1 Samɩɛl 26:10 - A SƐB-SÕW

¹⁰ A Sore na vʋʋrɛ a yúor ƴãw, ɩ̃ yere na kʋ̀rɛ fʋ, a Sore mɩŋa n'ʋ na ɩ a ʋ nyɔ-vʋʋrʋ baarɩ, a ʋ daar wa ta a, bɩɩ zɛbr zie n'a ʋ na kpi.

1 Samɩɛl 26:10 Referans Kwoze

Wulu-ayi-sob 31:14

A Sore tɩ yel'ɩ a Moyiir à ŋá: «A fʋ kũu daar pɩɛlɛ na. Bʋɔlɩ a Zozue nyɩ wa nyɩ za ayi a tuor-taa pɛn-sɛw niŋé. Ɩ̃ na wa ƴɛ̀r'ɩ a ɩ̃ ƴɛ̀rʋ kʋ̀ ʋ a be.» Lɛ n'a a Moyiir nɩ a Zozue tɩ cen a tuor-taa pɛn-sɛw pɛr.

Yele-za-pɛr-tib 47:29

A Zakɔb kũu na wa pɩɛlɛ a, ʋ bʋɔl'ɩ a ʋ bidɛb Zuzɛb wa yel ʋ: «Fʋ̃ʋ wa nɔnɛ mɛ̃ a, fʋ̃ʋ ɩ a fʋ nɔ̃wfʋ nɩ a fʋ na tu m a, a sãá. Taa ũùne mɛ̃ a Eziptɩ ka ɩ. Tõ a fʋ nũu a ɩ̃ gbɛkpɛ̃ɛ pile ɛ́ ƴãw a nʋɔr kʋ̀ m.

Ʋrɔm 12:19

Ɩ̃ nɩ-nɔnɩ i, nyɩ ta mɩ́ lɛb ŋmɛlɩ yáa a ɩ-faa san ɛ, nyɩ bɛr a Naaŋmɩn suur ʋ tone, bʋ̃ʋ n'ʋ vɛ̃, a Sɛb-sõw yere nɩ à ŋá: «Mãa so a san-yaafʋ, mãa n'ʋ na yáa a san», a Sore n'ʋ yere.

Sɛb-sõw yielu 37:13

Ɛcɛ a Sore laar ʋ na, ʋ na nyɛ̃ a ʋ san-yaafʋ bibir ʋ tarɛ a ƴãw.

1 Samɩɛl 31:6

À ŋá n'a a Sawul nɩ a ʋ bidɛbr ata, nɩ a ʋ zɛbr bʋ̃-tɛrɛ nɩ a ʋ sojarɩ za tɩ lãw kpi bibi-been.

1 Samɩɛl 25:38

A na wa tarɛ mɛ̃ bibie pie a, a Sore tɩ ŋmɛ n a Naval, ʋ kpi.

1 Samɩɛl 25:26

Ɛcɛ, ƴɛrɛŋa a, a Sore na vʋʋrɛ a, nɩ a fʋ mɩŋa nyɔ-vʋʋrʋ ƴãw, a Sore n'ʋ bɛ sàw kɛ́ fʋ kʋ kũu tʋ̃ɔ́ wul a fʋ mɩnʋ ɛ. A fʋ dɔ̃ dem nɩ a bɛlɩ dem na bɔbr fʋ faa a, a ŋmɛ̃ bɛ a lɛ a na na ŋmɛ̃ a Naval a.

Wulu-ayi-sob 32:35

Ɩ̃ na yáa nɩ a san, ɩ̃ na ya bɛ na tu n a bɛ ɩb, a bɛ loba bibir wa vɩɛ a. A kpɩɛrʋ bibir ŋa bɛ cɛlɛ ɩ, a bɛ loba bibir pɩɛl'a.

Yel-wula 18:8

A lɛ n'a so a ʋ bʋ̃-faar á ŋá na ta ʋ bibi-been: a kũu, a wahala nɩ a kɔ̃. Vũu na dɩ ʋ nɩ kʋmɔkʋmɔ. Bʋ̃ʋ n'ʋ vɛ̃, a Sore Naaŋmɩn na dɩ n ʋ a ƴɛ̀rʋ a tɛr'ɩ kpɛ̃w.»

Ebre 9:27

Mɛ̃ a lɛ a na tuur k'aa nɩsaalbɛ mɩ́ kpi gb'a been yõ, ɛ́ a pùorí Naaŋmɩn maal'ɩ bɛ a ƴɛ̀rʋ a,

Luka 18:7

Ɛ́ a Naaŋmɩn ʋl kʋ̃ wul a ʋ nɩ-kaa-íri yel-mɩŋa ɩ, bɛl na kone cɔwr ʋ mʋ̃tɔ̃w nɩ tɩ̃ɩsɔw za a? Ʋ na cɛlɩ nɩ a bɛ sõwfʋ ƴãw bɩɩ?

Ekilezɩasɩ 3:2

Dɔwfʋ daar be n be, kũu daar be be. Sɛlʋ daar be n be, a bʋ̃-sɛlɩ vɔb daar be be.

