1 Samɩɛl 16:4 - A SƐB-SÕW

⁴ A Samɩɛl tɩ ɩ n a lɛ a Sore na tɩ yel a, ɛ́ tɩ cen a Bɛtɩlɛm. Dɛ̃bɩ̃ɛ tɩ ɩrɛ nɩ a tẽw nɩ-kore bɛ zɔ tuor'ʋ sowr'ʋ: «Ɓaarʋ n'a fʋ wa a ka a?»

1 Samɩɛl 16:4 Referans Kwoze

1 Na-mɩnɛ 2:13

Bibir kãw, a Adonɩasɩ na ɩ a Daviir nɩ Agitɩ bidɛb a tɩ cen na tɩ páw a Salomɔ̃ mã Bɛtɩsabe. A Bɛtɩsabe tɩ sowr'ʋ na: «Ɓaarʋ n'a fʋ wa a ɩ̃ nyɛ b ɩ?» Ʋ sɔw: «Ʋ̃ʋ, ɓaarʋ n'a»,

Luka 5:8

A Sɩmʋ̃ Pɩɛr na tɩ nyɛ̃ a lɛ a, ʋ lo na gbĩ dume a Yeezu pile ɛ́ yel ʋ: «Sore e, taw zaa a ɩ̃ zie, ɩ̃ ɩ n yel-bier sob.»

2 Na-mɩnɛ 9:22

A Yoram na tɩ nyɛrɛ a Yehu wa báarɛ a, ʋ sowr'ʋ na: «Yehu u, ɓaarʋ n'a a?» A Yehu sɔw: «Bʋnʋ yaa? Ŋmɩŋmɩn n'a a na tʋ̃ɔ́ ɩ a ƴã-ɓaarʋ, ɛ́ a fʋ mã Zezabɛl cãà puore a ŋmɩn-yoru, ɛ́ tone a ʋ sɔ-tome?»

1 Samɩɛl 21:1

Lɛ n'a a Daviir tɩ tɔl cen, ɛ́ a Zonatã lɛb kpɛ a tẽw pʋɔ.

1 Na-mɩnɛ 17:18

A ʋ mã tɩ yel'ɩ a Eli à ŋá: «Mãa nɩ fʋ̃ʋ mɩ̀ bʋnʋ, Naaŋmɩn nɩr i? Fʋ wa n a ɩ̃ zie, kɛ́ fʋ wa lɛb sɩ̃w a ɩ̃ sãwna tɩɛrʋ a Naaŋmɩn zie, ɛ́ ɩ a ɩ̃ bidɛb ʋ kpi bɩɩ?»

Luka 8:37

A lɛ n'a a Zerazenɩ̃ɛ mɩnɛ tẽw nɩbɛ za tɩ zɛlɛ a Yeezu k'ʋʋ yi zaa a bɛ tẽw pʋɔ, dɛ̃bɩ̃ɛ na tɩ ɩrɛ bɛ yaga a ƴãw. A Yeezu tɩ kpɛ n a gbor lɛb kule.

Luka 2:4

A Zuzɛb mɩ̀ tɩ yi n a Galile, Nazarɛtɩ tẽw pʋɔ, ɛ́ do a Zude, a Daviir tẽw ʋl pʋɔ bɛ na bʋɔlɛ kɛ́ Bɛtɩlɛm a, ʋ na tɩ ɩ a Daviir bʋʋrɛ nɩ a ʋ yir nɩr a ƴãw.

A naaŋmɩn-ƴèr-manɛ Oze sɛbɛ 11:10

A nɩbɛ bɛ na nyɔw cen nɩ a tẽ-yũo a, na cere na tuur a Sore na ùore mɛ̃ gbẽw a. Ʋlɛ wa ùori a, a ʋ bibiir na yi n a mʋ̃tɔ̃w-kpɛb-lowr, màwr zɔrɛ waar'ɩ.

A naaŋmɩn-ƴèr-manɛ Oze sɛbɛ 6:5

Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ, a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ. Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.

2 Samɩɛl 6:9

A ʋlɩ bibir nɛ a, a Daviir tɩ zɔ n a Sore dɛ̃bɩ̃ɛ ɛ́ yel à ŋá: «Ɩ̃ kʋ̃ tʋ̃ɔ́ de a Sore wõ-taa daga a ɩ̃ yir ɛ!»

Yele-za-pɛr-tib 48:7

Ɩ̃ na tɩ yi a Mezopotami lɛb waar a, ɩ̃ tɩ cɛ nɩ blã na ta a Efarata, a Kanãa tẽw, ɛ́ a fʋ mã Arasɛl kpi a ɩ̃ nuru pʋɔ a sɔ́r zu. A be n'a ɩ̃ ũù ʋ a sɔ́r nʋɔr, a Efarata, bɛ na bʋɔlɛ ƴɛrɛŋa Bɛtɩlɛm a.»

Yele-za-pɛr-tib 35:19

A Arasɛl tɩ kpi na bɛ ũù ʋ a Efarata sɔ́r nʋɔr, a pɛr lɛ k'aa Bɛtɩlɛm.