1 Samɩɛl 28:6 - A SƐB-SÕW

⁶ Lɛ n'a ʋ tɩ sowri a Sore, ɛcɛ a Sore bɛ tɩ sɔw ʋ ɛ: a ɩ n a zánʋ pʋɔ bɩɩ, ʋ bɛ tɩ sɔw ʋ ɛ, a bàwr-maalbɛ kpan-bie n'a ʋ tɩ gba bɩɩ, a Sore cãà bɛ tɩ sɔw ʋ ɛ, a naaŋmɩn-ƴɛ̀r-manbɛ zie n'a bɩɩ, a Sore bɛ tɩ sɔw ʋ bom za ɩ.

1 Samɩɛl 28:6 Referans Kwoze

1 Samɩɛl 14:37

Lɛ n'a a Sawul tɩ sowri a Naaŋmɩn à ŋá: «Ɩ̃ siw tɩ diw a Filisɩtɛ̃ mɩnɛ ɛ? Fʋ na de bɛ na ƴãw a Ɩsɩrayɛl nuru pʋɔ ɔ?» Ɛcɛ a ʋlɩ bibir nɛ a, a Naaŋmɩn bɛ tɩ sɔw ʋ ɛ.

Sɔr-nɛ́ɛ 12:6

A Sore yel bɛ à ŋá: «Nyɩ cɛlɛ vla a ɩ̃ ƴɛ̀rʋ ƴãw: naaŋmɩn-ƴɛ̀r-manɛ na mɩ́ wa be a nyɩ pʋɔ a, a mãa Sore, yel-nyɛrɩ pʋɔ n'a ɩ̃ mɩ́ ɩ ʋ bãw mɛ̃, zánʋ pʋɔ n'a ɩ̃ mɩ́ ƴɛ̀r a ʋ zie.

A Lãw-mʋɔlɛ 2:9

A tẽ-kpɛ̃ɛ pamɛ sãw na, a Sore kar kár'ɩ a pamɛ bʋ̃-kparɩ bɛr. A ʋ nãà nɩ a ʋ tõ-tõ-bi-bɛrɛ lɩɛb'ɩ nɩ-pàwrɩ a nɩ-bʋʋr-yoru sɔgɔ. Nɩr bɛ cãà be tɩrɛ a Sore wulu ɛ. A naaŋmɩn-ƴɛ̀r-manbɛ tɛɛ za bɛ cãà páwr ƴɛ̀rʋ na yire a Sore zie a ɩ.

Sɔr-nɛ́ɛ 27:21

Ɛcɛ a ʋl mɩŋa na mɩ́ páw nɩ a bàwr-maalɛ Eleazaar: a bàwr-maalɛ n'ʋ na mɩ́ sowri mɛ̃ nɩ a kpan-bie kʋ̀ ʋ. A Zozue nɩ a lãw za na sàwr'ɩ a ʋ nɛ́ɛ a yele za pʋɔ.»

Zakɩ 4:3

Nyɩ mɩ́ zɛlɩ na ɛ́ bɛ páw ɛ, a nyɩ tɩɛrʋ na bɛ vɩɛl a ƴãw: nyɩ na mɩ́ zɛlɛ a nyɩ nʋ̃ɔ̀ wob tɛwr ƴãw a.

Zã 9:31

Tɩ bãwnɩ a na: Naaŋmɩn bɛ dier yel-bier-maalɛ puoru ɛ, ɛcɛ nɩr wa puore Naaŋmɩn ɛ́ maalɛ a ʋ pʋ-tɩɛrʋ a, Naaŋmɩn mɩ́ de nɩ a ʋ sob puoru.

Matie 1:20

À ŋá n'a ʋ tɩ tɩɛrɛ, ɛ́ wa gã zànɩ nyɛ̃ Sore malkɩ ʋ yel ʋ: «Daviir bidɛb Zuzɛb i, ta zɔrɛ dɛ̃bɩ̃ɛ a fʋ pɔw Marya tɛrʋ ƴãw ɛ, a pʋɔ ŋa ʋ na tɛr a yi n Vʋʋrʋ Sõw zie.

Zeremi 23:28

Naaŋmɩn-ƴɛ̀r-manɛ wa zánɩ zánʋ a, ʋ manɩ a ʋ zánʋ! Ɛcɛ ʋlɛ wa tɛr a ɩ̃ ƴɛ̀rʋ na ƴɛ̀r a, ʋ ƴɛ̀r a tori!» A Sore yere na: «Ùr nɩ bʋ̃-bie na tʋ̃ɔ́ na ɩ been bɩɩ?

