Biblia Todo Logo
Bib sou entènèt

- Piblisite -




1 Samɩɛl 16:1 - A SƐB-SÕW

1 A Sore tɩ yel'ɩ a Samɩɛl à ŋá: «Debor'a fʋ na kõ a Sawul tɩ ta? Mãa zawr'ʋ na bɛr, ʋ bɛ cãà ɩ a Ɩsɩrayɛl nãà ɩ. De a fʋ ɩɩl, ɩ kãá paalɩ yi lo n a sɔ́r. Ɩ̃ tone fʋ nɩ Bɛtɩlɛm tẽw, Zese zie, bʋ̃ʋ n'ʋ vɛ̃, ɩ̃ nyɛ̃ nɩ a nãà ʋl na pɛlɩ a ɩ̃ pʋɔ a, a ʋ bidɛbr pʋɔ.»

Gade chapit la Kopi




1 Samɩɛl 16:1
34 Referans Kwoze  

Bibir kãw, a naaŋmɩn-ƴɛ̀r-manɛ Elize tɩ bʋɔl'ɩ pɔlbile kãw, a naaŋmɩn-ƴɛ̀r-manbɛ lãw kãw pʋɔ, wa yel ʋ: «Cɔbrɩ fʋ tʋɔra a sɔ́r loba ƴãw. De a kãá nɩ a kole ŋa, cen nɩ Aramɔtɩ tẽw na be Galaadɩ a.


A nʋɔr-zawrʋ ɩ n yel-bier-faa sɛw a bàwr bʋwfʋ, ɛ́ a kpãa-tobr ɩ faa sɛw a tɩbɛ maalʋ. Fʋ na faa zawrɩ na tu a Sore ƴɛ̀rʋ a, a Sore mɩ̀ zawrɩ fʋ na bɛr, fʋ bɛ cãà ɩ a nãà ɩ.»


A Samɩɛl bɛ lɛb tɩ nyɛ̃ a Sawul ɛ, ɛ́ tɩ ta a ʋ kũu daar. A Samɩɛl tɩ kone nɩ a Sawul ƴãw, bʋ̃ʋ n'ʋ vɛ̃, a Sore tɩ yere na kɛ́ ʋlɛ tɩ bãw kɛ́ lɛ a, ʋʋ kʋ̃ʋ tɩ ɩ a Sawul ɩ a Ɩsɩrayɛl nãà ɩ.


Ɩzayi mɩ̀ cãà na yere: «A Zese bʋʋrɛ nɩr na wa na, ʋ na ìr'a dɩrɛ naalʋ a nɩ-bʋʋr-yoru zu, ɛ́ bɛ na ƴãw nɩ a bɛ tɩɛrʋ a ʋ ƴãw.»


A Sawul tõ-tõ-biir tɩ yel ʋ na: «Tɩ nyɛ̃ a na, vʋʋr-faa kãw yi n a Naaŋmɩn zie wa damnɛ fʋ.


A Samɩɛl tɩ de nɩ a kãá nɩ a kole ʋ na tɩ tɛr a, cir ƴãw a Sawul zũú, ɛ́ nyɔw ʋ weri ɛ́ yel: «A Sore tɔr za bɛ n'ʋ ka a nũu ƴãw fʋ, kɛ́ fʋ ɩ a ʋ nɩ-bʋʋrɛ nɩ-kpɛ̃ɛ ɩ?


A Samɩɛl tɩ sɔw na: «Ɩ̃ kʋ̃ lɛb wa a fʋ zie ɩ, bʋ̃ʋ n'ʋ vɛ̃, fʋ zawr'a na tu a lɛ a Sore na yel a, a Sore mɩ̀ zawrɩ fʋ na bɛr, fʋ bɛ cãà ɩ a Ɩsɩrayɛl nãà ɩ.»


«Bio à ŋá tɔ-won, ɩ̃ na tõ n Bɛ̃zamɛ tẽw nɩr kãw a fʋ zie. Fʋ na ka n nũu ƴãw ʋ, ʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ, k'ʋʋ faa a ɩ̃ nɩ-bʋʋrɛ a Filisɩtɛ̃ mɩnɛ nuru pʋɔ. Bʋ̃ʋ n'ʋ vɛ̃, ɩ̃ nyɛ̃ nɩ lɛ a na ŋmɛ̃ a ɩ̃ nɩ-bʋʋrɛ a, ɛ́ a bɛ cɛl ta m'a.»


«Mãa tɩ bãw kɛ́ lɛ a, ɩ̃ kʋ̃ʋ tɩ ɩ a Sawul ʋ ɩ a nãà ɩ, bʋ̃ʋ n'ʋ vɛ̃, ʋ zawrɩ mɛ̃ na bɛr, ɛ́ bɛ tu a lɛ ɩ̃ na yel a ɩ.» A tɩ dam'ɩ a Samɩɛl, ɛ́ a tɩ̃ɩsɔw ɓil za ʋ zɛlɩ a Sore.


Bɛ bʋɔlɛ nɩ a nɩbɛ bɛ ŋa kɛ́: “Salm-pla bɛ na na lɔb bɛr a”, bʋ̃ʋ n'ʋ vɛ̃, a Sore lɔb bɛ na bɛr.


A Yehu tɩ ìr'a, tɛr ʋ kpɛ n a yir pʋɔ. A naaŋmɩn-ƴɛ̀r-manɛ tɩ cir'ɩ a kãá ƴãw ʋ a zũú, ɛ́ yel: «À ŋá n'a a Sore, a Ɩsɩrayɛl Naaŋmɩn, yere: “Ɩ̃ cire nɩ a kãá ƴãwn fʋ, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nãà.


Lɛ n'a, a vʋʋr-faa na yi a Naaŋmɩn zie a, na mɩ́ wa damnɛ a Sawul a, a Daviir mɩ́ tɩ de nɩ a korijom ŋmɩɛr. A mɩ́ tɩ ɓaal'ɩ a Sawul, ʋ lɛb nyɔw ʋ tʋɔra, ɛ́ a vʋʋr-faa mɩ́ tɩ yi ɛ́ bɛr ʋ.


A fʋ̃ʋ Zeremi a, taa zɛlɛ bom kãw za a nɩbɛ bɛ ŋa vla ƴãw ɛ, taa puore bɩɩ lɔbr nuru a bɛ ƴãw ɛ, taa wa dɩ tuo bàlɛ fʋ tʋɔra a ɩ̃ zie ɩ, bʋ̃ʋ n'ʋ vɛ̃, ɩ̃ kʋ̃ bɛr wo b ɛ.


Ɩ̃ tɩ ɩ na ʋ ɩ a ɩ̃ kpɛnʋ dãsɩɛ sob a nɩbɛ zie, ʋ ɩ nɩ-kpɛ̃ɛ dɩrɛ nɩ-kpɛ̃ɛnʋ nɩbɛ zu.


A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.


Fʋ na tɩ de nɩ a kãá nɩ a kole cir ƴãw a ʋ zũú, ɛ́ yel: À ŋá n'a a Sore yere: “Ɩ̃ cire nɩ a kãá ƴãwn fʋ, kɛ́ fʋ ɩ a Ɩsɩrayɛl tẽw nãà!” Al pùorí, yuo a pan ɛ́ yi zɔ fɔ̃w fɔ̃w.»


Nɩr wa nyɛ̃ a ʋ yɛb ʋ maalɛ yel-bier na bɛ kʋrɛ a, ʋ puore, ɛ́ Naaŋmɩn na kʋ̀ n nyɔ-vʋʋrʋ a ʋ yɛb, a yel-bier ʋl wa sɩrɩ bɛ kʋrɛ a. Ɛcɛ, yel-bier kãw be n be kʋrɛ. A ʋl ƴãw bɛ n'a ɩ̃ yel kɛ́ nyɩ puore ɩ.