Sɛb-sõw yielu 94:23

Ʋ na ɩ na a bɛ sãwna lɛb lo a bɛ zu, a bɛ po-tuolu n'a ʋ na kʋ n bɛ pàw pɛr, a Sore tɩ Naaŋmɩn na kʋ bɛ na pàw pɛr.

Sɛb-sõw yielu 37:10

A cãà na cɛ blã, ɛ́ nɩ-faa yee! Fʋ na bɛl bɛl'ɩ a be ʋ na tɩ be a, nɩr za kʋ̃ cãà be ɩ!

A Zɔb sɛbɛ 14:14

— Ɛcɛ nɩsaal na kpi a na tʋ̃ɔ́ na lɛb vʋʋrɛ ɛ? — Ɩ̃ nãá nyɔw nɩ ɩ̃ tʋɔra a ɩ̃ tome daar za, ɛ́ gùre fʋ tɩ ta a lɛn daar bɛ na na lɩɛrɩ mɛ̃ a.

A Zɔb sɛbɛ 14:5

Bʋ̃ʋ n'ʋ vɛ̃, a nɩsaal nyɔ-vʋʋrʋ tɛr'ɩ baarʋ daar, fʋ sɔr'ɩ a ʋ cuwr nʋɔr bin, fʋ ƴãw nɩ tʋr-bɔw ʋ na kʋ̃ tʋ̃ɔ́ gãw a.

A Zɔb sɛbɛ 7:1

A nɩsaal nyɔ-vʋʋrʋ a tẽw zu tɛr'ɩ tuo yaga, a ʋ bibie za nyɔ-vʋʋrʋ ɩ n nuru tõ-tõ-bie nyɔ-vʋʋrʋ.

1 Samɩɛl 24:15

Ãa ƴãw n'a a Ɩsɩrayɛl nãà ŋmãa a wɩ̀ɛ? Ãa n'ʋ fʋ diwr? Mãa n'ʋ, mãa na ɩ mɛ̃ bà-kũu a, mɛ̃ ciib a!

Ebre 10:30

Bʋ̃ʋ n'ʋ vɛ̃, tɩ bãw nɩ a sob nɛ na yel a ƴɛ̀r-bie á ŋá a: «Mãa so a san yaafʋ, mãa n'ʋ na yáa a ɩ-faa san». Ʋlɛ n'ʋ mɩ̀ cãà lɛb yel: «A Sore na maal'ɩ nɩ a ʋ nɩbɛ a ƴɛ̀rʋ.»

1 Samɩɛl 24:12

Ɩ̃ sãà a, nyɛ̃, jɩ́r nyɛ̃ bom nɛ ɩ̃ na ƴãw a ɩ̃ nũú a: a fʋ kparʋ nʋɔr zie kãw n'ʋ! Ɩ̃ na tʋ̃ɔ́ ŋmãa a fʋ kparʋ nʋɔr zie kãw, ɛ́ bɛ kʋ b a, pãa bãw k'ɩ̃ɩ bɛ tɩɛrɛ faa a fʋ ƴãw ɛ, mɩ̀ bɛ lɛb gaarɛ a fʋ zie ɩ. Fʋ mɩŋa za nyɛ̃ a na, ɩ̃ bɛ sãw fʋ yel kãw za ƴãw ɛ. Fʋ̃ʋ n'ʋ diwr mɛ̃ bɔbr a ɩ̃ kʋb.

1 Samɩɛl 25:39

A Daviir tɩ wõ na k'aa Naval kpi na, ɛ́ tɩ yel à ŋá: «A Sore na kpɛ m a lɛn daar a Naval na tɩ tʋ m a, ʋlɛ so puoru, ʋl na piw mɛ̃ tɛr ɩ̃ bɛ maalɩ faa a. Ɛ́ a Naval po-tuolu a, a Sore ɩ na a lɛb lo a ʋ zu.» Al pùorí, a Daviir tɩ tõ n nɩbɛ kɛ́ bɛ tɩ bɔ a Avigayil kʋ̀ ʋ.

1 Samɩɛl 31:4

Lɛ n'a ʋ tɩ yel a ʋ zɛbr bʋ̃-tɛrɛ: «Vʋ̃ɔ a fʋ zɛbr-sɔ-kpɛ̃ɛ cɔr'ɩ mɛ̃ kʋ, a yɔ-ɓile dem bɛ ŋa taa wa kʋrɛ mɛ̃ a bɛl mɩŋa, ɛ́ ɩrɛ mɛ̃ laar ɛ.» Ɛcɛ a ʋ zɛbr bʋ̃-tɛrɛ tɩ zawr'a, dɛ̃bɩ̃ɛ na tɩ ɩrɛ ʋ yaga za a ƴãw. Lɛ n'a a Sawul tɩ lɩɛbɩ a ʋ zɛbr-sɔ-kpɛ̃ɛ bà tul ɛ́ lo a ʋ zu.