1 Samɩɛl 16:13 - A SƐB-SÕW

¹³ A Samɩɛl tɩ de nɩ a kãá nɩ a ɩɩl cir ƴãw Daviir zũú, a ʋ yɛbr sɔgɔ, ɛ́ a Sore vʋʋrʋ tɩ siw ʋ, ɛ́ tĩ a ʋlɩ bibir nɛ ɛ́ be a ʋ zie. A Samɩɛl tɩ ìr'a lɛb lo a sɔ́r kul a Arama.

1 Samɩɛl 16:13 Referans Kwoze

1 Samɩɛl 10:6

Lɛ n'a a Sore Vʋʋrʋ na siw a fʋ zu, a naaŋmɩn-ƴɛ̀r-manɛ ƴã-cɩrʋ been nɛ mɩ̀ na tɛr fʋ na, ɛ́ fʋ na lɩɛb'ɩ nɩ-yũo.

Ebre 1:9

Fʋ nɔnɛ nɩ a mɩnʋ ɛ́ hɩ̃ɛn a faalʋ, alɛ so a Naaŋmɩn, a fʋ Naaŋmɩn, cir a cɩlʋ kãá ƴãw a fʋ zũú kaa ír'ɩ fʋ a ʋ ƴãw, ɛ́ bɛr a fʋ taabɛ.»

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

1 Samɩɛl 10:1

A Samɩɛl tɩ de nɩ a kãá nɩ a kole ʋ na tɩ tɛr a, cir ƴãw a Sawul zũú, ɛ́ nyɔw ʋ weri ɛ́ yel: «A Sore tɔr za bɛ n'ʋ ka a nũu ƴãw fʋ, kɛ́ fʋ ɩ a ʋ nɩ-bʋʋrɛ nɩ-kpɛ̃ɛ ɩ?

Ƴɛ̀r-dɩrbɛ 11:29

A Sore Vʋʋrʋ tɩ siw nɩ a Zɛfɩte. Ʋ tɩ tu na tɔl a Galaadɩ tẽw vuo pʋɔ, nɩ a Manase tẽw pʋɔ. Al pùorí, ʋ cen a Galaadɩ tẽw Misɩpe, ɛ́ tɩ yi a be kpɛ a Amɔ̃ tẽw.

Ƴɛ̀r-dɩrbɛ 3:10

A Sore Vʋʋrʋ tɩ siw nɩ a ʋ zu, ʋ ɩ a Ɩsɩrayɛl nɩbɛ ƴɛ̀r-dɩrɛ. Ʋ tɩ yi n a zɛbr, a Sore ɩ ʋ zɛb tʋ̃ɔ́ a Mezopotami nãà Kusan-Iriseatayim.

Sɔr-nɛ́ɛ 27:18

A Sore tɩ sɔw nɩ a Moyiir à ŋá: «De Nun bidɛb, Zozue, a ɩ̃ vʋʋrʋ be n a ʋ zie. Ír a fʋ nũu dɔwlɩ a ʋ zu.

1 Samɩɛl 16:18

A tõ-tõ-bie kãw tɩ yel'a: «Ɩ̃ bãw nɩ nɩr kãw na ŋmɩɛr a, Bɛtɩlɛm tẽw Zese bidɛb'ʋ. Ʋ ŋmɩɛr'ɩ vla, nɩr'ʋ, ɛ́ ɩ soja-vla. Ʋ bãw nɩ ƴɛ̀rʋ vla vla, ɛ́ pɔl. Ɛ́ lɛb waar, a Sore be n a ʋ zie.»

2 Na-mɩnɛ 9:6

A Yehu tɩ ìr'a, tɛr ʋ kpɛ n a yir pʋɔ. A naaŋmɩn-ƴɛ̀r-manɛ tɩ cir'ɩ a kãá ƴãw ʋ a zũú, ɛ́ yel: «À ŋá n'a a Sore, a Ɩsɩrayɛl Naaŋmɩn, yere: “Ɩ̃ cire nɩ a kãá ƴãwn fʋ, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nãà.

1 Samɩɛl 11:6

A Sawul na wa wõ a ƴɛ̀r-bie á ŋá a, a Naaŋmɩn Vʋʋrʋ tɩ siw nɩ a ʋ zu daadaalɛ, ɛ́ suur ír ʋ bɛ dɩ vuo ɩ.

Ƴɛ̀r-dɩrbɛ 14:6

A Sore Vʋʋrʋ tɩ siw nɩ a Samsɔ̃, ʋ nyɔw a gbẽw taw ɓɛl ziir ayi nɩ nũ-zawlɛ, mɛ̃ lɛ bɛ na mɩ́ taw bʋle ɓɛl a. Ɛcɛ ʋ bɛ tɩ manɩ a yel ŋa kʋ̀ a ʋ sãà nɩ a ʋ mã ɩ.

Ƴɛ̀r-dɩrbɛ 13:25

A Dan laɩ na be a Sorea nɩ a Ɛsɩtaɔl cara pʋɔ a n'a a Sore Vʋʋrʋ tɩ tĩ damnɛ a Samsɔ̃.

