1 Samɩɛl 14:6 - A SƐB-SÕW

⁶ A Zonatã tɩ yel'ɩ a ʋ zɛbr bʋ̃-tɛrɛ: «Wa, tɩ cen tɩ ta a yɔ-ɓile dem bɛ ŋa zie. A mɩnɛ kãw, a Sore na sõw tɩ na. Yel-mɩŋa n'a, tɩ yãwmɛ na bɩɩ tɩ ɩ n pʋrɩlɛ a, a Sore na tʋ̃ɔ́ na ɩ tɩ zɛb tʋ̃ɔ́.»

1 Samɩɛl 14:6 Referans Kwoze

Matie 19:26

A Yeezu tɩ jɩ́r bɛ nɩ gbẽgbẽ ɛ́ yel: «A nɩsaalbɛ zie a, a kʋ̃ tʋ̃ɔ́ ɩ, ɛcɛ Naaŋmɩn zie a, bom za na tʋ̃ɔ́ na.»

Ʋrɔm 8:31

A na ɩ à ŋá a, tɩ na lɛb yel a kɛ́ bʋnʋ a yel ŋa ƴãw? A Naaŋmɩn wa kpɛ tɩ a, ãa n'ʋ na dɩ n tɩ ƴɛ̀rʋ?

Wulu-ayi-sob 32:30

Dɔ̃ sob been yõ na tʋ̃ɔ́ na diw Ɩsɩrayɛl nɩbɛ túr (1 000) bɛ zɔ ɔ? Dɔ̃ dem ayi na tʋ̃ɔ́ na diw Ɩsɩrayɛl nɩbɛ tùr-pie (10 000) bɛ zɔ ɔ? Ʋ̃ʋ, a na tʋ̃ɔ́ na ɩ a lɛ, a mãa Sore na ɩ a bɛ pì-kpɛ̃w a wa ƴãw bɛ a bɛ dɔmɛ nuru pʋɔ a.

2 Bibie za yel-manɩ 14:11

A Sore tɩ pɔb'ɩ a Etiopi nɩbɛ a Asa nɩ a Zuda niŋé, a Etiopi nɩbɛ lɩɛbɩ zɔ.

2 Samɩɛl 16:12

Kapaw a Sore na nyɛ̃ nɩ a ɩ̃ kpɩɛrʋ. Lɛ n'a ʋ na ɩ a ʋ ŋmɛ-ƴãw lɩɛbɩ maalʋ.»

Sofoni 2:3

Nyɩ bɔbr a Sore, nyɩɩm tẽw bãbàalbɛ za a, nyɩɩm na sàwr a ʋ nɛ-ƴãwnɩ a. Nyɩ bɔbr a mɩnʋ, nyɩ bɔbr a tʋɔra-siwru. Kapaw, nyɩ nãà cɩ̃ɛ nɩ a Sore suur ìru bibir.

Amɔsɩ 5:15

Nyɩ hɩ̃ɛn a faa, nyɩ nɔnɛ a vla, nyɩ ɩ a yel-na-tu-sɔr-a lɛb be a ƴɛ̀rʋ-dɩb zie, a mɩnɛ kãw, a Sore, a Naaŋmɩn kpɛnʋ-za-sob, nãà zɔ n a Zuzɛb bʋʋrɛ bɛl na cɛ a nɩbaalʋ.

Zeremi 9:23

Nɩr wa bɔbr k'ʋʋ pɔrɛ a, ʋ pɔrɛ ʋ na tɛr yã a sɛw ʋ na tʋ̃ɔ́ bãw mɛ̃ a. Bʋ̃ʋ n'ʋ vɛ̃, a mãa, a Sore a, ɩ̃ tone na k'ɩ̃ɩ ƴãw a nɔ̃wfʋ, a lɛ-na-tu-sɔr-a nɩ a mɩnʋ a tẽw zu. Sɩza, à á ŋá n'a mɩ́ pɛlɩ a ɩ̃ pʋɔ.» A Sore n'ʋ yel.

