1 Samɩɛl 15:23 - A SƐB-SÕW

²³ A nʋɔr-zawrʋ ɩ n yel-bier-faa sɛw a bàwr bʋwfʋ, ɛ́ a kpãa-tobr ɩ faa sɛw a tɩbɛ maalʋ. Fʋ na faa zawrɩ na tu a Sore ƴɛ̀rʋ a, a Sore mɩ̀ zawrɩ fʋ na bɛr, fʋ bɛ cãà ɩ a nãà ɩ.»

1 Samɩɛl 15:23 Referans Kwoze

Zeremi 28:16

A lɛ pʋɔ a, à ŋá n'a a Sore yere: “Ɩ̃ na ír fʋ nɩ a tẽw zu. Fʋ na kpi n a yũona, fʋ na ƴɛ̀r ƴãw a nɩbɛ bɛ gáarɩ a Sore zie a ƴãw.”»

1 Samɩɛl 13:14

Ɛcɛ ƴɛrɛŋa a, a fʋ naalʋ-dɩb kʋ̃ cɛlɩ ɛ. A Sore bɔ n a ʋ tɩɛrʋ nɩr, ɩ ʋ ɩ a ʋ nɩ-bʋʋrɛ nãà, fʋ̃ʋ na bɛ sàw tu a lɛ a ʋ na tɩ yel kʋ̀ b a.»

Levitɩ mɩnɛ 20:6

«Nɩr wa sowre kpɩ̃ɩn, sowru bʋʋrɛ kãw za a, tɩbɛ maalʋ kãw n'a, ɩ̃ na ìr'ɩ a sob ƴãw, ír ʋ bɛr a Ɩsɩrayɛl bʋʋrɛ pʋɔ.»

Galasi 5:20

tɩbɛ maalʋ, sʋɔlʋ, dɔ̃, zɛb-taa, nyuur, suur, cier-taa, bɛ-wõ-taa, bʋ́r-taa,

Zeremi 29:32

A lɛ pʋɔ a, à ŋá n'a a mãa, a Sore, yere: ɩ̃ na ìr'ɩ a Semaya nɩ a ʋ bʋʋrɛ ƴãw. A ʋ yir nɩr kãw za kʋ̃ be a nyɩ sɔgɔ nyɛ̃ a vla ɩ̃ na na maalɩ a ɩ̃ nɩ-bʋʋrɛ a ɩ. Bʋ̃ʋ n'ʋ vɛ̃, a Semaya ɩ na ƴãw a ɩ̃ nɩbɛ gaarɩ a ɩ̃ zu. À à ŋá n'a a Sore yere.”»

2 Korɛ̃tɩ 6:16

Bʋ̃ʋ wõ-taa n'a na tʋ̃ɔ́ be a Naaŋmɩn yir nɩ a tɩbɛ cara pʋɔ? Bʋ̃ʋ n'ʋ vɛ̃, tɩmɛ nɛbɛ ɩ a Naaŋmɩn na vʋʋrɛ a yir, mɛ̃ a lɛ a Naaŋmɩn tɔr za na yel a: «Ɩ̃ na kpɩɛr'ɩ a bɛ pʋɔ, ɛ́ cere a bɛ sɔgɔ, ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩ-bʋʋrɛ.»

Sɛb-sõw yielu 107:11

bɛ na bɛ tɩ tu a lɛ a Naaŋmɩn na yel a ƴãw, bɛ na bɛ tɩ ŋmɛlɩ kaa a lɛ a Naaŋmɩn-na-do-saa-bɛ-pɩɛl-a na tɩɛrɩ a yele bin a.

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

Eziptɩ tẽw yib 22:18

«A fɛr'a kɛ́ bɛ kʋ nɩr na gã nɩ dʋ̃w a.»

Yele-za-pɛr-tib 31:34

Zɩ̃ k'aa Arasɛl tɩ de nɩ a tɩbɛ ƴãw nyɔ̃wmɛ kɔw pʋɔ ɛ́ do zɩ̃, ɛ́ a Labã bɔ a pɛn-sɛw ziir za bɛ nyɛ̃ bom ɛ.

Yele-za-pɛr-tib 31:19

A Labã tɩ cen na tɩ ŋmarɛ a ʋ píir kɔblʋ, ɛ́ a Arasɛl zu wob a sãà tɩbɛ.

A Zɔb sɛbɛ 34:37

Bʋ̃ʋ n'ʋ vɛ̃, ʋ gaarɛ na ƴãw pʋɔ a ʋ sãwna ƴãw, ʋ lɛb'a bãw zɛbr'ɩ a Naaŋmɩn bɛ dɩ vuo ɩ ƴãw tɩ bʋ́nɛ.»

Wulu-ayi-sob 9:7

Nyɩ cãà bãwnɩ a, ɛ́ taa yiire nyɩ na ɩ a Sore nyɩ Naaŋmɩn nyɛ̃ suur a wɛja-kpalɛ pʋɔ a ɩ. A ʋlɩ bibir nyɩ na dɛ yi a Eziptɩ, ɛ́ gù nyɩ wa tɩ ta a ka a, nyɩ ɩ n bɛ-wõ-ɩb a Sore zie.

