1 Samɩɛl 14:12 - A SƐB-SÕW

¹² Bɛ tɩ gbanɩ na bʋɔlɩ a Zonatã nɩ a ʋ zɛbr bʋ̃-tɛrɛ, yel bɛ: «Nyɩ do wa a tɩ zie tɩ wa manɩ yel kãw kʋ̀ nyɩ.» A Zonatã tɩ yel'ɩ a ʋ zɛbr bʋ̃-tɛrɛ: «Tu m tɩ do, a Sore de bɛ na ƴãw a Ɩsɩrayɛl nɩbɛ nuru pʋɔ.»

1 Samɩɛl 14:12 Referans Kwoze

2 Samɩɛl 5:24

Fʋ̃ʋ wa wone cenu na cere a mikokuliye tɩɩr nyʋɔrɩ́ a, fʋ̃ʋ paw fɔ̃w, bʋ̃ʋ n'ʋ vɛ̃, a lɛn daar'a ɩ̃ na de fʋ niwn, a Filisɩtɛ̃ mɩnɛ zɛbr-nɩbɛ zɛb-tʋ̃ɔ́fʋ ƴãw.»

2 Na-mɩnɛ 14:8

Lɛ n'a a Amazɩasɩ tɩ tõ nɩbɛ a Ɩsɩrayɛl tẽw nãà, Zowasɩ, na ɩ Yoakaazɩ bidɛb nɩ Yehu yãw a, zie. Ʋ tɩ ƴãw na kɛ́ bɛ yel ʋ à ŋá: «Wa, tɩ wa tuori taa zɛb!»

1 Samɩɛl 14:10

Ɛcɛ bɛlɛ wa yel tɩ: “Nyɩ do wa a tɩ zie” a, tɩ na do na, a na ɩ n a bãwfʋ k'aa Sore de bɛ na ƴãw a tɩ nuru pʋɔ.»

Ƴɛ̀r-dɩrbɛ 7:15

A Zedeɔ̃ na wa wõ a zánʋ ŋa nɩ a ʋ pɛr a, ʋ tɩ gbĩ n dume gũu tɩ tɔ tẽw, puori a Naaŋmɩn yãanɩ, al pùorí, ʋ lɛb cen a Ɩsɩrayɛl nɩbɛ laɩ pʋɔ tɩ ŋmɛ cɛl yel: «Nyɩ ìr, a Sore ƴãw nɩ a Madian tẽw dem laɩ a nyɩ nuru pʋɔ!»

Ƴɛ̀r-dɩrbɛ 4:14

A Debora tɩ yel'ɩ a Barakɩ: «Ìr lo a sɔ́r! A dɩ̃a n'a a Sore de a Sɩsera ƴãw a fʋ nuru pʋɔ! A Sore mɩŋa de fʋ nɩ niwn!» A Barakɩ tɩ yi n a Tabɔɔr tãw zu siw de niwn, ɛ́ a ʋ nɩbɛ tùr-pie (10 000) tuur ʋ.

Yele-za-pɛr-tib 24:48

Ɩ̃ tɩ gbĩ n dume a Sore niŋé. Ɩ̃ tɩ puor'ɩ a Sore, a ɩ̃ nɩ-kpɛ̃ɛ Abraham Naaŋmɩn, yãanɩ, ʋl na tu n mɛ̃ a sɔr-vla, k'ɩ̃ɩ tɩ tɛr a ɩ̃ nɩ-kpɛ̃ɛ yɛb pɔwyaa tɩ kʋ̀ a ʋ bidɛb a.

Yele-za-pɛr-tib 24:42

A dɩ̃a ɩ̃ na wa tarɛ a bule ŋa pɛr a, ɩ̃ puor'ɩ à ŋá: “Sore e, ɩ̃ nɩ-kpɛ̃ɛ Abraham Naaŋmɩn i, sàw ɩ a ɩ̃ sɔ́r ɩ̃ na lo a ʋ vɩɛl.

Ƴɛ̀r-dɩrbɛ 9:54

Daadaalɛ, a Abimelɛkɩ tɩ yel'ɩ a pɔlbile ʋl na tɛr a ʋ zɛbr bome a: «Vʋ̃ɔ a fʋ zɛbr-sɔ-kpɛ̃ɛ cɔr'ɩ mɛ̃ kʋ, bɛ taa yere kɛ́ pɔw n'ʋ kʋ m ɛ.» A pɔlbile tɩ cɔ̀r ʋ na col, ʋ kpi.

1 Samɩɛl 14:13

A Zonatã gbɛ́ɛ nɩ a nuru tɩ sõw ʋ na ʋ do, ʋlɛ nɩ a ʋ zɛbr bʋ̃-tɛrɛ. A Zonatã tɩ pɔbr'ɩ a Filisɩtɛ̃ mɩnɛ lɔbr, ɛ́ a ʋ zɛbr bʋ̃-tɛrɛ baa cɔ̀rɛ bɛ kʋrɛ tuur'ɩ ʋ.

Ƴɛ̀r-dɩrbɛ 7:14

A ʋ tɔ sob tɩ sɔw ʋ na: «A dɛ bɛ tɛr bʋnʋ ɛ, bom za bɛ n'ʋ ɛ, a Ɩsɩrayɛl nɩr Yowasɩ bidɛb Zedeɔ̃ zɛbr-sɔ-kpɛ̃ɛ n'ʋ. Naaŋmɩn de nɩ a Madian tẽw dem nɩ a bɛ laɩ za ƴãw a ʋ nuru pʋɔ.»