1 Samɩɛl 2:10 - A SƐB-SÕW

¹⁰ A Sore dɔ̃ dem a, bɛ na ƴɛ́r bɛ na ŋmɛr, a bɛl ƴãw a, a Sore na be n a salom zu, ɛ́ gbiwre mɛ̃ saa a, bʋ̃ʋ n'ʋ vɛ̃, ʋlɛ n'ʋ dɩrɛ nɩ a tẽ-daa za a ƴɛ̀rʋ. Ʋ na ɩ n a ʋ nãà ʋ kpɛmɛ, ʋ na ɩ n a ʋ nɩ-kabra kpɛmɛ dɔwlɩ.»

1 Samɩɛl 2:10 Referans Kwoze

Sɛb-sõw yielu 2:9

Kure dabɔl'ʋ fʋ na tʋ̃ɔ́ nɩ bɛ, fʋ na ŋmɛ bɛ na ŋmɛr pɩrɩsɩsɩ mɛ̃ yawra laa a.»

Sɛb-sõw yielu 89:24

Ɩ̃ na kʋ n a ʋ dɔ̃ dem a ʋ niŋé, ɩ̃ na pɔb'ɩ a ʋ bɛ-nɔnbɛ.

Sɛb-sõw yielu 96:13

a Sore niŋé, ʋ na waar a ƴãw, ʋ waar'a, k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Eziptɩ tẽw yib 15:6

A fʋ dʋrʋ nũu a bɩɩ, Sore e, nyɛ̃ kpɛ̃w ʋ na kpɛmɛ a! A fʋ dʋrʋ nũu a, Sore e, ʋ tʋ̃ɔ́ nɩ a fʋ dɔ̃ dem pẽlẽpẽlẽ.

Sɛb-sõw yielu 98:9

a Sore niŋé, ʋ na waar a ƴãw. Ʋ waar'a k'ʋʋ wa dɩ n a tẽw ƴɛ̀rʋ, ʋ na dɩ n nɩ a tẽ-daa a ƴɛ̀rʋ nɩ mɩnʋ, ɛ́ dɩ n a nɩ-bʋʋrɛ a ƴɛ̀rʋ a tu yel-mɩŋa.

Sɛb-sõw yielu 20:6

Lɛ n'a tɩ na cáarɛ a faafʋ fʋ na nyɛ̃ a ƴãw, tɩ na zɛw a dɩrapo a tɩ Naaŋmɩn yúor ƴãw. A Sore, ʋ tu a fʋ zɛlʋ za pùor maalɩ fʋ!

1 Samɩɛl 7:10

Zɩ̃ k'aa Samɩɛl na tɩ maalɛ a nyɩw-a-za-bàwr a, a Filisɩtɛ̃ mɩnɛ tɩ taw na ta kɛ́ bɛ zɛb'ɩ a Ɩsɩrayɛl nɩbɛ. Ɛcɛ a ʋlɩ bibir a, a Sore tɩ ɩ na saa tanɛ a Filisɩtɛ̃ mɩnɛ kpɛ̃w kpɛ̃w za, dɛ̃bɩ̃ɛ nyɔw bɛ, a Ɩsɩrayɛl nɩbɛ zɛb tʋ̃ɔ́ bɛ.

Luka 19:27

Ɛ́ a ɩ̃ dɔ̃ dem bɛl a, a nɩbɛ bɛl na bɛ tɩ bɔbr k'ɩ̃ɩ dɩ naalʋ a bɛ zu a, nyɩ nyɔw bɛ wa n a ɩ̃ niŋé ka wa ŋmaarɩ bɛ kɔkɛɛ.”»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Ekilezɩasɩ 11:9

Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.

Sɛb-sõw yielu 45:7

A fʋ naalʋ-dà-kɔw ɩ na mɛ̃ a Naaŋmɩn naalʋ-dà-kɔw a, ʋ be n be kʋralɛ, mɩnʋ na n'a fʋ dɩrɛ nɩ a naalʋ a.

Sɛb-sõw yielu 21:1

A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Daviir yielu kãw n'ʋ.

Sɛb-sõw yielu 2:6

ʋ yere na: «Mãa n'ʋ cir a kãá ƴãw a ɩ̃ nãà, a Sɩyɔ̃ na ɩ a ɩ̃ tãw-sõw a zu.»

Sɛb-sõw yielu 2:2

A tẽw na-mɩnɛ cɔbrɛ na na zɛb, ɛ́ a nɩ-bɛrɛ bʋ̀rɛ taa kɛ́ bɛ zɛb'ɩ a Sore nɩ a ʋ nɩ-kabra.

