1 Samɩɛl 2:18 - A SƐB-SÕW

¹⁸ A Samɩɛl na tɩ cãà ɩ pɔlbile a tɩ tone nɩ a ʋ tome a Sore niŋé. Lɛ̃ pɛn kparʋ n'ʋ ʋ mɩ́ tɩ su.

1 Samɩɛl 2:18 Referans Kwoze

1 Samɩɛl 3:1

A Samɩɛl ʋl na tɩ cãà ɩ pɔlbile a tɩ tone nɩ a Sore tome a Eli niŋé. A lɛn daar, a Sore bɛ tɩ ƴɛ̀rɛ cãcã a nɩbɛ zie ɩ, ɛ́ a ʋ nyɛ́b bɛ tɩ ɩ cãcã ɩ.

Eziptɩ tẽw yib 28:4

A kparɩ bɛ na na sɛ a n'ɩ á ŋá: a bàwr-maal-kara-nyãa-zu-zʋbɛ, a nyãa-kpale, a kpar-kpɛ̃ɛ-wogo, a kpali-mawra, a pɛn-kpawʋɔ nɩ a pɛn-kpawr. A fʋ yɛb Aarɔ̃ nɩ a ʋ bidɛbr na mɩ́ su a na a bɛ tome tob ƴãw.

1 Samɩɛl 2:11

A yele á ŋá pùorí, a Ɛlkana tɩ lɛb'a kul a ʋ yir a Arama. Ɛcɛ a bie tɩ tone nɩ a Sore tome a bàwr-maalɛ Eli niŋé.

2 Samɩɛl 6:14

Al pùorí, ʋ ƴaw bɩnɛ nɩ a ʋ fãw za, a Sore ƴãw. A bàwr-maalbɛ lɛ̃ pɛn gãw yõ n'ʋ ʋ tɩ sɛ.

1 Samɩɛl 22:18

Lɛ n'a a nãà tɩ yel a Edɔm tẽw dɔɔ Dowɛgɩ: «A fʋ̃ʋ, lɩɛb kʋ a bàwr-maalbɛ bɛ ŋa.» A Edɔm tẽw dɔɔ Dowɛgɩ tɩ lɩɛb'a kʋ a bàwr-maalbɛ. A ʋlɩ bibir a, ʋ tɩ kʋ na ta nɩbɛ lɩz'a anaar'ɩ anũu na tɩ tɛr sɔ́r suur a bàwr-maalbɛ kpar-son a.

1 Bibie za yel-manɩ 15:27

Lɛ̃ pɛn-vʋlvʋl kpar-kpɛ̃ɛ n'ʋ a Daviir tɩ su. A levitɩ mɩnɛ za na tuo a wõ-taa daga a, a yiel-yielbɛ nɩ a Kenanɩa na ɩ a wõ-taa daga tuofʋ nɩ-kpɛ̃ɛ a, mɩ̀ tɩ su n a kpar-been nɛ mɛ̃ a nãà a. A Daviir mɩ̀ tɩ sɛ n a bàwr-maalbɛ lɛ̃ gãw.

1 Samɩɛl 2:28

Ɩ̃ kaa na ír a fʋ sãàkʋm, a Ɩsɩrayɛl dɔwlʋ za pʋɔ, k'ɩ̃ɩ ɩ ʋ ɩ a ɩ̃ bàwr-maalɛ, maalɛ a bagɛ kʋ̀rɛ mɛ̃ a ɩ̃ bàwr-maal-kuur zu, nyɩwr a tɩ-suur-zɔ̃-na-nyùur-vla-vla-a, suur a bàwr-maal-kara nyãa-kpale a ɩ̃ niŋé. Ɩ̃ kʋ̀ n a fʋ sãàkʋm a Ɩsɩrayɛl nɩbɛ de-kʋ̀b bome za.

Levitɩ mɩnɛ 8:7

Ʋ tɩ su n a Aarɔ̃ a kpar-wogo, ɛ́ ŋmãa nɩ ʋ a kpàwr, lɛb su ʋ kpar-wogo dɔwlɩ, ɛ́ su ʋ a bàwr-maal-kara nyãa-kpale dɔwlɩ, ɛ́ 'lẽ ʋ a bàwr-maal-kara nyãa-kpale bʋ̃-'leni a zikurí.

1 Samɩɛl 14:3

Ikavɔdɩ yɛb Ahituvʋ bidɛb, Ahiya, n'ʋ tɩ ɩ a bàwr-maalɛ, su a bàwr-maal-kara nyãa-kpale. A Ikavɔdɩ tɩ ɩ n Pɩnasɩ bidɛb, ɛ́ ɩ Eli na tɩ ɩ a bàwr-maalɛ a Silo a yãw. Nɩr za bɛ tɩ bãwnɩ a Zonatã cenu ɛ.