1 Samɩɛl 2:12 - A SƐB-SÕW

¹² A Eli bidɛbr bɛ tɩ tɛr pɛr towtow ɛ, bɛ bɛ tɩ ŋmɛlɛ kaar a Sore ɩ.

1 Samɩɛl 2:12 Referans Kwoze

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

2 Korɛ̃tɩ 6:15

Bʋ̃ʋ wõ-taa n'a na tʋ̃ɔ́ be a Kɩrɩta nɩ a Beliyaar cara pʋɔ? Bʋ̃ʋ n'a naaŋmɩn-sàw-diere nɩ naaŋmɩn-bɛ-sàw-diere na tʋ̃ɔ́ lãw?

Ƴɛ̀r-dɩrbɛ 2:10

Al pùorí, a ʋ daar nɩbɛ mɩ̀ tɩ kpi na. A nɩbɛ bɛl na tɩ dɔw lɩɛrɩ tu a bɛ tɩ bãw a Sore nɩ a tõ-bɛrɛ ʋ na tɩ tõ a Ɩsɩrayɛl nɩbɛ ƴãw a ɩ.

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Zã 16:3

À ŋá n'a bɛ na ɩrɛ, bɛ na bɛ bãw a ɩ̃ Sãà ɛ́ mɩ̀ bɛ bãw mɛ̃ a ƴãw.

Zã 8:55

Nyɩ bɛ bãw ʋ ɛ, ɛ́ mãa bãw ʋ. Mãa tɩ yere k'ɩ̃ɩ bɛ bãw ʋ a, ɩ̃ nãá ɩ n zir-ŋmarɛ mɛ̃ a nyɩɩm a, ɛcɛ ɩ̃ bãw ʋ na, ɛ́ dier a ʋ ƴɛ̀rʋ.

Zeremi 22:16

Ʋ mɩ́ tɩ de nɩ a bãbàal nɩ a nã́w sob yele ƴãw a ʋ nuru pʋɔ, ɛ́ a yele za tɩ cere vla. Sob nɛ na ɩrɛ à à ŋá a wul'a k'ʋʋ bãw mɛ̃ na. A Sore n'ʋ yel.

Zeremi 9:6

A na ɩ à ŋá a, à ŋá n'a a Sore, a kpɛnʋ-za-sob yere: «Vũu n'a ɩ̃ na ír'ɩ a bɛ dɛwr bɛr, ɩ̃ɩ na nyɛ̃ nɩ a lɛ bɛ na ŋmɛ̃ a. Bʋ̃ʋ n'ʋ ɩ̃ na lɛb tʋ̃ɔ́ ɩ a ɩ̃ nɩbɛ yel-faar ƴãw?

1 Na-mɩnɛ 21:13

A nɩ-bɛ-tɛr-bir mɩnɛ ayi tɩ wa na wa àr a Nabɔtɩ niŋé, ɛ́ yere a ʋ sãwna a nɩbɛ za niŋé à ŋá: «Nabɔtɩ tʋ n a Naaŋmɩn nɩ a nãà!» Lɛ n'a a nɩbɛ tɩ tɛr a Nabɔtɩ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ.

1 Na-mɩnɛ 21:10

Nyɩ ƴãw nɩbɛ ayi, nɩbɛ na bɛ tɛr bir a, àr a ʋ niŋé ɛ́ dɩ a ʋ sãwna dãsɩɛ à ŋá: “Fʋ tʋ n a Naaŋmɩn nɩ a nãà!” Al pùorí, nyɩ tɛr ʋ yi zaa nɩ a tẽw pʋɔ, tɩ lɔb'ɩ ʋ kʋsɛbɛ kʋ!»

1 Samɩɛl 25:17

A na ɩ à ŋá a, tɩɛrɩ nyɛ̃ a lɛ fʋ na na ɩ a, bʋ̃ʋ n'ʋ vɛ̃, bʋnʋ bɛ ka be ɩ, faa na lo n a tɩ nɩ-kpɛ̃ɛ nɩ a ʋ yir zu. Ʋ mɩŋa kpɛ n faa tɩ zuo, nɩr kʋ̃ sàw ƴɛ̀rɛ a ʋ zie ɩ.»

1 Samɩɛl 10:27

Ɛcɛ nɩbɛ kãw na bɛ tɛr pɛr towtow a, tɩ yel'a: «Ŋmɩŋmɩn n'a a nɩr ŋa na tʋ̃ɔ́ faa tɩ?» Bɛ tɩ jewr'ʋ na, ɛ́ bɛ wa n bom za wa kʋ̀ ʋ ɛ. Ɛcɛ a bɛ tɩ ɩ a Sawul bom za ɩ.

1 Samɩɛl 3:7

A Samɩɛl bɛ tɩ bãw a Sore sɛr ɛ, bʋ̃ʋ n'ʋ vɛ̃, a Sore bɛ tɩ càarɩ ƴɛ̀r a ʋ zie sɛr ɛ.

Ƴɛ̀r-dɩrbɛ 19:22

Bɛ na tɩ dɩrɛ wone nɩ nʋ̃ɔ̀ a, a be dem bɛ mɩnɛ, nɩ-bɛ-tɛr bir mɩnɛ, tɩ wa na wa ŋmãa viiri koli a yir, ɛ́ ŋmɛ a pan kpɛ̃w kpɛ̃w za, ɛ́ yel a dɛb-nyãw na tɩ so a yir a: «A nɩr ʋl fʋ na de a fʋ yir a, ɩ ʋ yi tɩ gã nɩ ʋ.»

Wulu-ayi-sob 13:13

Kapaw bibir kãw, nyɩ na wõ na k'aa tẽ-bɛrɛ a Sore nyɩ Naaŋmɩn na kʋ̀ nyɩ nyɩ kpɩɛr a, a kãw pʋɔ a,

1 Samɩɛl 3:13

Ɩ̃ yere na kʋ̀rɛ ʋ k'ɩ̃ɩ ƴãwnɛ nɩ dɔwrʋ a ʋ yir kʋralɛ ƴãw, a ʋ sãwna zũú: ʋ tɩ bãwnɩ a na a ʋ bidɛbr na tʋʋr mɛ̃ a, ɛ́ bɛr bɛ bɛ ɩrɛ.

Zeremi 9:3

Ŋa za ʋ mɩ́ gù ʋ tʋɔra a ʋ bá ƴãw, ɛ́ nɩr taa ƴãwnɛ a ʋ tɩɛrʋ a ʋ yɛb ƴãw ɛ. Bʋ̃ʋ n'ʋ vɛ̃, yɛb za mɩ́ bãw nɩ lɛ ʋ na na nɛb fʋ a, ɛ́ bá za ɩ gɛgɛra gɛrɛ fʋ.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Wulu-ayi-sob 13:14

nɩ-bɛ-tɛr-bir mɩnɛ kãw a nyɩ pʋɔ taw nɩ a bɛ tẽw dem ƴãw bɛ tone ŋmɩn-yoru nyɩ na bɛ bãw a.