1 Samɩɛl 16:15 - A SƐB-SÕW

¹⁵ A Sawul tõ-tõ-biir tɩ yel ʋ na: «Tɩ nyɛ̃ a na, vʋʋr-faa kãw yi n a Naaŋmɩn zie wa damnɛ fʋ.

1 Samɩɛl 16:15 Referans Kwoze

1 Samɩɛl 16:14

A Sore vʋʋrʋ tɩ yi na ɛ́ bɛr a Sawul, ɛ́ vʋʋr-faa kãw yi a Sore zie wa damnɛ ʋ.

1 Samɩɛl 16:16

Tɩɩm n'ɩ bɛ ŋan, yel ʋlɩ bom nɛ fʋ na bɔbr a, tɩ na ɩ na. Tɩ na bɔ n nɩr na bãw korijom ŋmɛb a wa n. A vʋʋr-faa na yi a Naaŋmɩn zie a mɩ́ wa damnɛ fʋ a, ʋ na mɩ́ ŋmɛ n a korijom a ɓaalɩ fʋ.»

Ƴɛ̀r-dɩrbɛ 9:23

Al pùorí, a Naaŋmɩn tɩ ƴãw nɩ bʋ́r-taa yã a Abimelɛkɩ nɩ a Sɩsɛm ziir dem cara pʋɔ. A Sɩsɛm ziir dem bɛ tɩ cãà tu a Abimelɛkɩ ɛ.

1 Samɩɛl 16:1

A Sore tɩ yel'ɩ a Samɩɛl à ŋá: «Debor'a fʋ na kõ a Sawul tɩ ta? Mãa zawr'ʋ na bɛr, ʋ bɛ cãà ɩ a Ɩsɩrayɛl nãà ɩ. De a fʋ ɩɩl, ɩ kãá paalɩ yi lo n a sɔ́r. Ɩ̃ tone fʋ nɩ Bɛtɩlɛm tẽw, Zese zie, bʋ̃ʋ n'ʋ vɛ̃, ɩ̃ nyɛ̃ nɩ a nãà ʋl na pɛlɩ a ɩ̃ pʋɔ a, a ʋ bidɛbr pʋɔ.»

1 Samɩɛl 18:10

A bio daarɩ́ a, vʋʋr-faa kãw na yi a Naaŋmɩn zie a tɩ siw nɩ a Sawul, ʋ ɩrɛ yãya-ɩb a ʋ yir. A Daviir tɩ ŋmɩɛr'ɩ a ʋ korijom mɛ̃ a kʋralɛ a, ɛ́ a Sawul tɩ ƴãw a ʋ kafin a nũú.

1 Samɩɛl 19:9

Bibir kãw, vʋʋr-faa kãw na yi a Sore zie a tɩ siw nɩ a Sawul. Ʋ tɩ ƴãw nɩ a ʋ kafin a nũú zɩ̃ nɩ a ʋ yir, ɛ́ a Daviir tɩ ŋmɩɛr a korijom.