1 Samɩɛl 19:18 - A SƐB-SÕW

¹⁸ A Daviir na tɩ zɔ cɩ̃ɛ à ŋá a, ʋ cen nɩ a Samɩɛl zie a Arama, tɩ manɩ a lɛ za a Sawul na tɩ ɩ ʋ a kʋ̀ ʋ. Ʋlɛ nɩ a Samɩɛl tɩ cen na tɩ kpɩɛr Nayɔtɩ.

1 Samɩɛl 19:18 Referans Kwoze

1 Samɩɛl 7:17

Al pùorí, ʋ mɩ́ tɩ lɛb'a wa a Arama, be na n'a a ʋ yir tɩ be a ƴãw. Be n'a ʋ tɩ dɩrɛ a ƴɛ̀rʋ kʋ̀rɛ a Ɩsɩrayɛl nɩbɛ, ɛ́ be n'a ʋ tɩ mɛ bàwr-maal-kuur a Sore ƴãw.

Zakɩ 5:16

A na ɩ lɛ a, nyɩ wore a nyɩ yel-bebe kʋ̀rɛ taa ɛ́ puore kʋ̀rɛ taa, kɛ́ nyɩ tʋ̃ɔ́ sanɩ. A nɩ-mɩŋa zɛlʋ puoru tɛr'ɩ fãw yaga.

Sɛb-sõw yielu 116:11

Ɩ̃ bɛ tɩ cãà bãw ŋmɩŋmɩn za n'a ɩ, ɛ́ tɩ yere: «A nɩsaalbɛ za ɩ n zir-ŋmarbɛ!»

1 Samɩɛl 28:3

A Samɩɛl na tɩ kpi a, a Ɩsɩrayɛl nɩbɛ za tɩ kõ n a ʋ kuor, ɛ́ ũù ʋ a ʋ tẽw Arama. A Sawul tɩ diw nɩ a kpɩmɛ sowru ɩ-ɩrɩ bɛr a ʋ naalʋ-tẽw pʋɔ.

1 Samɩɛl 15:34

A Samɩɛl tɩ lɛb'a cen a Arama, ɛ́ a Sawul lɛb kul a ʋ tẽw, a Givea.

1 Samɩɛl 19:19

Bɛ tɩ yel'a kʋ̀ a Sawul k'aa Daviir be n Arama tẽw Nayɔtɩ.

1 Samɩɛl 19:22

Lɛ n'a a ʋl tɔr za tɩ ìr cere a Arama, tɩ ta Seku tẽw sa-bie-kʋ̃ɔ-bɔw kpɛ̃ɛ pɛr sowri: «Nyɩnɛ n'a a Samɩɛl nɩ a Daviir be?» A nɩbɛ sɔw: «Arama tẽw Nayɔtɩ n'a!»

1 Samɩɛl 19:23

Ʋ tɩ cen a be. A sɔ́r zu a, a Naaŋmɩn Vʋʋrʋ mɩ̀ tɩ siw ʋ na, a naaŋmɩn-ƴɛ̀r-manbɛ ƴã-cɩrʋ mɩ̀ tɛr ʋ, ʋ cãà cere nɩ tɩ ta n a Arama tẽw Nayɔtɩ.

1 Samɩɛl 1:19

A bio daarɩ́ biɓaar-pipi, a Ɛlkana nɩ a ʋ yir dem tɩ cen na tɩ puori a Sore, ɛ́ lɛb kul a bɛ yir a Arama. A Ɛlkana tɩ páw nɩ a ʋ pɔw Ana, ɛ́ a Sore sàw de a Ana puoru.

1 Samɩɛl 20:1

A Daviir tɩ yi n a Arama tẽw Nayɔtɩ, wa páw a Zonatã sowr'ʋ: «Bʋ̃ʋ n'ʋ ɩ̃ ɩ, a ɩ̃ sãwna n'ɩ buor, bɩɩ bʋ̃ʋ yel-bier'ʋ ɩ̃ maalɩ a fʋ sãà zie, ʋ bɔbr a ɩ̃ kʋb?»

1 Samɩɛl 21:11

A ʋlɩ bibir tɔr za a, a Daviir tɩ cãà na lo a ʋ sɔ́r, zɔ zãá nɩ a Sawul. Ʋ tɩ ta n a Gatɩ tẽw nãà Akisɩ zie.