1 Samɩɛl 22:7 - A SƐB-SÕW

⁷ A Sawul tɩ yel'ɩ a ʋ tõ-tõ-biir na tɩ àr kɔw ʋ a: «Nyɩ bɛrɛ wone vla, Bɛ̃zamɛ nɩbɛ ɛ! A Zese bidɛb mɩ̀ na tʋ̃ɔ́ na kʋ̀ nyɩ za wɛrʋ nɩ divɛ̃ tɩɩr póru mɛ̃ a mãa a? Ʋ na sàw na ƴãw nyɩ za ɩ sojarɩ túre bɩɩ sojarɩ-kɔbr nɩ-bɛrɛ ɛ?

1 Samɩɛl 22:7 Referans Kwoze

1 Na-mɩnɛ 12:16

A Saa-pɛrɩ́-gʋba-lowr Ɩsɩrayɛl nɩbɛ na tɩ nyɛ̃ k'aa nãà bɛ bɛr wõ a bɛ ƴɛ̀rʋ a, bɛ yel ʋ na: «Tɩ bɛ pʋɔ Daviir yele pʋɔ ɩ, tɩɩm nɩ Zese bidɛb bɛ lãw bom za ɩ! Ɩsɩrayɛl nɩbɛ ɛ, nyɩ ɩ tɩ lɛb kul a tɩ yie pʋɔ. Ɛ́ fʋ̃ʋ, Daviir bʋʋrɛ ɛ, pãa kaarɛ a fʋ naalʋ-tẽw zie!» Lɛ n'a bɛ tɩ lɛb kul a bɛ yie pʋɔ.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 11:1

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

2 Samɩɛl 20:1

A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

1 Samɩɛl 25:10

Ɛcɛ a Naval tɩ sɔw bɛ na yel à ŋá: «Ãa n'ɩ a Daviir? Ãa n'ɩ a Zese bidɛb? A dɩ̃a a, gbãgbaar yaga tɔ na sɔwlɛ zɔrɛ a bɛ nɩ-bɛrɛ zie a.

1 Samɩɛl 22:13

A Sawul tɩ lɛb'a yel: «Bʋ̃ʋ n'ʋ so, fʋ̃ʋ nɩ a Zese bidɛb bʋ taa a ɩ̃ ƴãw? Fʋ kʋ̀ ʋ nɩ bʋ̃-dɩrɩ nɩ zɛbr-sɔ-kpɛ̃ɛ, fʋ sowr'ɩ a Naaŋmɩn kʋ̀ ʋ, k'ʋʋ tʋ̃ɔ́ ìr a ɩ̃ ƴãw ƴãwnɛ mɛ̃ bɛrɩ, mɛ̃ a dɩ̃a a.»

1 Samɩɛl 22:9

A Edɔm tẽw dɔɔ Dowɛgɩ na tɩ pʋɔ a Sawul tõ-tõ-biir pʋɔ àr a, tɩ sɔw na: «Bibir kãw ɩ̃ tɩ nyɛ̃ nɩ a Zese bidɛb ʋ ta a Nɔvʋ tẽw, a Ahituvʋ bidɛb Ahimelɛkɩ zie.

1 Samɩɛl 20:30

Lɛ n'a a Sawul tɩ nyɛ̃ nɩ a Zonatã suur ɛ́ yel ʋ: «Pɔw-yʋɔra bie ŋa! Ɩ̃ bãwnɩ a na fʋ na nɔnɛ a Zese bidɛb a, fʋ̃ʋ nɩ a fʋ mã vĩ n'a!

1 Samɩɛl 20:27

Ɛcɛ a bio daarɩ́ a, a cuw-paala cuw bibie ayi sob, a Daviir zɩma zie tɩ cãà na gã zawla. A Sawul tɩ sowr'ɩ a ʋ bidɛb Zonatã: «Bʋ̃ʋ n'ʋ so a Zese bidɛb bɛ wa a dɩb zie, a zãa nɩ a dɩ̃a za?»

1 Samɩɛl 18:14

ɛ́ kʋralɛ ʋ na mɩ́ tɩ yi a zɛbr a, ʋ mɩ́ zɛb'a tʋ̃ɔ́, bʋ̃ʋ n'ʋ vɛ̃, a Sore tɩ be n a ʋ zie.

2 Samɩɛl 18:1

A Daviir tɩ sɔr'ɩ a nɩbɛ na tɩ be a ʋ zie a, ɛ́ kʋ̀ bɛ niw-dierbɛ, sojarɩ túre nɩ-bɛrɛ nɩ sojarɩ kɔbr nɩ-bɛrɛ.

1 Bibie za yel-manɩ 12:16

Bɛlɛ nɛbɛ tɩ gãw a Zurdɛ̃ man a cuw-dãw-niwn sob daar, a lɛn daar ʋ na mɩ́ paalɩ yi nɛ́ɛ a, tɩ diw a fʋɔlɩ pʋɔ dem za na be a saa-pɛrɩ́ nɩ a mʋ̃tɔ̃w-kpɛb-lowr a.