1 Samɩɛl 18:11 - A SƐB-SÕW

¹¹ Bɛ wa bere na ʋ zɛw a ʋ kafin ɛ́ yel: «Ɩ̃ na cɔ̀r ʋ na gbem'ɩ a dacin!» Ɛcɛ gb'a ayi za, a Daviir tɩ nɩɩr'a bɛr.

1 Samɩɛl 18:11 Referans Kwoze

1 Samɩɛl 20:33

A Sawul tɩ zɛw nɩ a kafin k'ʋʋ cɔr'ɩ ʋ. Lɛ n'a a Zonatã tɩ bãw k'aa ʋ sãà sɩrɩ na bɔbr a Daviir kʋb.

Ɩzayi 54:17

Zɛbr bom kãw za bɛ na maalɩ a fʋ ƴãw a, kʋ̃ tʋ̃ɔ́ ɩ b faa ɩ. Nɩr za nãà wa yere a fʋ sãwna a ƴɛ̀rʋ-dɩb zie a, fʋ na tʋ̃ɔ́ na ƴɛ̀r wul k'ʋʋ sãw na. A bom ɩ̃ na bin gùre nɩ a ɩ̃ tõ-tõ-biir a n'ɩ à ŋà, à ŋá n'a ɩ̃ wule a bɛ mɩnʋ, a Sore n'ʋ yere.»

Zã 10:39

A lɛ n'a bɛ lɛb tɩ maal bɔbr a ʋ nyɔwfʋ, ɛcɛ bɛ bɛ tɩ páw ʋ nyɔw ɛ.

Zã 8:59

A ka n'a bɛ tɩ wob kʋsɛbɛ kɛ́ bɛ lɔb'ɩ ʋ. Ɛcɛ ʋ tɩ sɔwl'a yi a Ŋmɩn-yir-kpɛ̃ɛ pʋɔ.

Luka 4:30

Ɛcɛ ʋ tɩ tɔl'ɩ a bɛ sɔgɔ yi cere.

Zʋkpaɩ 27:4

A po-to-fãw-ɩb kpɛ n faa bɛ dɩ vuo ɩ, a suur ɩ na mɛ̃ bàa na paalɩ kʋ̃ɔ yi nɛ́ɛ a, ɛcɛ ãa n'ʋ na tʋ̃ɔ́ bà gbɛ́r a nyuur niŋé?

Ebre 11:34

kpiiri vũu-bɛrɛ bɛrɛ bɛr, bɛ bɛ tɩ tʋ̃ɔ́ kpi a zɛbr-sɔ-kpɛ̃ɛ kũu ɛ. Bɛ tɩ lɛb'a nyɛ̃ fãw a bàalʋ pùorí, bɛ tɩ wul'ɩ a zɛbr zie kɛ́ bɛ ɩ n gãdaar, ɛ́ cã a dɔ̃ dem zɛbr-nɩbɛ bɛr bɛ lɛb.