1 Samɩɛl 13:7 - A SƐB-SÕW

⁷ Bɛ mɩnɛ tɩ lo na gãw a Zurdɛ̃ mɩ̀, kɛ́ bɛ tʋ̃ɔ́ sɔwlɩ a Gadɩ nɩ a Galaadɩ ten pʋɔ. A Sawul ʋl tɩ cãà na be a Gilgal, ɛ́ dɛ̃bɩ̃ɛ nyɔw a sojarɩ na tɩ be a ʋ zie a, bɛ màwr.

1 Samɩɛl 13:7 Referans Kwoze

Ƴɛ̀r-dɩrbɛ 7:3

A na ɩ à ŋá a, yel à ŋá kʋ̀ a fʋ nɩbɛ: “Nɩr za dɛ̃bɩ̃ɛ na ɩrɛ ʋ màwr a, ʋ lɛb tu a Galaadɩ tãw sɔ́r kul.”» Nɩbɛ tùr-lɩzɛr'ɩ ayi (22 000) a bɛ pʋɔ tɩ lɛb'a kul, ɛ́ cɛ nɩbɛ tùr-pie (10 000).

Wulu-ayi-sob 28:25

A Sore na mɩ́ ɩ na a nyɩ dɔ̃ dem tʋ̃ɔ́ nyɩ. Nyɩmɛ wa lo sɔr-been wa ŋmãa nɩ bɛ a zɛbr a, sɛ́ɛ ayopõi n'a nyɩ na tu lɛb zɔ a bɛ niŋé. A tẽ-daa naalʋ-ten za na mɩ́ nyɛ̃ nyɩ na dɛ̃bɩ̃ɛ ɩrɛ a.

Wulu-ayi-sob 20:8

A sojarɩ nɩ-bɛrɛ na so a sojarɩ íru a na yel'ɩ à ŋá ƴãw pʋɔ: «Nɩr be n a nyɩ pʋɔ a ʋ kanyir baarɩ, ʋʋ zɔrɛ dɛ̃bɩ̃ɛ bɩɩ? Ʋ lɛb kul, ta ɩ a ʋ taabɛ kanyir baarɩ ɛ.»

Wulu-ayi-sob 3:12

A ʋlɩ daar nɛ a, tɩ tɩ zɛb'a de a tẽw ʋl za na be a Arowɛɛr tẽ-kpɛ̃ɛ saa-pɛrɩ́-gʋba-lowr a, a Arowɛɛr na be a Arnon nʋɔr a. Ɩ̃ tɩ kʋ̀ n a Galaadɩ tan vuo ŋmãa a Urubɛn nɩ a Gadɩ bʋʋrɛ, lãwnɩ a tẽ-bɛrɛ al na tɩ be be a,

Levitɩ mɩnɛ 26:17

Ɩ̃ na ìr'ɩ a nyɩ ƴãw, ɛ́ a nyɩ dɔ̃ dem na tʋ̃ɔ́ nyɩ na. A bɛlɩ dem na hɩ̃ɛn nyɩ a na so nyɩ na, ɛ́ nyɩ na mɩ́ lɩɛb'a zɔrɛ nɩr saa bɛ diwr nyɩ a.

1 Samɩɛl 13:8

Bibie ayopõi n'a a Sawul tɩ gù a Samɩɛl waa, ɛcɛ a Samɩɛl bɛ tɩ wa a Gilgal ɛ, ɛ́ a sojarɩ tɩ tĩ zɔrɛ yaarɛ ɛ́ bɛrɛ a Sawul.

Zozue 13:8

A Zurdɛ̃ gãwn saa-pɛrɩ́ a, a Moyiir tɩ põ nɩ a tẽsɔwr kʋ̀ a Manase dɔwlʋ ŋmãa na cɛ a, nɩ a Urubɛn dɔwlʋ nɩbɛ, nɩ a Gadɩ dɔwlʋ nɩbɛ. A Sore tõ-tõ-bie Moyiir'ʋ tɩ kʋ̀ bɛ a ziir á ŋá, a ɩ a bɛ sób.

Zozue 13:11

A bɛ zie mɩ̀ tɩ cãà n'ɩ a Galaadɩ tẽw, a Gesuur tẽw nɩ a Maaka tẽw, lãwnɩ a Hɛrmɔ̃ tãw za nɩ a Basan za tɩ tɔ n a Salka.

1 Samɩɛl 17:11

A Sawul nɩ a ʋ zɛbr-nɩbɛ za tɩ wõ n a Filisɩtɛ̃ dɔɔ ŋa ƴɛ̀r-bie á ŋá, ɛ́ dɛ̃bɩ̃ɛ ɩ mɛ̃ a na kʋ bɛ na a.

1 Samɩɛl 31:7

A Ɩsɩrayɛl nɩbɛ bɛl na tɩ kpɩɛr a fʋɔla gãwn ŋa lowr a, nɩ a bɛl na kpɩɛr a Zurdɛ̃ gãwn a, tɩ wõ na k'aa Ɩsɩrayɛl zɛbr-nɩbɛ zɔ na, nɩ k'aa Sawul nɩ a ʋ bidɛbr kpi na. Lɛ n'a bɛ tɩ yi zɔ, ɛ́ bɛr a bɛ tẽ-bɛrɛ a Filisɩtɛ̃ mɩnɛ cen tɩ de kpɩɛr.