1 Samɩɛl 2:30 - A SƐB-SÕW

³⁰ A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.

1 Samɩɛl 2:30 Referans Kwoze

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

Ɩzayi 29:13

A Sore yere na: «Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃, nʋɔr ƴɛ̀rʋ tɛwr'a bɛ ƴãwnɛ nɩ mɛ̃. Ɛcɛ a bɛ socie zãá nɩ mɛ̃ na. A zɔba bɛ na zɔrɛ mɛ̃ a ɩ n nɩsaal nɔ-ƴãwna tɛwr bɛ na zanɩ a.

Eziptɩ tẽw yib 29:9

ɛ́ sɛ bɛ a bɛ kpàgɛ, vɔblɩ bɛ a bɛ kpawʋʋr. A lɛn daar a, bɛ na ɩ n a bàwr-maalbɛ. Nʋɔr'ʋ ƴãw gã kʋralɛ. Pãa nyɛ̃ a lɛ fʋ na na de a tome ƴãw a Aarɔ̃ nɩ a ʋ bidɛbr nuru pʋɔ a:

Sɛb-sõw yielu 91:14

A Naaŋmɩn yere na: «Ʋ na tu m a, ɩ̃ na faa ʋ na. Ɩ̃ na gùre ʋ na, ʋ na bãw a ɩ̃ yúor a ƴãw.

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Zã 5:23

kɛ́ nɩbɛ za ƴãwnɛ a Bie, mɛ̃ a lɛ bɛ na ƴãwnɛ a Sãà a. Nɩr bɛ wa ƴãwnɛ a Bie a, ʋ mɩ̀ bɛ ƴãwnɛ a Sãà na tõ a Bie a ɩ.

Sɛb-sõw yielu 18:20

ʋ ír mɛ̃ na bɛr, k'ɩ̃ cere, ʋ faa mɛ̃ na, ʋ na nɔnɛ mɛ̃ a ƴãw.

Zã 8:49

A Yeezu tɩ sɔw bɛ na: «Ɩ̃ bɛ ìre kɔ̃tɔmɛ ɩ, ɩ̃ Sãà n'ʋ ɩ̃ ƴãwnɛ, ɛ́ nyɩɩm bɛ ƴãwnɛ mɛ̃ ɩ!

Sɔr-nɛ́ɛ 11:20

Cuw-ɓil za n'ʋ nyɩ na 'wɔb a nɛn a tɩ ɓa nyɩ, a nʋɔr bɛ tɩ cãà bɔbr a ɩ. A na ɩ n a nyɩ dɔwrʋ, nyɩ na zawrɩ a Sore na be a nyɩ sɔgɔ bɛr a ƴãw, nɩ nyɩ na kone yere nɩ à ŋá a: Bʋnʋ ƴãw n'a tɩ nɩ̃ɛ yi a Eziptɩ mɔ̃.”»

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Zã 5:44

Nyɩ zɛwr'ɩ taa yée, ɛ́ bɛ bɔbr a yúor ʋl na yi Naaŋmɩn yõ zie a ɩ, ŋmɩŋmɩn n'a nyɩ na tʋ̃ɔ́ sàw de ʋ?

Sɔr-nɛ́ɛ 35:34

A na ɩ à ŋá a, nyɩ na gù n vla taa dɛwr a tẽw nyɩ na na kpɩɛr a bɛrɛ ɩ, a be mãa mɩŋa na na kpɩɛr a nyɩ sɔgɔ a. Yel-mɩŋa n'a, a mãa Sore, ɩ̃ kpɩɛr'ɩ a Ɩsɩrayɛl nɩbɛ sɔgɔ.»

Ƴɛ̀r-dɩrbɛ 9:10

Lɛ n'a a tɩɩr tɩ yel a kãkã-tɩɛ: “A na ɩ à ŋá a, a fʋ̃ʋ a, wa dɩrɛ naalʋ a tɩ zu!”

Eziptɩ tẽw yib 28:43

A Aarɔ̃ nɩ a ʋ bidɛbr na mɩ́ sɛ a na kpɛ n a tuor-taa pɛn-sɛw pʋɔ, bɩɩ taw pɩɛl'ɩ a bàwr-maal-kuur, a lɛn daar bɛ nãà mɩ́ wa tone a bàwr-maal-tome a zi-sõw pʋɔ a. Lɛ n'a bɛ kʋ̃ mɩ́ wul a bɛ faalʋ, kpi a al ƴãw ɛ. Nʋɔr'ʋ ƴãw gã kʋralɛ a Aarɔ̃ nɩ a ʋ bʋʋrɛ ƴãw.»

1 Na-mɩnɛ 11:11

ɛ́ yel ʋ à ŋá: «Fʋ na faa ɩ à à ŋá a, fʋ na faa bɛ maal tɛr a ɩ̃ wõ-taa nɩ a wulu ɩ̃ na kʋ̀ b a, ɩ̃ na faa nɩ a naalʋ-tẽw a fʋ zie, kʋ̀ a fʋ tõ-tõ-bie kãw.

Sɛb-sõw yielu 73:20

Sore e, fʋ̃ʋ mɩ́ wa ìr a, bɛ mɩ́ bɔr'a mɛ̃ zánʋ fʋ na wa ìr ʋ bɔr a.