2 Na-mɩnɛ 19:4

A Asiiri tẽw nãà tõ n a ʋ sojarɩ nɩ-kpɛ̃ɛ na mɩ́ be a ʋ zie a, k'ʋʋ wa tʋ a Naaŋmɩn na vʋʋrɛ a. A Sore fʋ Naaŋmɩn nãá wõ a zʋmɛ á ŋá za, ɛ́ dɔwrɩ ʋ a ƴɛ̀rʋ ʋ na ƴɛ̀r a ƴãw! Fʋ̃ʋ a, puori a Sore a ʋ nɩ-bʋʋrɛ na cɛ a ƴãw.»

2 Samɩɛl 1:20

Nyɩ ta mʋɔlɩ a yel ŋa a Gatɩ tẽw pʋɔ ɩ, nyɩ ta ɩ ʋ yi a Asɩkalon tẽw sɛ́ɛ pʋɔ ɩ. A Filisɩtɛ̃ pɔwbɛ taa cɩlɛ ɩ, a yɔ-ɓile dem bɛ ŋa pɔwyaar taa cɩlɛ ƴawr'ɩ ɛ.

1 Samɩɛl 17:36

A fʋ tõ-tõ-bie kʋ n gben ɛ́ kʋ ursɩrɩ. A Filisɩtɛ̃, yɔ-ɓil sob ŋa, na ɩ na mɛ̃ a dʋn á ŋá kãw a, bʋ̃ʋ n'ʋ vɛ̃, ʋ tʋ n a Naaŋmɩn na vʋʋrɛ a zɛbr-nɩbɛ.

1 Samɩɛl 17:26

A Daviir tɩ sowr'ɩ a nɩbɛ na tɩ àr pɩɛl'ʋ a: «A sob nɛ na na zɛb tʋ̃ɔ́ a Filisɩtɛ̃ dɔɔ ŋa, ɩ a Ɩsɩrayɛl vĩ baarɩ a, bʋ̃ʋ n'ʋ ʋ na páw? Ãa nɩ̃ɛ n'ɩ a Filisɩtɛ̃ yɔ-ɓil sob ŋa na sàw tʋʋr a Naaŋmɩn na vʋʋrɛ a zɛbr-nɩbɛ a?»

Ƴɛ̀r-dɩrbɛ 15:18

Kʋ̃ɔ-nyúur na tɩ faar na kʋ ʋ a, a Samsɔ̃ tɩ bʋɔl'ɩ a Sore yel à ŋá: «Naaŋmɩn i, fʋ̃ʋ n'ʋ ɩ ɩ̃ zɛb tʋ̃ɔ́ a nɩbɛ bɛ ŋa sɛw à à ŋá. Ƴɛrɛŋa a, ɩ̃ na kpi n kʋ̃ɔ-nyúur, ɛ́ lo a yɔ-ɓile bɛ ŋa nuru pʋɔ bɩɩ?»

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

1 Samɩɛl 14:5

A pìir nyɩɩm kãw tɩ àr'ɩ a saa-pɛrɩ́-gʋba-lowr tori a Mikɩmasɩ, ɛ́ a kãw àr a saa-pɛrɩ́-dʋrʋ-lowr tori a Geva.

1 Samɩɛl 14:7

A ʋ zɛbr bʋ̃-tɛrɛ tɩ yel ʋ na: «Ɩrɛ lɛ za na pɛlɩ a fʋ pʋɔ a. Ɩ tɩ cen, ɩ̃ tuur fʋ na mɛ̃ a fʋ dasule a.»

1 Samɩɛl 17:46

A dɩ̃a tɔr za a, a Sore na ƴãw fʋ nɩ a ɩ̃ nuru pʋɔ, ɩ̃ na ŋmɛ b'a kʋ, ɛ́ cɛ b a zu ŋmãa. A dɩ̃a tɔr za a, ɩ̃ na ɩ na a Filisɩtɛ̃ zɛbr-nɩbɛ lɩɛbɩ saa-zu lili nɩ wɛ-dʋn dɩb. Lɛ n'a a tẽw za na bãw k'aa Ɩsɩrayɛl tɛr'ɩ Naaŋmɩn.

1 Samɩɛl 17:47

Ɛ́ a nɩbɛ za na be a ka a na bãw na kɛ́ zɛbr-sɔ-kpɛ̃ɛ nɩ kafin bɛ n'a a Sore mɩ́ ɩ n bɛ zɛb tʋ̃ɔ́ ɩ, ɛcɛ a Sore n'ʋ so a zɛbr ŋa, ʋʋ de nyɩ na ƴãw a tɩ nuru pʋɔ.»