A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!


Ɛ́ a fʋ̃ʋ Zeremi a, taa zɛlɛ bom kãw za a nɩbɛ bɛ ŋa ƴãw ɛ, taa ɩrɛ kɛ̀ puoru bɩɩ yãayãa zɛlʋ kãw za dúor waar a ɩ̃ zie a bɛ ƴãw ɛ. Bʋ̃ʋ n'ʋ vɛ̃, ɩ̃ kʋ̃ bɛr wõ bɛ a lɛn daar bɛ nãà wa be a bɛ kpɩɛrʋ pʋɔ ɛ́ bʋɔlɛ mɛ̃ a ɩ.»


Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.


Bʋ̃ʋ n'ʋ ɩ̃ na lɛb yel? Vuo bɛ ka be ɩ̃ na ƴɛ̀r a Zedeɔ̃, Barakɩ, Samsɔ̃, Zɛfɩte, Daviir, Samɩɛl nɩ a naaŋmɩn-ƴɛ̀r-manbɛ ƴɛ̀rʋ ɛ.


“Mãa n'ʋ ɩ a ɩ̃ nɩ-bʋʋrɛ Ɩsɩrayɛl ʋ yi a Eziptɩ tẽw. A ʋlɩ bibir nɛ wa tɔ a dɩ̃a a, ɩ̃ bɛ kaa ír tẽ-kpɛ̃ɛ kãw za, a Ɩsɩrayɛl tẽw tẽ-bɛrɛ za pʋɔ, kɛ́ bɛ ŋmãa Ŋmɩn-yir-kpɛ̃ɛ, ɩ̃ mɩ́ be a be ɩ. Ɛcɛ ɩ̃ kaa na ír fʋ, a fʋ̃ʋ Daviir, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.”


A Ɩsɩrayɛl nɩbɛ nɩ-kore tɩ wa na wa páw a nãà Daviir a Ebrɔ̃, ɛ́ a Daviir tɩ maal'ɩ bɛ nɩ wõ-taa a Ebrɔ̃ be, a Sore niŋé. Bɛ tɩ cir'ɩ a kãá ƴãw a Daviir ʋ ɩ a Ɩsɩrayɛl nãà, a tu a lɛ a Sore na tɩ ƴãw a Samɩɛl yel a.


Ɛcɛ mãa n'ʋ a Sore, a Ɩsɩrayɛl Naaŋmɩn, kaa ír a ɩ̃ sãà yir nɩbɛ za pʋɔ, k'ɩ̃ɩ ɩ nãà kʋralɛ a Ɩsɩrayɛl ƴãw. Zuda n'ʋ ʋ tɩ dãw kaa ír, ʋ ɩ a niw-diere, a pùorí, ʋ kaa ír a ɩ̃ sãà yir a Zuda dɔwlʋ pʋɔ, a pùorí, a ɩ̃ sãà bidɛbr pʋɔ, ʋ pɛlɩ pʋɔ kaa ír mɛ̃ ɩ̃ ɩ a Ɩsɩrayɛl za nãà.


Lɛ n'a ʋ tɩ man mɛ̃ à ŋá: «A nɩbɛ ayi bɛl bɛ na cir a kãá ƴãw a zũú, kɛ́ bɛ ɩ a tẽ-daa za Sore tõ-tõ-biir a nɛbɛ.»


A Daviir tɩ ɩ n Zese bidɛb, na ɩ Efarata dɔwlʋ nɩr, ɛ́ kpɩɛr Zuda tẽw Bɛtɩlɛm a. A Zese tɩ tɛr'ɩ bidɛbr ani. A Sawul daar a, a Zese tɩ ɩ n nɩ-yúor a nɩbɛ pʋɔ.


Swiv nou:

Piblisite


Piblisite