Sɛb-sõw yielu 91:15

Ʋlɛ wa bʋɔlɛ mɛ̃ a, ɩ̃ na sɔw na, ɩ̃ na be n a ʋ zie a kpɩɛrʋ daar, ɩ̃ na faa ʋ na, ɩ̃ na ɩ na k'ʋ nyɛ̃ ƴãwfʋ.

Zʋkpaɩ 4:8

Weri a yã-bãwfʋ fɩɩrɩ tɛr, ʋʋ na ɩ na fʋ ɩ kpɛ̃ɛ. Fʋ̃ʋ wa were ʋ a, ʋ na ɩ na fʋ tɛr yúor.

Zʋkpaɩ 8:17

A mãa a, ɩ̃ nɔnɛ nɩ a bɛlɩ dem na nɔnɛ mɛ̃ a, ɛ́ a bɛlɩ dem na bɔbr mɛ̃ a na mɩ́ nyɛ̃ m'a.

Zeremi 29:32

A lɛ pʋɔ a, à ŋá n'a a mãa, a Sore, yere: ɩ̃ na ìr'ɩ a Semaya nɩ a ʋ bʋʋrɛ ƴãw. A ʋ yir nɩr kãw za kʋ̃ be a nyɩ sɔgɔ nyɛ̃ a vla ɩ̃ na na maalɩ a ɩ̃ nɩ-bʋʋrɛ a ɩ. Bʋ̃ʋ n'ʋ vɛ̃, a Semaya ɩ na ƴãw a ɩ̃ nɩbɛ gaarɩ a ɩ̃ zu. À à ŋá n'a a Sore yere.”»

Ezekɩɛl 34:10

Mãa, a Sore Naaŋmɩn, ɩ̃ yere na kʋ̀rɛ nyɩ. Ɩ̃ na ìr'ɩ a nyɩ ƴãw, a nyɩɩm pi-cɩ̃ɩnbɛ. Ɩ̃ na lɛb'a de a ɩ̃ dʋn a nyɩ zie, ɩ̃ na piw nyɩ nɩ sɔ́r a kaafʋ ƴãw. Lɛ n'a nyɩ kʋ̃ mɩ́ lɛb páw tɔnɛ a zie ɩ. Ɩ̃ na faa nɩ a ɩ̃ píir a nyɩ nʋɔrɩ́, ɛ́ a kʋ̃ mɩ́ lɛb ɩ a nyɩ bʋ̃-dɩrɩ ɛ.

1 Na-mɩnɛ 2:27

À ŋá n'a a Salomɔ̃ tɩ diw a Abɩataar bɛr a Sore bàwr-maalɛ tome tob ƴãw, tu a ƴɛ̀rʋ a Sore na tɩ ƴɛ̀r a bàwr-maal-kara Eli yir ƴãw, a Silo zi-sõw pʋɔ a.

1 Bibie za yel-manɩ 17:18

Ɩ̃ pãa lɛb yel kɛ́ bo, fʋ na ƴãw mɛ̃ sɛw à à ŋá a? Fʋ bãw mɛ̃ na, a mãa fʋ tõ-tõ-bie.

2 Bibie za yel-manɩ 26:18

Bɛ tɩ àr'a tori a nãà Ozɩasɩ ɛ́ yel ʋ: «Tɩ nãà a, fʋ bɛ tɛr sɔ́r, fʋ mɩŋa, na tʋ̃ɔ́ de a tɩ-suur-zɔ̃-na-nyùur-vla-vla-a kʋ̀ a Sore ɩ. Bàwr-maalbɛ tɛwr nɛbɛ tɛr sɔ́r a al ƴãw, bɛl na ɩ a Aarɔ̃ bʋʋrɛ ɛ́ bɛ maalɩ bɛ bɛ ɩ son a al ƴãw a. Yi a zi-sõw pʋɔ! Sɩza, yel-bier'ʋ fʋ maalɛ. A Sore Naaŋmɩn zie a, a de-kʋ̀b bom ŋa kʋ̃ ɩ yúor bom ɛ.»

Sɛb-sõw yielu 18:26

Sore e, fʋ ŋmɛ̃ n fʋ ŋmɛ̃a a sob nɛ na bɛ lɛbr pùor a zie, fʋ bɛ tɛr sãwna, nɩr na bɛ tɛr sãwna a zie ɩ.

Zʋkpaɩ 12:8

Nɩr na tɛr yã a n'ʋ bɛ mɩ́ danɛ, ɛ́ ɩrɛ sob nɛ a tɩ́ɛrʋ na bɛ tori a laar.

Zeremi 49:15

«Edɔm tẽw i, ɩ̃ na ɩ na fʋ ɩ a pʋrɩ za a nɩ-bʋʋrɛ za pʋɔ, a ʋl a nɩbɛ za na ɩrɛ laar a.

Malasɩ 2:3

Ɩ̃ tĩ na bɛ bɛrɛ a nyɩ bʋʋrɛ ɩ. Ɛ́ a nyɩɩm a, ɩ̃ na cir'ɩ bine waarɩ a nyɩ niŋé, a dʋn nyɩ na kʋ a nyɩ cuwr ƴãw a bine, ɛ́ bɛ na pɩɩrɩ nyɩ na lãwnɩ a.