1 Samɩɛl 19:23 - A SƐB-SÕW

²³ Ʋ tɩ cen a be. A sɔ́r zu a, a Naaŋmɩn Vʋʋrʋ mɩ̀ tɩ siw ʋ na, a naaŋmɩn-ƴɛ̀r-manbɛ ƴã-cɩrʋ mɩ̀ tɛr ʋ, ʋ cãà cere nɩ tɩ ta n a Arama tẽw Nayɔtɩ.

1 Samɩɛl 19:23 Referans Kwoze

Zʋkpaɩ 16:9

A nɩsaal mɩ́ tɩɛr'ɩ a lɛ ʋ na na ɩ a, ɛcɛ a Sore n'ʋ mɩ́ so à maalɩ.

1 Samɩɛl 10:10

A Sawul nɩ a ʋ tõ-tõ-bie na tɩ tarɛ a Givea a, bɛ tɩ tuor'ɩ naaŋmɩn-ƴɛ̀r-manbɛ. Lɛ n'a a Naaŋmɩn Vʋʋrʋ tɩ siw a ʋ zu, ɛ́ a naaŋmɩn-ƴɛ̀r-manɛ ƴã-cɩrʋ been nɛ nyɔw ʋ.

1 Samɩɛl 19:20

Lɛ n'a a Sawul lɛb tɩ tõ nɩbɛ kɛ́ bɛ tɩ nyɔw a Daviir. Bɛ tɩ nyɛ̃ nɩ naaŋmɩn-ƴɛ̀r-manbɛ bɛ ɓã taa a, ɛ́ a naaŋmɩn-ƴɛ̀r-manbɛ ƴã-cɩrʋ tɛr bɛ, ɛ́ a Samɩɛl de bɛ niwn. A Naaŋmɩn Vʋʋrʋ mɩ̀ tɩ siw nɩ a Sawul nɩbɛ zu, a naaŋmɩn-ƴɛ̀r-manbɛ ƴã-cɩrʋ mɩ̀ tɛr bɛ.

Sɔr-nɛ́ɛ 24:2

Ʋ tɩ dʋɔ nɩ a zu nyɛ̃ a Ɩsɩrayɛl nɩbɛ na be a bɛ laɩ pʋɔ dɔwlʋ dɔwlʋ a. Lɛ n'a a Naaŋmɩn Vʋʋrʋ tɩ siw ʋ,

1 Korɛ̃tɩ 13:2

Mãa saa páw a naaŋmɩn-ƴɛ̀r-manɛ maalʋ, bãw a Naaŋmɩn yel-sɔwlɩ za, ɛ́ mɩ́ zànɩ bom za bãw a, mãa saa tɛr a naaŋmɩn-sàw-deb ʋ za, a ʋl na na tʋ̃ɔ́ ɓáw a tan tɩ bin zi-yoru a, mãa bɛ wa tɛr a nɔ̃wfʋ a, ɩ̃ bɛ ɩ bom za ɩ.

Zã 11:51

Ʋlɛ bɛ tɩ n'ʋ nyɛ̃ ʋ tʋɔra ƴɛ̀r a ƴɛ̀r-bie á ŋá ɩ, ɛcɛ ʋ na tɩ ɩ bàwr-maal-kara a ʋlɩ yũon nɛ a n'a so ʋ ƴɛ̀r naaŋmɩn-ƴɛ̀r-manɛ ƴɛ̀rʋ, k'aa fɛr'a kɛ́ a Yeezu kpi a Zifʋ bʋʋrɛ ƴãw.

Matie 7:22

A ƴɛ̀rʋ-maalʋ bibir a, nɩ-yaga na yere nɩ a ɩ̃ zie: “Sore e, a fʋ yúor ƴãw bɛ tʋ̃ɔ́ n'a tɩ tɩ ƴɛ̀r naaŋmɩn-ƴɛ̀r-manbɛ ƴɛ̀rʋ ɛ? A fʋ yúor ƴãw bɛ tʋ̃ɔ́ n'a tɩ tɩ diw kɔ̃tɔmɛ ɩ? A fʋ yúor ƴãw bɛ tʋ̃ɔ́ n'a tɩ tɩ maalɩ nɔ-ɓãa-yele yaga ɩ?”

Zʋkpaɩ 21:1

A nãà socir ɩ na mɛ̃ kʋ̃ɔ na zɔrɛ a Sore nuru pʋɔ a. A Sore mɩ́ ɩ na ʋ cere be ʋ na bɔbr'a.

Sɔr-nɛ́ɛ 23:5

A Sore tɩ ƴãw nɩ a Balaam nʋɔrɩ́ a ƴɛ̀rʋ a na fɛr k'ʋʋ ƴɛ̀r a, ɛ́ ƴãw ʋ lɛb cen a Balakɩ zie.

1 Samɩɛl 10:6

Lɛ n'a a Sore Vʋʋrʋ na siw a fʋ zu, a naaŋmɩn-ƴɛ̀r-manɛ ƴã-cɩrʋ been nɛ mɩ̀ na tɛr fʋ na, ɛ́ fʋ na lɩɛb'ɩ nɩ-yũo.

1 Samɩɛl 10:12

A bɛ kãw tɩ yel'a ƴãw pʋɔ: «Ãa nɩ̃ɛ n'ɩ a bɛ sãà?» Alɛ so bɛ mɩ́ lɔb a zʋkpar kɛ́: «A Sawul mɩ̀ nɔ̃w lɩɛb'ɩ naaŋmɩn-ƴɛ̀r-manɛ bɩɩ?»

1 Samɩɛl 18:10

A bio daarɩ́ a, vʋʋr-faa kãw na yi a Naaŋmɩn zie a tɩ siw nɩ a Sawul, ʋ ɩrɛ yãya-ɩb a ʋ yir. A Daviir tɩ ŋmɩɛr'ɩ a ʋ korijom mɛ̃ a kʋralɛ a, ɛ́ a Sawul tɩ ƴãw a ʋ kafin a nũú.

1 Samɩɛl 19:18

A Daviir na tɩ zɔ cɩ̃ɛ à ŋá a, ʋ cen nɩ a Samɩɛl zie a Arama, tɩ manɩ a lɛ za a Sawul na tɩ ɩ ʋ a kʋ̀ ʋ. Ʋlɛ nɩ a Samɩɛl tɩ cen na tɩ kpɩɛr Nayɔtɩ.

1 Samɩɛl 19:22

Lɛ n'a a ʋl tɔr za tɩ ìr cere a Arama, tɩ ta Seku tẽw sa-bie-kʋ̃ɔ-bɔw kpɛ̃ɛ pɛr sowri: «Nyɩnɛ n'a a Samɩɛl nɩ a Daviir be?» A nɩbɛ sɔw: «Arama tẽw Nayɔtɩ n'a!»