1 Samɩɛl 31:4

Lɛ n'a ʋ tɩ yel a ʋ zɛbr bʋ̃-tɛrɛ: «Vʋ̃ɔ a fʋ zɛbr-sɔ-kpɛ̃ɛ cɔr'ɩ mɛ̃ kʋ, a yɔ-ɓile dem bɛ ŋa taa wa kʋrɛ mɛ̃ a bɛl mɩŋa, ɛ́ ɩrɛ mɛ̃ laar ɛ.» Ɛcɛ a ʋ zɛbr bʋ̃-tɛrɛ tɩ zawr'a, dɛ̃bɩ̃ɛ na tɩ ɩrɛ ʋ yaga za a ƴãw. Lɛ n'a a Sawul tɩ lɩɛbɩ a ʋ zɛbr-sɔ-kpɛ̃ɛ bà tul ɛ́ lo a ʋ zu.

Sɛb-sõw yielu 135:6

A Sore maalɛ nɩ bom nɛ za ʋ na bɔbr a, a salom zu nɩ a tẽw zu, a kʋ̃ɔ-bɛrɛ pʋɔ nɩ a kʋ̃ɔ-zulsɩ pʋɔ.

Zeremi 9:25

a Eziptɩ, a Zuda, a Edɔm, a Amɔ̃ nɩ a Mowab ten dem ƴãw, nɩ a bɛlɩ dem na mɩ́ põ a bɛ tacɩ-kɔblʋ ɛ́ kpɩɛr a wɛja-kpalɛ pʋɔ a ƴãw. Bʋ̃ʋ n'ʋ vɛ̃, a nɩ-bʋʋrɛ bɛ ŋa bɛ sɩrɩ ŋma a yɛɛ sɩza ɩ, ɛ́ a Ɩsɩrayɛl tẽw nɩbɛ tɛɛ za bɛ ŋma a yɛɛ a Sore ƴãw ɛ.

Sɔr-nɛ́ɛ 10:32

Fʋ̃ʋ wa páw tɩ cen a, tɩ na tɩ ɩ na fʋ pʋɔ a maalʋ a Sore na na kʋ̀ tɩ a pʋɔ.»

Sɔr-nɛ́ɛ 31:4

Nyɩ kaa ír nɩbɛ túr (1 000) dɔwlʋ za pʋɔ, a al ƴãw.»

Zozue 14:12

A na ɩ à ŋá a, kʋ̀ m a tãw vuo ŋa, a Sore na tɩ ƴɛ̀r a ƴɛ̀rʋ a ʋlɩ bibir nɛ a, bʋ̃ʋ n'ʋ vɛ̃, fʋ mɩŋa za tɩ wõ n a ʋlɩ bibir nɛ, kɛ́ Anakɩ bʋʋrɛ nɛbɛ be a be, kpɩɛr tẽ-bɛrɛ nɩ tẽ-kpɛn kpɛn pʋɔ. A mɩnɛ kãw, a Sore na be n a ɩ̃ zie, ɩ̃ɩ na zɛb'a de a, mɛ̃ a lɛ a Sore na tɩ yel kʋ̀ m a.»

2 Bibie za yel-manɩ 14:10

A Asa tɩ kõ na bʋɔlɩ a Sore ʋ Naaŋmɩn k'ʋʋ wa sõw ʋ. Ʋ tɩ yel'a: «Sore e, fʋ̃ʋ yõ n'ʋ na tʋ̃ɔ́ sõw a fãw sob ɛ́ sõw a bãbàal. A na ɩ à ŋá a, wa sõw tɩ, Sore tɩ Naaŋmɩn i, fʋ̃ʋ ƴãw n'a tɩ ɩrɛ ƴãwn, ɛ́ a fʋ yúor ƴãw n'a tɩ yi wa kɛ́ tɩ wa zɛb'ɩ a nɩ-yaga yaga bɛ ŋa. Sore e, fʋ̃ʋ n'ɩ a tɩ Naaŋmɩn, ta sàw a nɩsaal ciere nɩ fʋ ɛ!»