1 Samɩɛl 20:3 - A SƐB-SÕW

³ A Daviir tɩ lɛb'a yel ʋ: «Mãa yel fʋ, à ŋá tɔr za n'a. A fʋ sãà bãwnɩ a nɩ vla vla fʋ na nɔnɛ mɛ̃ a, lɛ so ʋ tɩɛrɩ ʋ pʋɔ à ŋá: “A Zonatã, ʋ ta bãwnɩ a ɩ, alɛ bɛ ɩ lɛ, a na ɩ n kpɩɛrʋ a ʋ zie.” Ɛcɛ, ɩ̃ pɔ n nɩ a Sore na vʋʋrɛ a, nɩ a fʋ̃ʋ mɩŋa nyɔ-vʋʋrʋ, kũu bɔw nʋɔrɩ́ n'a ɩ̃ be!»

1 Samɩɛl 20:3 Referans Kwoze

2 Na-mɩnɛ 2:6

A Eli tɩ cãà na lɛb yel a Elize: «Ɩ̃ zɛlɛ fʋ na, zɩ̃ a ka, a Sore tone mɛ̃ nɩ Zurdɛ̃.» Ɛcɛ a Elize tɩ sɔw na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw lo a sɔ́r cere.

1 Samɩɛl 27:1

A Daviir tɩ tɩɛr'ɩ ʋ pʋɔ yel à ŋá: «Bibir kãw, a Sawul na ɩrɛ na cãà wa kʋ m, alɛ sa k'ɩ̃ɩ zɔ cen a Filisɩtɛ̃ mɩnɛ tẽw. Lɛ n'a a Sawul na bɛr a ɩ̃ diwfʋ a Ɩsɩrayɛl tẽw za pʋɔ, lɛ n'a ɩ̃ na cɩ̃ɛ ʋ bɛ páw mɛ̃ ɩ.»

1 Samɩɛl 25:26

Ɛcɛ, ƴɛrɛŋa a, a Sore na vʋʋrɛ a, nɩ a fʋ mɩŋa nyɔ-vʋʋrʋ ƴãw, a Sore n'ʋ bɛ sàw kɛ́ fʋ kʋ kũu tʋ̃ɔ́ wul a fʋ mɩnʋ ɛ. A fʋ dɔ̃ dem nɩ a bɛlɩ dem na bɔbr fʋ faa a, a ŋmɛ̃ bɛ a lɛ a na na ŋmɛ̃ a Naval a.

Wulu-ayi-sob 6:13

Nyɩ na zɔrɛ nɩ a Sore nyɩ Naaŋmɩn, ʋl yõ n'ʋ nyɩ na mɩ́ lo gbĩ dume puori, ʋl yõ yúor'ʋ nyɩ na mɩ́ pɔ n.

2 Na-mɩnɛ 2:4

A Eli tɩ lɛb'a yel a Elize: «Elize e, ɩ̃ zɛlɛ fʋ na, zɩ̃ a ka! A Sore tone mɛ̃ nɩ Zeriko.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Zeriko.

2 Na-mɩnɛ 2:2

Bɛ na tɩ ta zie kãw a, a Eli yel'ɩ a Elize: «Ɩ̃ zɛlɛ fʋ na, zɩ̃ a ka, a Sore tone mɛ̃ nɩ Betɛl.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Betɛl.

1 Samɩɛl 1:26

A Ana tɩ yel'ɩ a Eli: «Fʋ gaafara! Ɩ̃ pɔ na kɛ́ mãa n'ɩ a pɔw ʋl na tɩ sɔwrɩ nɛ àr kɔw fʋ a ka puore a Sore a.

Ebre 6:16

Nɩr na ɩ kpɛ̃ɛ zuo bɛ a n'ʋ a nɩsaalbɛ mɩ́ pɔ n, ɛ́ a pɔb'a bɛ mɩ́ pɔ, ɩ nɔkpɛn za baarɩ a bɛ cara pʋɔ.

Zeremi 38:16

Lɛ n'a a nãà Sedesɩasɩ tɩ sɔwlɩ pɔ a Zeremi zie à ŋá: «A Sore na vʋʋrɛ a, na kʋ̀ tɩ a nyɔ-vʋʋrʋ ŋa a zũú a, ɩ̃ bɛ kʋrɛ fʋ ɛ, ɩ̃ bɛ dier fʋ ƴãwn a bɛlɩ dem na bɔbr a fʋ kʋb a nuru pʋɔ ɩ.»

Zeremi 4:2

A fʋ pɔb pʋɔ fʋ̃ʋ mɩ́ wa yel: “Ɩ̃ pɔ n nɩ a Sore na vʋʋrɛ a,” ɛ́ a tu a yel-mɩŋa, a lɛ-na-tu-sɔr-a nɩ a mɩnʋ a, a nɩ-bʋʋr-yoru na mɩ́ zɛlɛ na k'ɩ̃ɩ maalɩ bɛ, ɛ́ bɛ na mɩ́ nyʋʋr'ɩ a ɩ̃ ƴãw.

Sɛb-sõw yielu 116:3

A kũu mie tɩ 'lẽ m'a baarɩ, a kpɩmɛ tẽw bamɛ tɩ fɩɩrɩ mɛ̃ na, pʋl-vʋ̃ɔ nɩ kpɩɛrʋ tɩ tɛr mɛ̃ nɩ yaga za.

2 Samɩɛl 15:21

Ɛcɛ a Ɩtaɩ tɩ sɔw ʋ na: «Ɩ̃ pɔ n nɩ a Sore na vʋʋrɛ a, ɛ́ pɔ n a nãà nyɔ-vʋʋrʋ: a be a nãà na na be a, be n'a ɩ̃ mɩ̀ na be, a kũu n'a bɩɩ a nyɔ-vʋʋrʋ n'a a.»

1 Samɩɛl 17:55

A Sawul na tɩ nyɛ̃ a Daviir ʋ cere k'ʋʋ tɩ zɛb'ɩ a Filisɩtɛ̃ dɔɔ a, ʋ tɩ sowr'ɩ a sojarɩ nɩ-kpɛ̃ɛ Avɩnɛɛr: «Avɩnɛɛr i, ãa bidɛb'ɩ a dɛble ŋa?» A Avɩnɛɛr tɩ sɔw na: «Nãà a, ɩ̃ bɛ bãw ɛ.»

Wulu-ayi-sob 28:66

A nyɩ nyɔ-vʋʋrʋ na ɩ na mɛ̃ ʋ tɛw na àr a, nyɩ kʋ̃ cãà gùre bom za a ʋ pʋɔ ɩ. Dɛ̃bɩ̃ɛ mawfʋ na mɩ́ tɛr nyɩ nɩ mʋ̃tɔ̃w nɩ tɩ̃ɩsɔw.

1 Samɩɛl 20:2

A Zonatã tɩ sɔw ʋ na: «A lɛ bɛ be za na ɩ ɛ! Fʋ kʋ̃ kpi ɛ. A ɩ̃ sãà bɛ ɩrɛ bom, ɛ́ bɛ dãw de niwn yel kʋ̀ m ɛ. Bʋnʋ ƴãw n'a ʋ na sɔwlɩ mɛ̃ a yel ŋa? A lɛ kʋ̃ ɩ ɛ!»

1 Samɩɛl 20:4

A Zonatã tɩ yel'ɩ a Daviir: «Bom nɛ fʋ na bɔbr a, ɩ̃ na ɩ ʋ na kʋ̀ b.»