'a a Sore tɩ yel'ɩ a naaŋmɩn-ƴɛ̀r-manɛ Eli, na yi Tisibe a, nʋɔr: “Baar na 'wɔb'ɩ a Zezabɛl, a púo na be a Izireyɛl a pʋɔ.

2 Na-mɩnɛ 9:30

A Zezabɛl tɩ wõ n a lɛ a yele za na ɩ a. Lɛ n'a ʋ tɩ ƴãw mimi-laara, ɛ́ maalɩ ʋ tʋɔra tɩ vɩɛl vɩɛl. Ɛ́ a Yehu na wa ta a Izireyɛl a, ʋ cen tɩ àr a tokoro vʋɔr ƴãw.

1 Na-mɩnɛ 21:23

A Sore mɩ̀ tɩ yel'ɩ à ŋá a Zezabɛl ƴãw: “Baar na 'wɔb'ɩ a Zezabɛl a Izireyɛl dacĩ-kpɛ̃ɛ sɩɛmɩ́.”

1 Samɩɛl 28:4

Bibir kãw, a Filisɩtɛ̃ mɩnɛ tɩ ɓã n a bɛ sojarɩ taa, ɛ́ cen tɩ maalɩ a bɛ laɩ Sunɛm. A Sawul mɩ̀ tɩ ɓã n a Ɩsɩrayɛl zɛbr-nɩbɛ za taa, bɛ cen tɩ maalɩ a bɛ laɩ Gilbowa.

Ƴɛ̀r-dɩrbɛ 6:33

A Madian tẽw dem nɩ a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ ɓã n taa gãw a Zurdɛ̃, tɩ maalɩ a bɛ laɩ a Izireyɛl fʋɔla pʋɔ.

Zozue 19:18

Tẽ-bɛrɛ á ŋá n'a tɩ pʋɔ a bɛ zie ŋa pʋɔ: Izireyɛl, Kesulɔtɩ, Sunɛm,

1 Samɩɛl 28:25

Ʋ tɩ de nɩ a dɩb wa kʋ̀ a Sawul nɩ a ʋ tõ-tõ-biir bɛ dɩ. Al pùorí, bɛ tɩ lɛb'a lo a sɔ́r a tɩ̃ɩsɔw nɛ lɛb kul.

2 Samɩɛl 2:9

A be a, ʋ tɩ zɩɩl'ʋ na ʋ ɩ a nãà, so a Galaadɩ, a Asɛɛr, a Izireyɛl, a Efarayim nɩ a Bɛ̃zamɛ lowr ten, dɩrɛ naalʋ a Ɩsɩrayɛl tẽw za zu.

2 Samɩɛl 5:17

A Filisɩtɛ̃ mɩnɛ tɩ wõ na kɛ́ bɛ cir'ɩ a kãá ƴãw a Daviir, ʋ ɩ a Ɩsɩrayɛl nãà. Lɛ n'a a bɛ za tɩ ìr ŋmãa wɩ̀ɛ a ʋ ƴãw. A Daviir tɩ wõ a na, ɛ́ cen tɩ be zie bɛ na gù vla a pʋɔ.

Sɛb-sõw yielu 83:7

Edɔm nɩ Ɩsɩmayɛl nɩbɛ nɛbɛ, Mowab, Agaar nɩ Geval nɩbɛ,

Zozue 17:16

A Zuzɛb bʋʋrɛ tɩ yel ʋ na: «Sɩza n'a a tãw vuo bɛ saalɛ tɩ ɛ, ɛcɛ a Kanãa tẽw dem na kpɩɛr a zi-tɩ̃talɛ pʋɔ a, tɛr'ɩ kure zɛbr-torkori, a bɛl na be a Bɛtɩ-Sean tẽw nɩ a ʋ tẽ-kpɔwlɩ pʋɔ a, nɩ a bɛl na be a Izireyɛl zi-tɩ̃tal pʋɔ a.»

Ƴɛ̀r-dɩrbɛ 7:1

Biɓaar-pipi, a Zedeɔ̃ mɩ̀ na dɩ Yerubaal a tɩ ìr'a lo a sɔ́r, ʋlɛ nɩ a ʋ sojarɩ, cen tɩ maalɩ a bɛ laɩ pɩɛlɩ a Harɔdɩ bul-nʋɔr, ɛ́ a Madian tẽw dem laɩ be a nidaa a saa-pɛrɩ́-gʋba-lowr, a Moore tãw ƴãw, a tɩ̃tal pʋɔ.