1 Samɩɛl 19:5 - A SƐB-SÕW

⁵ Ʋ sàw nɩ a kũu, ɛ́ cen tɩ zɛb'ɩ a Filisɩtɛ̃ dɔɔ kʋ ʋ, a Sore ɩ a Ɩsɩrayɛl zɛb tʋ̃ɔ́, zɛb-tʋ̃ɔ́fʋ na ɩ zɛb-tʋ̃ɔ́fʋ a, a ʋlɩ bibir nɛ. Fʋ tɩ nyɛ̃ ʋ na nʋ̃ɔ̀ kpɛ b. Bʋ̃ʋ pãa so fʋ na maalɩ yel-bier, fʋ na na kʋ a Daviir, a ɩ nɩr na bɛ tɛr sãwna a n'ʋ fʋ kʋ ɛ́ a bɛ tɛr pɛr a?»

1 Samɩɛl 19:5 Referans Kwoze

1 Bibie za yel-manɩ 11:14

A Eleazaar nɩ a ʋ nɩbɛ tɩ cen nɩ a púo sɔwlɩsɔw tɩ zɛb de a púo, ɛ́ pɔb a Filisɩtɛ̃ mɩnɛ. À ŋá n'a a Sore tɩ ɩ a Ɩsɩrayɛl zɛb tʋ̃ɔ́ pẽlẽpẽlẽ.

1 Samɩɛl 11:13

Ɛcɛ a Sawul tɩ yel'a: «Nɩr bɛ kʋrɛ nɩr a bibir ŋa tɔ ɩ, bʋ̃ʋ n'ʋ vɛ̃, a dɩ̃a a, a Sore ɩ na a Ɩsɩrayɛl zɛb tʋ̃ɔ́.»

Matie 27:4

ɛ́ yel: «Ɩ̃ maal'ɩ yel-bier, ɩ̃ na nyɔw nɩr na bɛ sãw bom za a, kʋ̀ nyɩ a.» Ɛcɛ bɛ tɩ yel ʋ na: «A bɛ jɩ́rɛ tɩ ɛ! Fʋ yele n'a!»

1 Samɩɛl 20:32

A Zonatã tɩ sɔw nɩ a ʋ sãà: «Bʋ̃ʋ n'ʋ so a na fɛr k'ʋʋ kpi? Bʋ̃ʋ n'ʋ ʋ ɩ?»

Ƴɛ̀r-dɩrbɛ 9:17

A ɩ̃ sãà zɛb'ɩ a zɛbr a nyɩ ƴãw, ʋ cɛ nɩ blã nãá kpi, k'ʋʋ faa nyɩ a Madian tẽw dem nuru pʋɔ.

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

Sɛb-sõw yielu 119:109

A kũu mɩ́ jɩɛrɛ mɛ̃ nɩ kʋralɛ, ɛcɛ ɩ̃ bɛ yiire a fʋ wulu bɛrɛ ɩ.

1 Samɩɛl 28:21

A pɔw tɩ taw na ta pɩɛl'ʋ, ɛ́ nyɛ̃ lɛ a dɛ̃bɩ̃ɛ na tɩ nyɔw ʋ a. Ʋ tɩ yel ʋ na: «Nyɛ̃, ɩ̃ bɛr'a wo b. Ɩ̃ tɩ sàw nɩ a ɩ̃ kũu, ɛ́ ɩ a lɛ za fʋ na yel k'ɩ̃ɩ ɩ a.

Filib 2:30

ʋ na tɩ cɛ blã na kpi a Kɩrɩta tome ƴãw a. Ʋ sàw nɩ a kũu, k'ʋʋ lɩɛrɩ nyɩ tõ a tome nyɩɩm mɩŋa nãá kʋ̃ʋ tʋ̃ɔ́ tõ a ɩ̃ ƴãw a.

Zã 15:25

Ɛcɛ à á ŋá za ɩ na kɛ́ a ƴɛ̀r-bir ŋa na sɛb a bɛ Naaŋmɩn wulu sɛbɛ pʋɔ a tʋ̃ɔ́ tu: “Zawlalɛ n'a bɛ tɩ hɩ̃ɛn mɛ̃.”

Matie 27:24

A Pɩlatɩ na tɩ nyɛ̃ ʋ bàlɛ ʋ tʋɔra zawlalɛ, ɛcɛ a damnʋ nɩ̃ɛ lɛb tɩ bãw zuore a, ʋ tɩ de nɩ kʋ̃ɔ pɛ́w a ʋ nuru a nɩbɛ za niŋé ɛ́ yel: «Ɩ̃ za n'ɩ ŋa, ɩ̃ bɛ pʋɔ a nɩ-mɩŋa ŋa kũu yele pʋɔ ɩ. Nyɩ yele n'a.»

