1 Samɩɛl 2:22 - A SƐB-SÕW

²² A Eli tɩ kor'a tɩ kor. Ʋ tɩ wone na bɛ manɛ a lɛ a ʋ bidɛbr na tɩ ɩrɛ a Ɩsɩrayɛl nɩbɛ za zie a, ɛ́ mɩ̀ tɩ wõ kɛ́ bɛ ganɛ nɩ nɩ a pɔwbɛ na mɩ́ ɓã taa a tuor-taa pɛn-sɛw dɩ̃dɔrɩ́ a.

1 Samɩɛl 2:22 Referans Kwoze

Eziptɩ tẽw yib 38:8

Al pùorí, a Besalɛl tɩ maal'ɩ a kur-zɩɛ-dʋw, ɛ́ mɩ̀ maalɩ a ʋ dɔwlʋ zie nɩ a kur-zɩɛ. A pɔwbɛ na mɩ́ tɩ tone a tuor-taa pɛn-sɛw dɩ̃dɔrɩ́ a kur-zɩɛ caalɩ n'a ʋ tɩ de maal'ɩ.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

1 Samɩɛl 8:1

A Samɩɛl na tɩ kor a, ʋ de nɩ a ʋ bidɛbr ƴãw bɛ ɩ a Ɩsɩrayɛl nɩbɛ ƴɛ̀r-dɩrbɛ.

Yele-za-pɛr-tib 37:2

Nyɛ̃ a Zakɔb bidɛbr yele. A Zuzɛb tɩ tɛr'ɩ yome pie nɩ ayopõi. Ʋlɛ nɩ a ʋ yɛbr, a ʋ sãà pɔwbɛ Bilha nɩ Zilipa bidɛbr, tɩ àrɛ nɩ nɩ a píir nɩ a bʋʋr. Ʋ mɩ́ tɩ manɛ nɩ a bɛ yel-faar a nɩbɛ na manɛ a kʋ̀rɛ a ʋ sãà.

1 Samɩɛl 2:23

Lɛ n'a ʋ tɩ yel bɛ à ŋá: «Bʋ̃ʋ n'ʋ so nyɩ ɩrɛ à à ŋá? Ɩ̃ wone nɩ a faa a nɩbɛ za na yere a nyɩ ƴãw a.

1 Samɩɛl 3:13

Ɩ̃ yere na kʋ̀rɛ ʋ k'ɩ̃ɩ ƴãwnɛ nɩ dɔwrʋ a ʋ yir kʋralɛ ƴãw, a ʋ sãwna zũú: ʋ tɩ bãwnɩ a na a ʋ bidɛbr na tʋʋr mɛ̃ a, ɛ́ bɛr bɛ bɛ ɩrɛ.

Yele-za-pɛr-tib 35:22

Zɩ̃ k'aa Zakɔb na tɩ kpɩɛr a ʋlɩ zie nɛ a, Urubɛn tɩ cen na tɩ gã nɩ a Bilha na ɩ a ʋ sãà pɔw-bile kãw a. A Zakɔb tɩ wõ a na. A Zakɔb bidɛbr tɩ ɩ n pie nɩ ayi: