1 Samɩɛl 13:5 - A SƐB-SÕW

⁵ A Filisɩtɛ̃ mɩnɛ mɩ̀ tɩ ìr'ɩ a Ɩsɩrayɛl ƴãw: bɛ tɩ tɛr'ɩ zɛbr-torkori tùr-lɩzɛr'ɩ pie (30 000), wi-zɔmnbɛ túr-ayʋɔb (6 000), ɛ́ a bɛ sojarɩ yãwmɛ mɛ̃ a kʋ̃ɔ-kpɛ̃ɛ nʋɔr biire a. Bɛ tɩ wa na wa be a Mikɩmasɩ, a Bɛtɩ-Awɛn saa-pɛrɩ́.

1 Samɩɛl 13:5 Referans Kwoze

1 Samɩɛl 14:23

À ŋá n'a a Sore tɩ ɩ a Ɩsɩrayɛl nɩbɛ zɛb tʋ̃ɔ́ a ʋlɩ bibir nɛ. A zɛbr tɩ zɛb'a tɩ zuo nɩ a Bɛtɩ-Awɛn bɛr.

Zozue 11:4

A na-mɩnɛ za tɩ yi na lo a sɔ́r, bɛlɛ nɩ a bɛ sojarɩ na yãwmɛ sɛw kʋ̃ɔ-kpɛ̃ɛ nʋɔr biire a, nɩ wie nɩ zɛbr-torkori na yãwmɛ bɛ dɩ vuo a.

Zozue 18:12

A bɛ tʋr-bɔw, a saa-pɛrɩ́-gʋba-lowr, tɩ yi n a Zurdɛ̃ ɛ́ do a Zeriko saa-pɛrɩ́-gʋba-lowr, ɛ́ cãà cere a tan vuo lowr a mʋ̃tɔ̃w-kpɛb-lowr, ɛ́ tɩ ta a Bɛtɩ-Awɛn wɛja-kpalɛ.

A naaŋmɩn-ƴèr-manɛ Oze sɛbɛ 10:5

Dɛ̃bɩ̃ɛ nyɔw nɩ a Samaari tẽw dem a Bɛtɩ-Awɛn tẽw nadele ƴãw, bɛ màwr bɛ za. Bʋ̃ʋ n'ʋ vɛ̃, a ʋ nɩbɛ nɩ a ʋ bàwr-maalbɛ maalɛ nɩ ko-kpɛ̃ɛ a ʋ ƴãw. Ƴɛrɛŋa bɛ na nyɔw ʋ cen nɩ zi-zãána a, bɛ na tʋ̃ɔ́ na cáarɛ a ʋ yúor na tɩ yi a.

A naaŋmɩn-ƴèr-manɛ Oze sɛbɛ 5:8

«Nyɩ pɛblɩ ɩɩl a Givea, nyɩ pɛblɩ wɩ́ɛ a Arama, nyɩ lɔb cɛl a Bɛtɩ-Awɛn. Bɛ̃zamɛ yir dɔwlʋ ʋ, gùre pùorí yoo!

A naaŋmɩn-ƴèr-manɛ Oze sɛbɛ 4:15

«Ɩsɩrayɛl ɩ, à ŋá n'a fʋ tone a pɔw-yɛm tome. A Zuda nãá nɩ̃ɛ mɩ̀ ta lo a sãwna been nɛ pʋɔ ɩ! Nyɩ ta mɩ́ cen a Gilgal ɛ, nyɩ ta mɩ́ do a Bɛtɩ-Awɛn ɛ, ɛ́ ta mɩ́ pɔ yel ɛ: “A Sore na vʋʋrɛ a...!''»

Zeremi 15:8

Ɩ̃ ɩ n a ʋ pɔw-kɔbɛ yãwmɛ zuo a kʋ̃ɔ-kpɛ̃ɛ nʋɔr biire. Ɩ̃ ɩ na kpɩɛrʋ páw a soja-pɔl mã mʋ̃tɔ̃-tuo. Ɩ̃ ùr'a ɩ dɛ̃bɩ̃-kpɛ̃ɛ lo a ʋ zu.

Ɩzayi 48:19

A fʋ bʋʋrɛ nãà yãwmɛ na mɛ̃ a kʋ̃ɔ-kpɛ̃ɛ nʋɔr biir-bie a. A bɛ yúor bɛ be za nãà bɔr a ɩ̃ niŋé ɩ!»

2 Bibie za yel-manɩ 1:9

Ƴɛrɛŋa a, Sore Naaŋmɩn i, ɩ a lɛ fʋ na yel kʋ̀ a ɩ̃ sãà Daviir a, bʋ̃ʋ n'ʋ vɛ̃, fʋ̃ʋ n'ʋ ɩ ɩ̃ dɩ a naalʋ nɩ-bʋʋrɛ na yãwmɛ mɛ̃ a tẽsɔw tanɛ a zu.

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

Zozue 7:2

A Zozue tɩ be n a Zeriko ɛ́ tõ nɩbɛ Aɩ na be a Betɛl saa-pɛrɩ́, ɛ́ pɩɛlɩ a Bɛtɩ-Awɛn a. Ʋ tɩ yel bɛ na: «Nyɩ cen tɩ piwri a tẽw.» A nɩbɛ bɛl tɩ cen na tɩ piwri a Aɩ,

Yele-za-pɛr-tib 22:17

k'ɩ̃ɩ na maalɩ fʋ nɩ yaga za, ɩ a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie nɩ a kʋ̃ɔ-kpɛ̃ɛ nʋɔr biire a. A fʋ bʋʋrɛ na mɩ́ zɛb'a de a bɛ dɔ̃ dem tẽ-bɛrɛ.

Ʋrɔm 9:27

Naaŋmɩn-ƴɛ̀r-manɛ Ɩzayi n'ɩ ŋan ka lowr mɩ̀ yere kpɛ̃w za a Ɩsɩrayɛl nɩbɛ ƴãw: «A Ɩsɩrayɛl bibiir mɩ̀ saa tɩ yãwmɛ man a kʋ̃ɔ-kpɛ̃ɛ nʋɔr biire a, a bɛ ŋmãa na cɛ a tɛwr'a nãá nyɛ̃ a faafʋ.

1 Samɩɛl 7:13

A zɛb-tʋ̃ɔ́fʋ ŋa tɩ siwr'ɩ a Filisɩtɛ̃ mɩnɛ, bɛ́ bɛ mɩ́ lɛb tɩ sàw nɛbr gbɛ́r a Ɩsɩrayɛl tẽw pʋɔ ɩ. A Samɩɛl cãafʋ daar za a, a Sore tɩ wul'ɩ a ʋ kpɛnʋ a Filisɩtɛ̃ mɩnɛ.

1 Samɩɛl 13:2

A Sawul tɩ kaa na ír sojarɩ túr-ata (3 000) a Ɩsɩrayɛl nɩbɛ pʋɔ: túr-ayi (2 000) tɩ be n a ʋ zie, a Mikɩmasɩ nɩ a Bethel tan vuo pʋɔ, ɛ́ túr (1 000) be a Zonatã zie a Bɛ̃zamɛ tẽw Givea. A Sawul tɩ bɛr'ɩ a Ɩsɩrayɛl nɩbɛ ŋmãa na cɛ a, bɛ lɛb kul a bɛ yie pʋɔ.

1 Samɩɛl 13:11

A Samɩɛl tɩ sowr'ʋ na: «Bʋ̃ʋ n'ɩ à à ŋá fʋ na ɩ a?» A Sawul tɩ sɔw na: «Ɩ̃ nyɛ̃ nɩ a sojarɩ bɛ zɔrɛ yaarɛ ɛ́ bɛrɛ mɛ̃, ɛ́ a fʋ̃ʋ mɩŋa mɩ̀ bɛ waar ɛ, ɛ́ a Filisɩtɛ̃ mɩnɛ ɓã taa a Mikɩmasɩ,

1 Samɩɛl 17:1

A Filisɩtɛ̃ mɩnɛ tɩ ɓã n a bɛ zɛbr-nɩbɛ taa a zɛbr ƴãw. Zuda tẽw Soko n'a bɛ tɩ ɓã taa, ɛ́ maalɩ a bɛ laɩ a Soko nɩ Azeka cara pʋɔ, a Efɛsɩ-Damim.

2 Samɩɛl 17:11

Yã ŋa n'ʋ mãa wule: ɓã a Ɩsɩrayɛl sojarɩ za taa a fʋ zie, a Dan tɩ tɔ a Bɛɛr-Seva, bɛ yãwmɛ mɛ̃ a kʋ̃ɔ-kpɛ̃ɛ nʋɔr biire a, ɛ́ fʋ̃ʋ tɔr za a, lãw nɩ bɛ cen a zɛbr zie.

1 Na-mɩnɛ 20:27

A Akab mɩ̀ tɩ bɛl bɛl'ɩ a Ɩsɩrayɛl zɛbr-nɩbɛ kaa, ɛ́ bɛ kʋ̀ bɛ a bʋ̃-dɩrɩ. Al pùorí bɛ cen tuori a Siiri zɛbr-nɩbɛ. Bɛ tɩ bʋ́r'ɩ ziir ayi maalɩ a bɛ laɩ tori a Siiri zɛbr-nɩbɛ. A Ɩsɩrayɛl zɛbr-nɩbɛ tɩ ɩ na mɛ̃ zaw-pʋrmɛ ayi bʋʋr a, ɛ́ a Siiri nɩbɛ yãwmɛ pàw a tẽw za.

Ɩzayi 10:28

ʋ tarɛ nɩ Ayatɩ tẽw ƴãw, ʋ tuur'a tɔlɛ Migiron ɛ́ bɛrɛ a ʋ tuor Mikɩmasɩ.

1 Samɩɛl 14:52

A Sawul naalʋ-dɩb daar za a, ʋ tɩ zɛb'ɩ nɩ a Filisɩtɛ̃ mɩnɛ yaga za. Lɛ so, ʋ na mɩ́ tɩ nyɛrɛ dɛb na kpɛmɛ bɩɩ tɛr kanyir a, ʋ mɩ́ tɩ de ʋ na ƴãw a ʋ sojarɩ pʋɔ.