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

Sɛb-sõw yielu 69:4

Ɩ̃ ŋmɛ n a cɛlsɩ tɩ bàl, a kɔkɔr ko n ʋ za. Ɩ̃ piwr'ɩ a ɩ̃ Naaŋmɩn waa tɩ bàl.

1 Samɩɛl 14:45

Ɛcɛ a sojarɩ tɩ yel'ɩ a Sawul: «A Zonatã na ɩ a Ɩsɩrayɛl zɛb tʋ̃ɔ́ sɛw à ŋá a na kpi na ya a? Bɛlɛ! A Sore na vʋʋrɛ a bɛ wa n'ʋ a n'a! A Zonatã zukɔbr-been bɛ lore tẽw ɛ, bʋ̃ʋ n'ʋ vɛ̃, Naaŋmɩn n'ʋ sõw ʋ, ʋ ɩ à à ŋá a dɩ̃a bibir.» À ŋá n'a a zɛbr-nɩbɛ tɩ faa a Zonatã, ʋ bɛ kpi ɛ.

Ƴɛ̀r-dɩrbɛ 12:3

Ɩ̃ na tɩ nyɛ̃ nyɩ bɛ waar a ɩ̃ sõwfʋ a, ɩ̃ bãwnɩ nɩ a ɩ̃ kũu, ɛ́ cen tɩ zɛb'ɩ a Amɔ̃ tẽw dem, a Sore ƴãw bɛ a ɩ̃ nuru pʋɔ. Ɛ́ ƴɛrɛŋa a, bʋnʋ ƴãw n'a nyɩ zɛbr'ɩ mɛ̃?»

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

Sɛb-sõw yielu 25:3

Bɛlɩ dem na tɩɛrɛ fʋ a, a bɛ been bɛ nyɛrɛ vĩ ɛ. Ɛcɛ bɛ na nyɛ̃ nɩ vĩ, a bɛlɩ dem na mɩlɛ zawlalɛ a!

1 Samɩɛl 19:6

A Sawul tɩ bɛr'a wõ a Zonatã ƴɛ̀rʋ, ɛ́ pɔ yel: «A Sore na vʋʋrɛ a zũú, ʋ kʋ̃ kpi ɛ!»

1 Samɩɛl 22:14

A Ahimelɛkɩ tɩ sɔw nɩ a nãà: «A fʋ tõ-tõ-biir za pʋɔ a, kãw be n be fʋ de a ʋ yele man a Daviir i? Fʋ dɩɛm'ʋ, ʋʋ lɩɛb'ɩ a soja ʋl na gùre fʋ bɛ yire pùor a. A fʋ yir pʋɔ a, nɩr za ƴãwnɛ ʋ na.

2 Samɩɛl 23:10

ɛcɛ a Eleazaar tɩ ba n gbɛ́r, ɛ́ kʋ Filisɩtɛ̃ mɩnɛ lɛɛɛ a nũu tɩ bàl kpi mɛr a zɛbr-sɔ-kpɛ̃ɛ nyɔwfʋ zie. A Sore tɩ ɩ na a Ɩsɩrayɛl nɩbɛ zɛb tʋ̃ɔ́ pẽlẽpẽlẽ a ʋlɩ bibir nɛ. A sojarɩ tɩ lɩɛb'a wa a Eleazaar zie a pùorí, ɛ́ a ɩ a nɩbɛ na kpi a bome deb tɛwr ƴãw.

Sɛb-sõw yielu 94:21

Bɛ mɩ́ bɔbr'ɩ a nɩ-mɩn nyɔ-vʋʋrʋ íru, ɛ́ a nɩbɛ na bɛ sãw a, bɛ mɩ́ yel kɛ́ bɛ sãw na.

1 Bibie za yel-manɩ 11:18

Lɛ n'a a zɛbr-nɩbɛ ata bɛl tɩ cen tɩ ŋmʋr kpɛ a Filisɩtɛ̃ mɩnɛ laɩ pʋɔ, tɩ 'wɔ̃w a kʋ̃ɔ a sa-bie-kʋ̃ɔ-bɔw na be a Bɛtɩlɛm dɩ̃dɔr nʋɔr a pʋɔ, wa n wa kʋ̀ a Daviir. Ɛcɛ a Daviir tɩ zawr'ɩ a nyub. Ʋ tɩ cir a na bɛr tẽw, de a kʋ̀ a Sore,

Sɛb-sõw yielu 109:5

Bɛ mɩ́ maalɩ mɛ̃ nɩ faa yaa a vla san, ɛ́ tɛr'ɩ mɛ̃ dɔ̃ yaa a ɩ̃ nɔ̃wfʋ san.