1 Samɩɛl 23:9 - A SƐB-SÕW

⁹ A Daviir na tɩ wõ kɛ́ ʋl ƴãw n'a a Sawul cɔbrɛ a zɛbr a, ʋ tɩ yel'ɩ a bàwr-maalɛ Abɩataar: «De a kpan-bi-son wa n tɩ wa sowr'ɩ a Naaŋmɩn.»

1 Samɩɛl 23:9 Referans Kwoze

1 Samɩɛl 30:7

A Daviir tɩ yel'ɩ a Ahimelɛkɩ bidɛb, Abɩataar, na ɩ a bàwr-maalɛ a: «De a kpan-bi-son wa kʋ̀ m.» A Abɩataar tɩ de nɩ a kpan-bi-son wa kʋ̀ a Daviir.

1 Samɩɛl 23:6

Zɩ̃ k'aa Ahimelɛkɩ bidɛb Abɩataar na tɩ zɔ wa a Daviir zie a Keila a, ʋ tɩ tɛr'ɩ a kpan bi-son bɛ na mɩ́ sowr'ɩ a Naaŋmɩn a, wa n.

Sɔr-nɛ́ɛ 27:21

Ɛcɛ a ʋl mɩŋa na mɩ́ páw nɩ a bàwr-maalɛ Eleazaar: a bàwr-maalɛ n'ʋ na mɩ́ sowri mɛ̃ nɩ a kpan-bie kʋ̀ ʋ. A Zozue nɩ a lãw za na sàwr'ɩ a ʋ nɛ́ɛ a yele za pʋɔ.»

Nɩ-toni 14:6

A Pol nɩ a Banabasɩ na wa bãwnɩ a, bɛ zɔ na cen Likaoni lowr, Lɩsɩtɩr nɩ Dɛrbe ten nɩ a tẽ-kõkowe pʋɔ.

Nɩ-toni 9:24

A Sol tɩ wõ n a bɛ bʋ-taa ŋa yele. A Zifʋ mɩnɛ mɩ́ tɩ gù n a tẽw dɩ̃dɛɛ mʋ̃tɔ̃w nɩ tɩ̃ɩsɔw za, kɛ́ bɛ tʋ̃ɔ́ piw nyɔw ʋ kʋ.

Zeremi 33:3

Bʋɔlɩ mɛ̃, ɩ̃ɩ na sɔw fʋ na. Ɩ̃ɩ na ɩ na fʋ bãw yel-sɔwl-bɛrɛ fʋ na bɛ bãw a.

1 Samɩɛl 22:20

A Ahituvʋ bidɛb Ahimelɛkɩ bidɛb-been kãw yõ n'ʋ tɩ zɔ cɩ̃ɛ. Ʋ tɩ dɩ na kɛ́ Abɩataar. Ʋ tɩ zɔ na cen tɩ páw a Daviir.

1 Samɩɛl 14:18

A Sawul tɩ yel'ɩ a bàwr-maalɛ Ahiya: «Ƴãw bɛ taw pɩɛl'ɩ a Naaŋmɩn wõ-taa daga a ka.» — A ʋlɩ bibir nɛ a, a Naaŋmɩn wõ-taa daga tɩ be n a Ɩsɩrayɛl nɩbɛ zie. —

1 Samɩɛl 23:8

A Sawul tɩ bʋɔl'ɩ a ʋ zɛbr-nɩbɛ za ɓã taa, k'ʋʋ siw nɩ a Keila tɩ piw a Daviir nɩ a ʋ nɩbɛ.

1 Samɩɛl 23:10

Al pùorí, a Daviir tɩ yel'a: «Sore e, Ɩsɩrayɛl Naaŋmɩn i, ɩ̃ wõ na k'aa Sawul bɔbr'a k'ʋʋ wa a Keila, wa sãw a tẽw bɛr a mãa ƴãw.

1 Na-mɩnɛ 2:26

Al pùorí, a nãà tɩ yel'ɩ a bàwr-maalɛ Abɩataar à ŋá: «Cen Anatɔtɩ, tɩ kpɩɛr a fʋ zi-sóra pʋɔ, bʋ̃ʋ n'ʋ vɛ̃, fʋ sɛwnɩ nɩ kũu. Ɛcɛ, ɩ̃ bɛ ƴãwnɛ bɛ kʋrɛ fʋ a dɩ̃a ɩ, fʋ na tuo a Sore Naaŋmɩn wõ-taa daga, a ɩ̃ sãà Daviir daar, ɛ́ nyɛ̃ a kpɩɛrʋ al za a ɩ̃ sãà na nyɛ̃ a ƴãw.»

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

1 Samɩɛl 10:22

Bɛ tɩ lɛb'a sowri a Sore: «Ʋ nɩ̃ɛ na wa a ka a?» A Sore sɔw: «Ʋlɛ n'ɩ ŋan sɔwlɩ a tuor pɛr.»