Ƴɛ̀r-dɩrbɛ 5:31

Sore e, a fʋ dɔ̃ dem za, bɛ kpi, mɛ̃ a lɛ a Sɩsera na kpi a! Ɛcɛ a fʋ nɩ-nɔnɩ ɩ mɛ̃ a mʋ̃tɔ̃w na mɩ́ wa pur nyɩwrɛ ʋ za a!» Ɛ́ a tẽw tɩ tɛr'ɩ ƴã-ɓaarʋ yome lɩz'a ayi.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Nɩ-toni 10:38

a Nazarɛtɩ Yeezu yele, Naaŋmɩn paal'ʋ na nɩ a Vʋʋrʋ Sõw fãw. Be za ʋ na mɩ́ tɩ tɔlɛ a, ʋ mɩ́ tɩ maalɛ nɩ a nɩbɛ vla, ɛ́ sanɛ a bɛlɩ dem na be a Gɛgɛra gbãgbaalʋ pʋɔ a. Naaŋmɩn tɩ sɩrɩ na be a ʋ zie.

Nɩ-toni 4:27

Sɩza, bɛ sɩrɩ na ɓã taa a tẽ-kpɛ̃ɛ ŋa pʋɔ: Erɔdɩ nɩ Pɔ̃sɩ-Pɩlatɩ, lãwnɩ a nɩ-bʋʋr-yoru nɩ a Ɩsɩrayɛl bʋʋrɛ nɩbɛ wõ n taa a fʋ tõ-tõ-bi-sõw Yeezu ƴãw, a ʋl fʋ na ka nũu ƴãw a.

Luka 1:69

ɛ́ ɩ faafʋ fãw yi a tɩ ƴãw a ʋ tõ-tõ-bie Daviir yir pʋɔ.

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Ɩzayi 45:24

«A Sore yõ zie n'a a mɩnʋ nɩ a kpɛnʋ be.» Bɛlɩ dem za na zɛb'ɩ mɛ̃ a na wa n a ɩ̃ zie, ɛ́ vĩ ɩrɛ bɛ.

Ɩzayi 32:1

Nãà na be n be dɩrɛ a naalʋ nɩ mɩnʋ. A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu mɛ̃ a lɛ a na tu sɔ́r a.

Sɛb-sõw yielu 148:14

Ʋ lɛb'a kʋ̀ a ʋ nɩ-bʋʋrɛ fãw na bɛrmɛ a. Yúor'ʋ a ʋ nɩbɛ zie, a Ɩsɩrayɛl bibiir za zie, a nɩ-bʋʋrɛ na pɩɛl'ʋ a. Aleluya!

Sɛb-sõw yielu 89:17

Bɛlɛ wa wõ a fʋ yúor a, nʋ̃ɔ̀ mɩ́ ɩrɛ bɛ na bɛ ƴawr bibie za. A fʋ mɩnʋ zũú n'a bɛ mɩ́ zɛwr bɛ tʋɔra.

Sɛb-sõw yielu 28:8

A Sore n'ɩ a ʋ nɩbɛ fãw, ʋlɛ n'ɩ a zɛbr-yir-kpɛ̃w na ɩ a ʋ nɩ-kabra faafʋ zie a.

A Zɔb sɛbɛ 40:9

A fʋ kpãkpãw kpɛmɛ na man a ɩ̃ dem ɩ? A fʋ kɔkɔr mɩ́ tanɩ na mɛ̃ a ɩ̃ dem a?

2 Samɩɛl 22:14

A Sore be n a salom zu, ɩ a saa tanɩ, a Naaŋmɩn-na-do-saa-bɛ-pɩɛl-a kɔkɔr tɩ yi n kpɛ̃w kpɛ̃w za.

2 Samɩɛl 7:13

Ʋlɛ n'ʋ na ŋmãa yir kʋ̀ m, ɩ̃ɩ na zɩɩl'ɩ a ʋ naalʋ ʋ be kʋralɛ.

2 Samɩɛl 7:8

Lɛ so, tɩ yel à ŋá ƴãw pʋɔ kʋ̀ a ɩ̃ tõ-tõ-bie Daviir: à ŋá n'a a Sore, a Kpɛnʋ-za-sob, yere: “Mãa n'ʋ nyɔw fʋ a dʋn àrʋ zie, a dʋn pùorí, kɛ́ fʋ wa ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.

