1 Samɩɛl 2:24 - A SƐB-SÕW

²⁴ Ɩ̃ bibiir i, nyɩ ta cãà ɩrɛ a lɛ ɩ! A nyɩ ƴɛ̀rʋ a Naaŋmɩn nɩ-bʋʋrɛ na ƴɛ̀rɛ ɩ̃ wone a, a bɛ maal'ɩ wob ɛ!

1 Samɩɛl 2:24 Referans Kwoze

Yel-wula 2:20

Ɛcɛ, yel ŋa ƴãw n'a ɩ̃ yere fʋ: fʋ bɛr'ɩ a Zezabɛl, a pɔw ŋa na yel k'ʋʋ ɩ n naaŋmɩn-ƴɛ̀r-manɛ ɛ́ tule a ɩ̃ tõ-tõ-biir, ɛ́ wule bɛ bɛ maalɛ a pɩ̃ɔ-yele ɛ́ 'wɔbr a tɩbɛ bàwr-maal-nɛnɛ a.

3 Zã 1:12

A Demetiriyisi ʋl ƴãw a, nɩbɛ za dɩrɛ nɩ a ʋ dãsɩɛ vla. Ɛ́ a yel-mɩŋa tɔr za dɩrɛ nɩ a ʋ dãsɩɛ. A tɩɩm mɩ̀, tɩ dɩrɛ nɩ a ʋ dãsɩɛ, ɛ́ fʋ bãwnɩ a n'a a tɩ dãsɩɛ na ɩ sɩza a.

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

1 Timote 3:7

Ɛ́ lɛb waar mɩ̀, a fɛr'a kɛ́ a yẽw dem dɩrɛ dãsɩ-vla a ʋ ƴãw, lɛ n'a a nɩbɛ kʋ̃ ɩrɛ ʋ laar ɛ, ʋʋ kʋ̃ kpɛ a Gɛgɛra bɛrɩ pʋɔ ɩ.

2 Korɛ̃tɩ 6:8

Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.

Nɩ-toni 6:3

A na ɩ lɛ a, yɛbr i, nyɩ bɔ dɛbr ayopõi a nyɩ pʋɔ, nɩbɛ na ɩrɛ vla, ɛ́ a Vʋʋrʋ Sõw nɩ yã-bãwfʋ be a bɛ zie a, ɛ́ tɩ na de nɩ a ton ŋa kʋ̀ bɛ.

Matie 18:7

Nyɛ̃ a tẽ-daa baw-bio na sɛw a, a yele al za na ɩrɛ a nɩsaalbɛ maalɛ yel-bebe a ƴãw! A fɛr'a k'aa yele á ŋá mɩ́ ɩ, ɛcɛ baw-bio sob'ɩ a nɩr ʋl na n'ʋ mɩ́ so a ɩ a.

Malasɩ 2:8

Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

2 Na-mɩnɛ 10:31

A na saa ɩ à ŋá a, a Yehu bɛ tɩ sàw a Sore, a Ɩsɩrayɛl Naaŋmɩn, wulu nɩ ʋ pʋɔ za ɩ. Ʋ tɩ cãà na maalɛ a Zerobowam yel-bebe, a yel-bebe a Zerobowam na tɩ ƴãw a Ɩsɩrayɛl nɩbɛ maalɛ a.

1 Na-mɩnɛ 15:30

À á ŋá za tɩ ɩ na, a Zerobowam na tɩ maalɩ a yel-bier ƴãw a Ɩsɩrayɛl nɩbɛ mɩ̀ maalɩ a ƴãw, a tɩ ɩ na a Sore, a Ɩsɩrayɛl Naaŋmɩn, suur ìr yaga za.

1 Samɩɛl 2:22

A Eli tɩ kor'a tɩ kor. Ʋ tɩ wone na bɛ manɛ a lɛ a ʋ bidɛbr na tɩ ɩrɛ a Ɩsɩrayɛl nɩbɛ za zie a, ɛ́ mɩ̀ tɩ wõ kɛ́ bɛ ganɛ nɩ nɩ a pɔwbɛ na mɩ́ ɓã taa a tuor-taa pɛn-sɛw dɩ̃dɔrɩ́ a.

1 Samɩɛl 2:17

À ŋá n'a a Eli bidɛbr yel-bier tɩ ɩ kpɛ̃ɛ bɛ tɛr tɛwr ɛ, a Sore niŋé, bʋ̃ʋ n'ʋ vɛ̃, bɛ bɛ tɩ ƴãwnɛ a bàwr de-kʋ̀b bome a nɩbɛ na tɩ kʋ̀rɛ a Sore a ɩ.

Eziptɩ tẽw yib 32:21

Al pùorí, ʋ sowri a Aarɔ̃: «Bʋ̃ʋ n'ʋ a nɩbɛ bɛ ŋa ɩ b fʋ taw bɛ ƴãw a sãwna-kpɛ̃ɛ ŋa pʋɔ?»

1 Samɩɛl 2:23

Lɛ n'a ʋ tɩ yel bɛ à ŋá: «Bʋ̃ʋ n'ʋ so nyɩ ɩrɛ à à ŋá? Ɩ̃ wone nɩ a faa a nɩbɛ za na yere a nyɩ ƴãw a.

1 Na-mɩnɛ 15:26

Ʋ tɩ ɩ n a lɛ na bɛ vɩɛl a, a Sore zie. Ʋ tɩ cɔwr'ɩ a ʋ sãà ɩb na bɛ vɩɛl a, a ʋ sãà na tɩ ƴãw a Ɩsɩrayɛl nɩbɛ maalɩ a yel-bier a, ɛ́ mɩ̀ maalɩ a alɩ yel-bebe nɛ tɛɛ za ʋ na maalɩ a.