Sɔr-nɛ́ɛ 11:17

Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Nɩ-toni 13:22

A Naaŋmɩn na wa zawrɩ a Sawul bɛr a, ʋ ír'ɩ Daviir kʋ̀ bɛ ʋ ɩ a bɛ nãà, ʋʋ dɩ a ʋ dãsɩɛ yel: “Ɩ̃ nyɛ̃ nɩ a Zese bidɛb Daviir, a ɩ̃ yã nɩr'ʋ, ʋ na maal'ɩ a ɩ̃ pʋ-tɩɛrʋ za.”

Ebre 11:32

Bʋ̃ʋ n'ʋ ɩ̃ na lɛb yel? Vuo bɛ ka be ɩ̃ na ƴɛ̀r a Zedeɔ̃, Barakɩ, Samsɔ̃, Zɛfɩte, Daviir, Samɩɛl nɩ a naaŋmɩn-ƴɛ̀r-manbɛ ƴɛ̀rʋ ɛ.

1 Samɩɛl 2:35

Al pùorí, ɩ̃ na kaa na ír bàwr-maalɛ na bɛ lɛbr pùor a, a ɩ̃ ƴãw. Ʋ na ɩrɛ nɩ lɛ za ɩ̃ na bɔbr a. Ɩ̃ na kʋ̀ ʋ nɩ nɩbɛ na ɩrɛ bàwr-maalbɛ lɩɛrɛ taa bɛ tɛr bɛ́rʋ a, bɛ pɩɛlɩ a ɩ̃ nɩ-kabra.

1 Samɩɛl 18:12

A Sawul tɩ zɔ n a Daviir dɛ̃bɩ̃ɛ, bʋ̃ʋ n'ʋ vɛ̃, ʋ tɩ nyɛ̃ na k'aa Sore bɛr ʋ na, ɛ́ be a Daviir zie.

2 Samɩɛl 2:4

Lɛ n'a a Zuda nɩbɛ tɩ wa a Ebrɔ̃ be, wa cir a kãá ƴãw a Daviir zũú, ʋ ɩ a Zuda tẽw nãà. Bɛ na tɩ yel kʋ̀ a Daviir kɛ́ a Yavɛsɩ tẽw na be a Galaadɩ a nɩbɛ nɛbɛ ũù a Sawul a,

2 Samɩɛl 5:3

A Ɩsɩrayɛl nɩbɛ nɩ-kore za tɩ cen na tɩ páw a nãà a Ebrɔ̃. A Daviir tɩ maal'ɩ bɛ nɩ wõ-taa a be, a Sore niŋé, ɛ́ bɛ cir a kãá ƴãw ʋ, ʋ ɩ a Ɩsɩrayɛl nãà.

2 Samɩɛl 12:7

A Natan tɩ yel'ɩ a Daviir: «Fʋ̃ʋ tɔr za n'ɩ a nɩr ŋa! Nyɛ̃ a ʋlɩ bom nɛ a Sore, a Ɩsɩrayɛl Naaŋmɩn, na yere kʋ̀rɛ fʋ a: “Mãa n'ʋ cir a kãá ƴãw fʋ, fʋ ɩ a Ɩsɩrayɛl nãà. Mãa n'ʋ faa fʋ a Sawul nuru pʋɔ.

2 Samɩɛl 23:1

Nyɛ̃ a Daviir ƴɛ̀r-pɛ-baara: Nyɩ bɛrɛ wone a Zese bidɛb Daviir ƴɛ̀rʋ, a nɩr nɛ bɛ na zɛw ʋ do saa bɛ dɩ vuo a ƴɛ̀rʋ, a Zakɔb Naaŋmɩn nɩ-kabra, nɩ a sob ʋl a Ɩsɩrayɛl nɩbɛ na nɔnɛ a bɛ yielu pʋɔ a:

Sɛb-sõw yielu 89:20

Fʋ tɩ wul'ɩ fʋ tʋɔra bibir kãw a fʋ bárɩ zie, ɛ́ ƴɛ̀r à ŋá a bɛ zie: «Ɩ̃ sõw nɩ gãdaa kãw, ɩ̃ dáa nɩ a ɩ̃ nɩ-bʋʋrɛ pɔlbile kãw ƴãw niŋé.

1 Samɩɛl 1:19

A bio daarɩ́ biɓaar-pipi, a Ɛlkana nɩ a ʋ yir dem tɩ cen na tɩ puori a Sore, ɛ́ lɛb kul a bɛ yir a Arama. A Ɛlkana tɩ páw nɩ a ʋ pɔw Ana, ɛ́ a Sore sàw de a Ana puoru.

1 Bibie za yel-manɩ 11:3

A Ɩsɩrayɛl nɩbɛ nɩ-kore tɩ wa na wa páw a nãà Daviir a Ebrɔ̃, ɛ́ a Daviir tɩ maal'ɩ bɛ nɩ wõ-taa a Ebrɔ̃ be, a Sore niŋé. Bɛ tɩ cir'ɩ a kãá ƴãw a Daviir ʋ ɩ a Ɩsɩrayɛl nãà, a tu a lɛ a Sore na tɩ ƴãw a Samɩɛl yel a.

Sɛb-sõw yielu 89:21

Ɩ̃ nyɛ̃ nɩ a ɩ̃ tõ-tõ-bie Daviir, ɩ̃ cir'ɩ a ɩ̃ kãá-sõw ƴãw a ʋ zũú.