1 Samɩɛl 26:6 - A SƐB-SÕW

⁶ A Daviir tɩ bʋɔl'ɩ a Hititɩ dɔɔ, Ahimelɛkɩ, nɩ Avɩsaɩ na ɩ Zowab yɛb ɛ́ a mã tɩ dɩ kɛ́ Seruya a, tɩ sowri bɛ: «A nyɩ buor sob'ʋ na páw mɛ̃ tɩ siw a Sawul laɩ pʋɔ?» A Avɩsaɩ tɩ sɔw na: «Mãa na páw fʋ na tɩ siw.»

1 Samɩɛl 26:6 Referans Kwoze

2 Samɩɛl 2:18

A Seruya bidɛbr ata tɩ be n a be: a Zowab, a Avɩsaɩ nɩ a Asayɛl. A Asayɛl tɩ zɔrɛ na mɛ̃ mɔlʋ a.

2 Samɩɛl 23:39

nɩ a Hititɩ dɔɔ Uuri. Bɛ za tɩ ɓã n taa ɩ nɩbɛ lɩzɛr'ɩ pie nɩ ayopõi.

2 Samɩɛl 23:18

Avɩsaɩ na ɩ a Zowab yɛb, ɛ́ a bɛ mã dɩ kɛ́ Seruya a, tɩ pʋɔ nɩ a soja-yée bɛl na gùre a Daviir a pʋɔ. Ʋlɛ n'ʋ tɩ ìr bibir kãw ɓáw a ʋ kafin dɔ̃ dem kɔbr ata (300) ƴãw, kʋ bɛ. Lɛ n'a ʋ tɩ ɩ a ʋ yúor yi man a “Nɩbɛ ata bɛl na ɓã taa a” yúor.

2 Samɩɛl 18:5

A nãà tɩ yel'ɩ a Zowab, a Avɩsaɩ nɩ a Ɩtaɩ: «Ɩ̃ zɛlɛ nyɩ na, nyɩ maal ɩrɛ a Abɩsalɔm ƴãw.» A sojarɩ za tɩ wõ n à à ŋá a nãà na yere kʋ̀rɛ a sojarɩ nɩ-bɛrɛ za a Abɩsalɔm ƴãw a.

2 Samɩɛl 12:9

Bʋ̃ʋ n'ʋ so fʋ bɛ bʋɔlɩ mɛ̃ nɩr, ɩ a ʋlɩ bom nɛ na bɛ pɛlɩ a ɩ̃ pʋɔ a? Fʋ kʋ n a Hititɩ dɔɔ Uuri, fʋ ƴãw na a Amɔ̃ tẽw nɩbɛ cɔ̀r ʋ nɩ zɛbr-sɔ-kpɛ̃ɛ kʋ, ɛ́ fʋ de a ʋ pɔw, ʋ ɩ a fʋ pɔw.

2 Samɩɛl 11:24

Ɛcɛ, a tã-tɛbrbɛ tɩ be n a dacin zu, ɛ́ tɛ tɩ. A fʋ sojarɩ nɩ-bɛrɛ bɛ mɩnɛ kpi na, a fʋ tõ-tõ-bie Uuri, a Hititɩ dɔɔ, mɩ̀ kpi.»

2 Samɩɛl 11:21

Ãa n'ʋ tɩ kʋ a Yerubɛsɛtɩ bidɛb, Abimelɛkɩ, a Tevɛsɩ? Pɔw n'ʋ tɩ be a dacin zu, ɛ́ bili kʋsɛ-kpɛ̃ɛ bɛr ʋ siw tɩ lo a ʋ zu ʋ kpi! Bʋ̃ʋ n'ʋ so nyɩ taw pɩɛlɩ a dacin yaga?” Fʋ na yel ʋ na: “A fʋ tõ-tõ-bie Hititɩ dɔɔ, Uuri, mɩ̀ kpi na.”»

2 Samɩɛl 11:6

Daadaalɛ a Daviir tɩ tõ na bɛ tɩ yel a Zowab à ŋá: «Bɛr a Hititɩ dɔɔ, Uuri, k'ʋ wa a ɩ̃ zie.» Lɛ n'a a Zowab tɩ bɛr a Hititɩ dɔɔ Uuri k'ʋ cen a Daviir zie.

