1 Samɩɛl 2:6 - A SƐB-SÕW

⁶ A Sore n'ʋ ɩrɛ a nɩsaalbɛ kpiir ɛ́ ʋlɛ n'ʋ ɩrɛ bɛ vʋʋrɛ, ʋlɛ n'ʋ ɩrɛ bɛ siwr a kpɩmɛ tẽw, ɛ́ ʋlɛ n'ʋ ɩrɛ bɛ lɛb yire a be dúor waar.

1 Samɩɛl 2:6 Referans Kwoze

Wulu-ayi-sob 32:39

Ƴɛrɛŋa a, nyɩ nyɛ̃, mãa yõ n'ʋ ɩ a Naaŋmɩn, ŋmɩn bɛ lɛb ka be, a bɛ ɩ a mãa ɩ. Mãa n'ʋ mɩ́ ɩ a nɩr kpi, ɛ́ ɩ ʋ vʋʋrɛ, mãa n'ʋ mɩ́ ƴãw a bàalʋ, ɛ́ lɛb sanɩ. Nɩr bɛ faarɛ nɩr a ɩ̃ nũú ɛ.

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

2 Na-mɩnɛ 5:7

A Ɩsɩrayɛl tẽw nãà na dɛ tɩ kanɩ a sɛb-tʋɔla baar'a, ʋ taw nɩ a ʋ kparɩ cɩɛrɩ ɛ́ yel: «Naaŋmɩn nɛ m na mɩ́ tʋ̃ɔ́ ɩ nɩr ʋ kpi bɩɩ ɩ ʋ lɛb vʋʋrɛ bɩɩ? A Siiri tẽw nãà n'ɩ ŋan tõ nɩr k'ɩ̃ɩ sanɩ a ʋ kɔnʋ! Nyɩ nyɛ̃ a na, nɔhaarʋ n'a ʋ bɔbr mɛ̃!»

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

A Zɔb sɛbɛ 5:18

Naaŋmɩn n'ʋ mɩ́ ƴãw a natɩr ɛ́ lɛb 'lẽ, a ʋ nũu n'ʋ mɩ́ ŋmɛ ƴãw a bàalʋ ɛ́ lɛb sanɩ.

Zã 11:25

A Yeezu lɛb yel ʋ: «Mãa n'ɩ a Kũu-pʋɔ-lɛb-yibu nɩ a Nyɔ-vʋʋrʋ. Ʋlɩ sob na sàw de m a, ʋlɛ saa kpi, ʋʋ na vʋʋrɛ na,

Matie 12:40

Mɛ̃ a lɛ a Zonasɩ na tɩ gã a zʋm-kpɛ̃ɛ púorí bibie ata nɩ tɩ̃ɩsɔwr ata a, lɛ n'a a Nɩsaal Bie mɩ̀ na gã a tẽsɔw pʋ̃ɔmɩ bibie ata nɩ tɩ̃ɩsɔwr ata.

Sɛb-sõw yielu 116:3

A kũu mie tɩ 'lẽ m'a baarɩ, a kpɩmɛ tẽw bamɛ tɩ fɩɩrɩ mɛ̃ na, pʋl-vʋ̃ɔ nɩ kpɩɛrʋ tɩ tɛr mɛ̃ nɩ yaga za.

1 Samɩɛl 20:3

A Daviir tɩ lɛb'a yel ʋ: «Mãa yel fʋ, à ŋá tɔr za n'a. A fʋ sãà bãwnɩ a nɩ vla vla fʋ na nɔnɛ mɛ̃ a, lɛ so ʋ tɩɛrɩ ʋ pʋɔ à ŋá: “A Zonatã, ʋ ta bãwnɩ a ɩ, alɛ bɛ ɩ lɛ, a na ɩ n kpɩɛrʋ a ʋ zie.” Ɛcɛ, ɩ̃ pɔ n nɩ a Sore na vʋʋrɛ a, nɩ a fʋ̃ʋ mɩŋa nyɔ-vʋʋrʋ, kũu bɔw nʋɔrɩ́ n'a ɩ̃ be!»

Sɛb-sõw yielu 68:20

A Sore tɛr'ɩ puoru bibir za. A Naaŋmɩn tɩ Faarɛ kaarɛ nɩ tɩ zie. Tɛw-àrʋ

Ekilezɩasɩ 3:3

Kʋb daar be n be, sanʋ daar be be. Da-lɔbrʋ daar be n be, mɛb daar be be.

Ezekɩɛl 37:3

Lɛ n'a a Sore tɩ sowri mɛ̃: «Yel kʋ̀ m, nɩsaal bie e, a kɔbɛ á ŋá na tʋ̃ɔ́ na lɛb vʋʋrɛ bɩɩ?» Ɩ̃ sɔw ʋ: «Sore Naaŋmɩn i, fʋ̃ʋ n'ʋ bãw!»

Ezekɩɛl 37:12

Lɛ so, ƴɛ̀r a ƴɛ̀rʋ á ŋá a ɩ̃ yúor ƴãw: A mãa Sore Naaŋmɩn, ɩ̃ na 'lawr'ɩ a nyɩ bɔwrɩ ɛ́ ɩ nyɩ yi a pʋɔ, a nyɩɩm, a ɩ̃ nɩ-bʋʋrɛ. Ɩ̃ na lɛb'a tɛr nyɩ cen nɩ a Ɩsɩrayɛl tẽw.

1 Na-mɩnɛ 17:22

A Sore tɩ wõ n a Eli puoru: a bie vʋʋrʋ tɩ lɛb'a wa, ʋ vʋʋrɛ.

Sɛb-sõw yielu 30:4

Fʋ ɩ na ɩ̃ yi a kpɩmɛ tẽw lɛb do wa. A ɩ̃ gbɛ́r kãw tɩ be n a bɔw-zɩɛ pʋɔ, ɛcɛ fʋ lɛb'a kʋ̀ m a nyɔ-vʋʋrʋ, Sore e.

Sɛb-sõw yielu 71:20

Fʋ ɩ na k'ɩ̃ nyɛ̃ kpɩɛrʋ nɩ yel-faar yaga. Ɛcɛ fʋ na wa na lɛb wa kʋ̀ m a nyɔ-vʋʋrʋ, wa ɩ k'ɩ̃ lɛb yi a yàa-bɔw pʋɔ.