Wulu-ayi-sob 33:8

A Levi bʋʋrɛ ƴãw a, a Moyiir tɩ yel'a: «Sore e, a fʋ kpan-bie a, fʋ de a na kʋ̀ a Levi bʋʋrɛ na su zu tone a fʋ tome a. Fʋ ɩ bɛ na kaa a Masa, fʋ zɛb'ɩ bɛ nɩ a Meriba.

Eziptɩ tẽw yib 28:30

A fʋ̃ʋ Moyiir, fʋ na ƴãw nɩ a kpan-bie a ƴɛ̀rʋ-dɩb nyãa-zu-zʋbɛ pʋɔ, a tʋ̃ɔ́ mɩ́ be a Aarɔ̃ nyãa zu, a lɛn daar ʋ na na mɩ́ wa a ɩ̃ niŋé a. Bʋ̃ʋ n'ʋ vɛ̃, a na fɛr'a k'aa mɩ́ be a ʋ zie kʋralɛ, a lɛn daar ʋ nãà wa be a ɩ̃ niŋé a, ʋ tʋ̃ɔ́ mɩ́ bãw a lɛ ɩ̃ na bɔbr a Ɩsɩrayɛl nɩbɛ zie a.»

Zʋkpaɩ 27:1

Ta mʋʋrɛ fʋ tʋɔra a bio ƴãw ɛ, bʋ̃ʋ n'ʋ vɛ̃, fʋ bɛ bãw bom nɛ na na ɩ a dɩ̃a a ɩ.

Sɛb-sõw yielu 74:9

Tɩ bɛ mɩ́ cãà nyɛ̃ a bãwfʋ na wul kɛ́ fʋ be n ka a ɩ, ƴɛ̀r-manbɛ bɛ cãà be ɩ, ɛ́ nɩr za a tɩ pʋɔ bɛ bãw debor'a a na cɛlɩ tɩ ta a ɩ.

Eziptɩ tẽw yib 28:20

ɛ́ a gbɛlɛ anaar sob ɩ kirizolitɩ, konalin nɩ zasɩpʋ. Kʋsɛ-bi-nyɩla za na mɩ́ sawl'ɩ salm-zɩɛ bʋ̃-sawla pʋɔ.

Levitɩ mɩnɛ 8:8

Ʋ tɩ ƴãw ʋ nɩ a nyãa-zu-zʋbɛ a nyãa zu, ɛ́ ƴãw a kpan-bie, a Uurim nɩ a Tumim.

1 Samɩɛl 28:5

A Sawul na tɩ nyɛ̃ a Filisɩtɛ̃ mɩnɛ laɩ a, pʋ̀lá tɩ vʋ̃ɔ ʋ na, ʋ màwr ʋ za.

1 Samɩɛl 28:15

A Samɩɛl tɩ sowr'ɩ a Sawul: «Bʋ̃ʋ n'ʋ so fʋ sãw a ɩ̃ pɩ̃ɛnʋ bɛr? Bʋnʋ ƴãw n'a fʋ ƴãw bɛ bʋɔlɩ mɛ̃?» A Sawul sɔw: «Kpɩɛrʋ nyɔw mɛ̃ nɩ yaga za. A Filisɩtɛ̃ mɩnɛ zɛbr'ɩ mɛ̃ na, ɛ́ a Naaŋmɩn zawrɩ mɛ̃ bɛr. A naaŋmɩn-ƴɛ̀r-manbɛ zie n'a ɩ̃ sowre ʋ bɩɩ, ʋ bɛ sɔwr ɛ, zánʋ pʋɔ n'a bɩɩ, ʋ bɛ sɔwr ɛ. Alɛ n'a so ɩ̃ bʋɔlɩ fʋ kɛ́ fʋ wul mɛ̃ bom nɛ a na fɛr k'ɩ̃ɩ ɩ a.»

2 Samɩɛl 22:42

Bɛ cɩɩrɛ na, ɛ́ faarɛ bɛ ka be ɩ, a Sore n'ʋ bɛ cɩɩrɛ bʋɔlɛ, ʋʋ bɛ sɔwr ɛ.

Mise 3:7

A bʋ̃-nyɛrɩ nyɛrbɛ na nyɛ̃ nɩ vĩ, vĩ na ɩrɛ nɩ a bàwr-bʋwrbɛ, bɛ za na pàw nɩ a bɛ niŋe, a Naaŋmɩn na bɛ cãà sɔwr bɛ a ƴãw.