Yele-za-pɛr-tib 15:20

a Hititɩ, a Perizitɩ, a Erefayitɩ,

Yele-za-pɛr-tib 10:15

Kanãa tɩ dɔw nɩ Sɩdɔ̃, a ʋ bi-dãw, ɛ́ dɔw Hɛtɩ.

Yele-za-pɛr-tib 23:3

Al pùorí, ʋ tɩ bɛr'ɩ a kũu ɛ́ ìr cen a Hɛtɩ bʋʋrɛ zie tɩ ƴɛ̀r à ŋá:

Yele-za-pɛr-tib 26:34

A Ezawu tɩ tɛr'ɩ yome lɩz'a ayi a lɛn daar ʋ na tɩ kul Yehuditɩ na ɩ Hititɩ dɔɔ Beeri pɔwyaa a, nɩ Basɩmatɩ mɩ̀ na ɩ Hititɩ dɔɔ Elon pɔwyaa a.

Zozue 3:10

Al pùorí, ʋ tɩ yel'a: À ŋá n'a nyɩ na bãw k'aa Naaŋmɩn na vʋʋrɛ a be n a nyɩ sɔgɔ, nɩ k'ʋʋ na diw nɩ a Kanãa tẽw dem bɛr a nyɩ niŋé, lãwnɩ a Hititɩ mɩnɛ, a Hivitɩ mɩnɛ, a Perizitɩ mɩnɛ, a Gɩrgasitɩ, a Amoritɩ nɩ a Zebizitɩ mɩnɛ.

1 Samɩɛl 26:7

A tɩ̃ɩsɔw a, a Daviir nɩ a Avɩsaɩ tɩ ta n a Sawul sojarɩ laɩ pʋɔ: a Sawul tɩ gã nɩ a laɩ sɔwlɩsɔw gúre, ɛ́ a ʋ kafin ba a tẽw a ʋ zu-sɔw. A Avɩnɛɛr nɩ a sojarɩ tɩ ŋmãa na viiri koli ʋ gúre.

1 Na-mɩnɛ 10:29

A zɛbr-torko-been na mɩ́ tɩ yi a Eziptɩ tẽw wa a, dàarʋ mɩ́ tɩ ɩ n salm-pla libie kɔbr ayʋɔb (600), ɛ́ wur-been ɩ salm-pla libie lɩz'a ayopõi nɩ pie. A yɛ-yɛrbɛ bɛ ŋa mɩ̀ mɩ́ tɩ ɩ na zɛbr-torkori nɩ a wie a wa, a Hititɩ mɩnɛ na-mɩnɛ za nɩ a Siiri tẽw na-mɩnɛ ƴãw.

2 Na-mɩnɛ 7:6

Bʋ̃ʋ n'ʋ vɛ̃, a Siiri tẽw dem laɩ pʋɔ a, a Sore tɩ ɩ na bɛ wõ zɛbr-nɩbɛ yaga yaga na tɛr wie nɩ zɛbr-torkori a, damnʋ. A Siiri tẽw sojarɩ tɩ yel'a kʋ̀ taa: «A Ɩsɩrayɛl tẽw nãà ya n a Hititɩ mɩnɛ nɩ a Eziptɩ tẽw na-mɩnɛ, kɛ́ bɛ wa zɛb'ɩ tɩ!»

2 Samɩɛl 2:13

A Zowab, a mã na tɩ dɩ kɛ́ Seruya a, nɩ a Daviir sojarɩ mɩ̀ tɩ yi na lo a sɔ́r. Bɛ tɩ tuor'ɩ taa a Gabaɔ̃ kʋ̃ɔ ƴãwfʋ zie, bɛ ŋa be a gãwn ŋa, ɛ́ bɛ ŋa mɩ̀ be a gãwn ŋa.

2 Samɩɛl 23:34

Ahasɩbaɩ bidɛb Elifelɛtɩ na ɩ Maaka tẽw nɩr kãw yãw a, Gilo tẽw Ahitofɛl bidɛb Eliyam,