Levitɩ mɩnɛ 20:27

«Dɛb bɩɩ pɔw wa sowre a kpɩmɛ a, a fɛr'a kɛ́ bɛ kʋ bɛ: bɛ na lɔb'ɩ bɛ nɩ kʋsɛbɛ kʋ. Bɛl yõ na so a bɛ kũu.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Ɩzayi 19:3

A Eziptɩ tẽw dem yã na yi na, ɩ̃ na dam'ɩ a yele bɛ na tɩ́ɛrɩ bin a nyaw taa. Lɛ n'a bɛ na sowre a bɛ tɩbɛ, a tɩtɩlbɛ nɩ a bàwr-bʋwrbɛ.

Ɩzayi 8:19

Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

1 Samɩɛl 16:1

A Sore tɩ yel'ɩ a Samɩɛl à ŋá: «Debor'a fʋ na kõ a Sawul tɩ ta? Mãa zawr'ʋ na bɛr, ʋ bɛ cãà ɩ a Ɩsɩrayɛl nãà ɩ. De a fʋ ɩɩl, ɩ kãá paalɩ yi lo n a sɔ́r. Ɩ̃ tone fʋ nɩ Bɛtɩlɛm tẽw, Zese zie, bʋ̃ʋ n'ʋ vɛ̃, ɩ̃ nyɛ̃ nɩ a nãà ʋl na pɛlɩ a ɩ̃ pʋɔ a, a ʋ bidɛbr pʋɔ.»

Wulu-ayi-sob 9:24

Ɩ̃ na dɛ bãw nyɩ a ʋlɩ bibir nɛ a n'a nyɩ ɩrɛ a bɛ-wõ-ɩb a Sore zie.

Sɔr-nɛ́ɛ 14:9

A na ɩ lɛ a, nyɩ ta zɛbr'ɩ a Sore ɩ. Nyɩ ta zɔrɛ a tẽw ŋa nɩbɛ ɩ: tɩ na tɩ sɔw nɩ bɛ nɩ nʋɔr. Bʋ̃ʋ n'ʋ vɛ̃, a bɛ ŋmɩmɛ na gùre bɛ a taw na yi kɛ́ bɛr bɛ. Ɛcɛ a Sore ʋl be n a tɩ zie. A na ɩ à ŋá a, nyɩ ta zɔrɛ bɛ ɩ!»

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.

Nɩ-toni 13:22

A Naaŋmɩn na wa zawrɩ a Sawul bɛr a, ʋ ír'ɩ Daviir kʋ̀ bɛ ʋ ɩ a bɛ nãà, ʋʋ dɩ a ʋ dãsɩɛ yel: “Ɩ̃ nyɛ̃ nɩ a Zese bidɛb Daviir, a ɩ̃ yã nɩr'ʋ, ʋ na maal'ɩ a ɩ̃ pʋ-tɩɛrʋ za.”

1 Samɩɛl 28:3

A Samɩɛl na tɩ kpi a, a Ɩsɩrayɛl nɩbɛ za tɩ kõ n a ʋ kuor, ɛ́ ũù ʋ a ʋ tẽw Arama. A Sawul tɩ diw nɩ a kpɩmɛ sowru ɩ-ɩrɩ bɛr a ʋ naalʋ-tẽw pʋɔ.

2 Samɩɛl 7:15

Ɛcɛ a ɩ̃ nɔ̃wfʋ bɛ be na baarɩ a ʋ zie, mɛ̃ a Sawul zie a ɩ, ʋl ɩ̃ na zawrɩ bɛr, ɛ́ de fʋ lɩɛr'ɩ a.

2 Samɩɛl 12:9

Bʋ̃ʋ n'ʋ so fʋ bɛ bʋɔlɩ mɛ̃ nɩr, ɩ a ʋlɩ bom nɛ na bɛ pɛlɩ a ɩ̃ pʋɔ a? Fʋ kʋ n a Hititɩ dɔɔ Uuri, fʋ ƴãw na a Amɔ̃ tẽw nɩbɛ cɔ̀r ʋ nɩ zɛbr-sɔ-kpɛ̃ɛ kʋ, ɛ́ fʋ de a ʋ pɔw, ʋ ɩ a fʋ pɔw.

1 Bibie za yel-manɩ 10:13

A Sawul na bɛ tɩ tu a Sore a n'a so ʋ na kpi a: ʋ bɛ tɩ tu a lɛ a Sore na yel a ɩ, ɛ́ cen tɩ páw nɩr na sowre a kpɩmɛ a ƴãw pʋɔ,

Zeremi 16:12

Ɛ́ a nyɩɩm a, nyɩ ɩrɛ nɩ faa zuo a nyɩ sãàkʋm-kore. Ŋa za mɩ́ tuur'ɩ a ʋ pʋ-tɩɛr-faa ɛ́ nɩ̃ɛ bɛr a ɩ̃ bɛr-wob.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

Zozue 22:15

Bɛ tɩ cen nɩ a Galaadɩ tẽw, a Urubɛn dɔwlʋ nɩbɛ, a Gadɩ dɔwlʋ nɩbɛ nɩ a Manase dɔwlʋ ŋmãa nɩbɛ zie, tɩ ƴɛ̀r a bɛ zie à ŋá:

A naaŋmɩn-ƴèr-manɛ Oze sɛbɛ 13:11

Lɛ n'a ɩ̃ tɩ kʋ̀ fʋ na-mɩnɛ nɩ suur, ɛ́ lɛb de bɛ a ɩ̃ su-yãyaar pʋɔ.