1 Samɩɛl 16:1

A Sore tɩ yel'ɩ a Samɩɛl à ŋá: «Debor'a fʋ na kõ a Sawul tɩ ta? Mãa zawr'ʋ na bɛr, ʋ bɛ cãà ɩ a Ɩsɩrayɛl nãà ɩ. De a fʋ ɩɩl, ɩ kãá paalɩ yi lo n a sɔ́r. Ɩ̃ tone fʋ nɩ Bɛtɩlɛm tẽw, Zese zie, bʋ̃ʋ n'ʋ vɛ̃, ɩ̃ nyɛ̃ nɩ a nãà ʋl na pɛlɩ a ɩ̃ pʋɔ a, a ʋ bidɛbr pʋɔ.»

1 Samɩɛl 15:28

Lɛ n'a a Samɩɛl tɩ yel ʋ: «À ŋá tɔr za n'a a Sore taw faa a Ɩsɩrayɛl naalʋ a fʋ zie a dɩ̃a. Ʋ de ʋ na kʋ̀ nɩ-yũo na sa fʋ a.

1 Samɩɛl 12:18

A Samɩɛl tɩ puor'ɩ a Sore, ʋ ɩ a saa tanɩ ɛ́ mĩ a ʋlɩ bibir nɛ. Lɛ n'a a Naaŋmɩn nɩ-bʋʋrɛ za tɩ zɔrɛ a Sore bɛ dɩ vuo ɩ, nɩ a Samɩɛl mɩ̀,

1 Samɩɛl 12:13

Ƴɛrɛŋa a, a nãà nyɩ na kaa ír a n'ɩ ŋan, a ʋl nyɩ na zɛlɩ a Sore kʋ̀ nyɩ a.

1 Samɩɛl 12:3

Mãa n'ɩ ŋan a Sore nɩ a nyɩ nãà niŋé, mãa wa tɛr sãwna a, nyɩɩm yel: ãa náab'ʋ ɩ̃ zu? Ãa bõw n'ʋ ɩ̃ zu? Ãa n'ʋ ɩ̃ nɛb? Ãa n'ʋ ɩ̃ dɔwrɩ? Ãa n'ʋ ɩ̃ sàw k'ʋ ŋmɛ m nʋɔr nɩ libie k'ɩ̃ɩ sɔwlɩ a ʋ sãwna? Lɛ wa n'a a, ɩ̃ na lɛb'a tɩr bom nɛ za ɩ̃ na de a.»

Ɩzayi 29:6

a Sore, a kpɛnʋ-za-sob wa a fʋ maalʋ ƴãw, saa tanʋ, tẽsɔw damnʋ, gɔmɛ na pàw kpɛ̃w kpɛ̃w za a, sɛsɛb-pɩl-kpɛ̃ɛ, saa nɩ sɛsɛb, nɩ vũu-zɛlɛ na dɩrɛ a pʋɔ.

Ezekɩɛl 29:21

A lɛn daar a, ɩ̃ na ɩ n a Ɩsɩrayɛl nɩbɛ lɛb kpɛmɛ dɔwlɩ. Ɛ́ a fʋ̃ʋ Ezekɩɛl, ɩ̃ na kʋ̀ b'ɩ a fãw kɛ́ fʋ ƴɛ̀r a bɛ zie. Lɛ n'a bɛ na bãw kɛ́ mãa n'ɩ a Sore.»

1 Samɩɛl 12:17

Mɛ̃ a ble cɛb daar taa n'ɩ à à ŋá? Ɛcɛ ɩ̃ na puor'ɩ a Sore, ʋʋ na ɩ na a saa tanɩ ɛ́ mĩ. Lɛ n'a nyɩ na nyɛ̃ a nyɩ sãwna na ɩ kpɛ̃ɛ sɛw lɛ a Sore zie a, a nyɩ nãà ŋa nyɩ na zɛlɩ a zũú.»

Sɛb-sõw yielu 20:7

Ƴɛrɛŋa a, ɩ̃ bãwnɩ a na, a Sore sõwne nɩ a ʋ nɩ-kabra, ʋ be n a ʋ zi-sõw pʋɔ a salom zu, ɛ́ sɔwr ʋ, a ʋ dʋrʋ nũu tone nɩ gãda-tome a ʋ faafʋ ƴãw.

Sɛb-sõw yielu 89:25

A ɩ̃ yel-mɩŋa nɩ a ɩ̃ nɔ̃wfʋ na be n a ʋ zie, ɛ́ mãa n'ʋ na so ʋ mɩ́ zɛw a zu.

Sɛb-sõw yielu 132:17

A Sɩyɔ̃ tẽw pʋɔ ka a, ɩ̃ na ɩ na nãà na tɛr kpɛnʋ a yi, ʋ yi a Daviir yir pʋɔ. Ɩ̃ na ɩ na a ɩ̃ nɩ-kabra lɩɛrɛ be a ʋ pʋɔ kʋralɛ, ɩ mɛ̃ fɩ̃tɩlɛ vũu na 'lere a.