1 Samɩɛl 26:8 - A SƐB-SÕW

⁸ A Avɩsaɩ tɩ yel'ɩ a Daviir à ŋá: «A dɩ̃a tɩ̃ɩsɔw a, a Naaŋmɩn ƴãw nɩ a fʋ dɔ̃ sob a fʋ nuru pʋɔ. Sàw ɩ̃ cɔ̀r ʋ gbem'ɩ a tẽw gb'a-been nɩ a ʋ kafin, ɩ̃ bɛ cɔ̀rɛ ʋ gb'a ayi ɛ.»

1 Samɩɛl 26:8 Referans Kwoze

1 Samɩɛl 24:4

A Sawul na tɩ tɔlɛ a píir zawr al na lanɩ a sɔ́r a ƴãw a, ʋ tɩ nyɛ̃ nɩ tãw bɔw kãw kpɛ a ʋ pʋɔ k'ʋʋ dɔm bãjɩra. Zɩ̃ k'aa Daviir nɩ a ʋ nɩbɛ tɩ be n a tãw bɔw pʋ̃ɔmɩ za.

1 Samɩɛl 26:23

A Sore, ʋ mɩ́ ya ŋa za man nɩ a lɛ a sob na ɩ a vla nɩ a ʋ pʋɔ za a. A Sore tɩ ƴãw fʋ nɩ a ɩ̃ nuru pʋɔ a dɩ̃a, ɛcɛ ɩ̃ zawr'a na zɛw nũu tɔ n fʋ, fʋ na ɩ a Sore nɩ-kabra a ƴãw.

1 Samɩɛl 23:14

A Daviir tɩ ta n a Zifɩ wɛja-kpalɛ pʋɔ, kpɩɛr a pie pʋɔ, a tan vuo pʋɔ. A Sawul tɩ bɔbr ʋ na, ɛcɛ a Naaŋmɩn bɛ tɩ sàw de a Daviir ƴãw a ʋ nuru pʋɔ ɩ.

Ƴɛ̀r-dɩrbɛ 1:4

bɛ cen a zɛbr. A Sore tɩ ƴãw nɩ a Kanãa tẽw dem nɩ a Perizitɩ mɩnɛ a bɛ nũú, bɛ kʋ nɩbɛ tùr-pie (10 000) a bɛ pʋɔ Bezɛkɩ tẽw.

Zozue 21:44

A Sore tɩ kʋ̀ bɛ nɩ pɩ̃ɛnʋ a ziir za, mɛ̃ a lɛ ʋ na tɩ yel kʋ̀ a bɛ sãàkʋm-kore a. Ʋ tɩ ɩ na bɛ zɛb tʋ̃ɔ́ a bɛ dɔ̃ dem za, kãw za bɛ tɩ tʋ̃ɔ́ bà gbɛ́r a bɛ niŋé ɩ.

Wulu-ayi-sob 32:30

Dɔ̃ sob been yõ na tʋ̃ɔ́ na diw Ɩsɩrayɛl nɩbɛ túr (1 000) bɛ zɔ ɔ? Dɔ̃ dem ayi na tʋ̃ɔ́ na diw Ɩsɩrayɛl nɩbɛ tùr-pie (10 000) bɛ zɔ ɔ? Ʋ̃ʋ, a na tʋ̃ɔ́ na ɩ a lɛ, a mãa Sore na ɩ a bɛ pì-kpɛ̃w a wa ƴãw bɛ a bɛ dɔmɛ nuru pʋɔ a.

Ʋrɔm 11:32

Bʋ̃ʋ n'ʋ vɛ̃, Naaŋmɩn pàw nɩ a nɩsaalbɛ za a nʋɔr-zawrʋ gaso pʋɔ, k'ʋʋ tʋ̃ɔ́ wul bɛ za a ʋ su-ɓaarʋ.

Nahum 1:9

Bʋ̃ʋ bʋ-taa n'a nyɩ tɛr a Sore ƴãw? Ʋlɛ n'ʋ mɩ́ kʋ a ʋ dɔ̃ dem pàw pɛr, bɛ kʋ̃ lɛb maal dɔwrɩ nyɩ ɛ!

Sɛb-sõw yielu 31:8

Ɩ̃ na cɩlɛ na ƴawr'ɩ, a fʋ nɔ̃wfʋ zũú, fʋ na nyɛ̃ a wʋ̀ʋr ɩ̃ na ɩrɛ, ɛ́ bãw a ɩ̃ kpɩɛrʋ a ƴãw.

1 Samɩɛl 26:7

A tɩ̃ɩsɔw a, a Daviir nɩ a Avɩsaɩ tɩ ta n a Sawul sojarɩ laɩ pʋɔ: a Sawul tɩ gã nɩ a laɩ sɔwlɩsɔw gúre, ɛ́ a ʋ kafin ba a tẽw a ʋ zu-sɔw. A Avɩnɛɛr nɩ a sojarɩ tɩ ŋmãa na viiri koli ʋ gúre.

1 Samɩɛl 26:9

A Daviir tɩ sɔw nɩ a Avɩsaɩ: «Taa kʋrɛ ʋ ɛ! Ãa n'ʋ na tʋ̃ɔ́ zɛw nũu tɔ n a Sore nɩ-kabra ɛ́ bɛ nyɛ̃ dɔwrʋ?

2 Samɩɛl 16:9

Avɩsaɩ, a mã na tɩ dɩ kɛ́ Seruya a, tɩ yel'ɩ a nãà: «Bʋ̃ʋ n'ʋ so a bà-kũu ŋa na ŋmɩɛr ƴãwn a sore ɩ̃ nãà? Bɛr ɩ̃ tɔl cɛ ʋ zu ŋmãa.»

Zeremi 40:15

Ɛcɛ, a Yohanan tɩ wa na wa sɔwlɩ páw a Ahikam bidɛb, Gedalɩasɩ, a Misɩpa, yel ʋ: «Kʋ̀ m sɔ́r ɩ̃ cen tɩ kʋ a Netanɩa bidɛb, Yisɩmayɛl, ɛ́ nɩr za ta bãwnɩ a ɩ. Fʋ sɩrɩ na bɔbr k'ʋʋ kʋ b bɩɩ? Ʋlɛ wa kʋ b a, a Zuda tẽw dem na ɓã taa a fʋ zie a na lɛb'a zɔ yaarɩ, ɛ́ a ʋlɩ bom nɛ na cãà cɛ a Zuda naalʋ-tẽw a na bɔr a.»

1 Samɩɛl 24:5

A Daviir nɩbɛ tɩ yel ʋ na: «A Sore tɩ yel'a kʋ̀ b à ŋá: “Ɩ̃ na ƴãw nɩ a fʋ dɔ̃ sob a fʋ nuru pʋɔ, fʋ na ɩ ʋ nɩ lɛ za fʋ na bɔbr a.” A bibir ʋl n'ɩ ŋa a dɩ̃a.» A Daviir tɩ ìr'a sɔwlɩ cen tɩ ŋmãa a Sawul kpar-kpɛ̃ɛ nʋɔr zie kãw.