1 Samɩɛl 12:23 - A SƐB-SÕW

²³ Alɛ wa cɛ mãa a, ɩ̃ kʋ̃ sàw sãw a Sore, bɛr a nyɩ puor-kʋ̀b ɛ. Ɩ̃ na cãà na wule nyɩ a sɔr-vla nɩ a sɔr-dẽdẽ.

1 Samɩɛl 12:23 Referans Kwoze

Kɔlɔsɩ 1:9

Alɛ n'a so a ʋlɩ bibir za tɩ na wõ a nyɩ yele wa tɩ tɔ a dɩ̃a a, tɩ mɩ̀ bɛ bɛr a nyɩ puor-kʋ̀b ɛ. Tɩ zɛlɛ na kɛ́ a Naaŋmɩn ɩ nyɩ bãw a ʋ pʋ-tɩɛrʋ za. Al ƴãw n'a a Vʋʋrʋ Sõw kʋ̀rɛ nyɩ a yã-bãwfʋ nɩ a yã.

Ʋrɔm 1:9

Naaŋmɩn n'ɩ a ɩ̃ yel-mɩŋa sob, ʋl ɩ̃ na puore nɩ ɩ̃ pʋɔ za ɛ́ hiere a ʋ Bie Yel-nʋ̃ɔ̀ a. Ɩ̃ mɩ́ tɛr'ɩ a nyɩ tɩɛrʋ kʋralɛ,

2 Timote 1:3

Ɩ̃ na mɩ́ wa pore a fʋ yúor a ɩ̃ puoru pʋɔ, mʋ̃tɔ̃w nɩ tɩ̃ɩsɔw za a, ɩ̃ mɩ́ puore nɩ a Naaŋmɩn barka yaga za, a Naaŋmɩn ɩ̃ na tone nɩ tɩɛr-vla mɛ̃ a ɩ̃ sãàkʋm-kore a.

1 Tesalonikɩ 3:10

Mʋ̃tɔ̃w nɩ tɩ̃ɩsɔw za, tɩ mɩ́ zɛlɛ nɩ a Naaŋmɩn kpɛ̃w kpɛ̃w za, k'ʋʋ sàw tɩ lɛb nyɛ̃ nyɩ tʋ̃ɔ́ kʋ̀ nyɩ a alɩ bome nɛ za na cãà cɛ a nyɩ naaŋmɩn-sàw-deb ƴãw a.

1 Na-mɩnɛ 8:36

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a. Wul bɛ, bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so, ɛ́ de kʋ̀ bɛ bɛ mɩ̀ so a.»

Nɩ-toni 12:5

Ɛcɛ a Pɩɛr na tɩ be a gaso pʋɔ a, a Lãw-yir tɩ puore nɩ a Naaŋmɩn kpɛ̃w kpɛ̃w za kʋ̀rɛ ʋ.

Sɛb-sõw yielu 34:11

A nũ-kpɛn dem bãw nɩ a nã́w nɩ a kɔ̃, ɛcɛ bom za tuo bɛ kpɩɛr a bɛlɩ dem na bɔbr a Sore a ɩ.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

2 Bibie za yel-manɩ 6:27

a fʋ̃ʋ a, Sore e, be a salom zu ɛ́ bɛr wõ, dɩ a Ɩsɩrayɛl nɩbɛ yel-bebe suur kʋ̀ bɛ, bɛ na ɩ a fʋ tõ-tõ-biir nɩ a fʋ nɩ-bʋʋrɛ a ƴãw. Wul bɛ bɛ cere vla, ɛ́ fʋ ɩ a saa ʋ wa ƴãw a tẽw ŋa fʋ na so ɛ́ de kʋ̀ bɛ bɛ mɩ̀ so ʋ a.

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

Nɩ-toni 20:20

Bom nɛ za a na sɛw kɛ́ nyɩ bãw a, ɩ̃ bɛ sɔwl'ʋ a nyɩ zie ɩ. Ɩ̃ nɩ̃ɛ na kanɩ nɩ nyɩ, ɩ̃ wul nyɩ nɩ a nɩbɛ pʋɔ bɩɩ a nyɩ tɛwr zie.

Ekilezɩasɩ 12:10

A Kohelɛtɩ ƴãw nɩ fãw nyɛ̃ ƴɛ̀r-bie na nʋmɛ a, ɛ́ sɩrɩ manɩ a lɛ a yele na ɩ a.

Zʋkpaɩ 4:11

Ɩ̃ wule fʋ nɩ a yã-bãwfʋ sɔ́r, ɩ̃ wule fʋ nɩ lɛ fʋ na na tʋ̃ɔ́ vʋʋrɛ mɛ̃ nɩ-mɩŋa a.

1 Korɛ̃tɩ 9:16

Bʋ̃ʋ n'ʋ vɛ̃, a Yel-nʋ̃ɔ̀ ɩ̃ na hiere a, a bɛ ɩ yúor ɩ̃ bɔbr ɛ, fɛrʋ ton n'ʋ. Baw-bio sob nɛ m, mãa bɛ wa hiere a Yel-nʋ̃ɔ̀ a.

Eziptɩ tẽw yib 32:30

A Moyiir tɩ yel'ɩ a nɩbɛ a bio daarɩ́: «Nyɩ maal'ɩ yel-bier-kpɛ̃ɛ. Ƴɛrɛŋa a, ɩ̃ na lɛb'a do a Sore zie a tãw zu, a mɩnɛ kãw, ɩ̃ na tɩ zɛlɩ na páw a nyɩ yel-bier suur-dɩ-kʋ̀b.»

1 Samɩɛl 12:19

ɛ́ tɩ yel a Samɩɛl: «Puori zɛlɩ a Sore fʋ Naaŋmɩn, a fʋ tõ-tõ-biir ƴãw, tɩ taa kpiir ɛ. Tɩ na zɛlɩ a nãà a, tɩ maal'ɩ yel-bier ƴãw pʋɔ a tɩ yel-bebe ƴãw.»

Zeremi 15:1

A Sore yel mɛ̃ na: «A Moyiir nɩ a Samɩɛl saa tɩ zɛlɛ mɛ̃ a, ɩ̃ kʋ̃ʋ tɛr nɩbaal-zɔba a nɩbɛ bɛ ŋa ƴãw ɛ. Diw bɛ bɛ zãá nɩ mɛ̃, bɛ cen!

Zeremi 27:18

«Bɛlɛ wa sɩrɩ ɩ a naaŋmɩn-ƴɛ̀r-manbɛ a, bɛlɛ wa sɩrɩ tɛr a Sore ƴɛ̀rʋ na ƴɛ̀r a Sore yúor ƴãw a, bɛ̃ɛ nɩ̃ɛ lɔb nuru zɛlɩ nɩ a Sore, a kpɛnʋ-za-sob, k'ʋʋ ta bɛr bɛ tuo a bʋ̃-vɩɛlɩ na cãà cɛ be a Ŋmɩn-yir-kpɛ̃ɛ pʋɔ, a Zuda tẽw nãà yir pʋɔ nɩ a Zerizalɛm a, cen nɩ a Babɩlɔn ɛ.

Zeremi 42:4

A naaŋmɩn-ƴɛ̀r-manɛ Zeremi tɩ sɔw bɛ na: «Ɩ̃ wõ a na! Ɩ̃ na puor'ɩ a Sore tɩ Naaŋmɩn mɛ̃ a lɛ nyɩ na zɛlɩ a. Al pùorí, ɩ̃ na ɩ na nyɩ bãw a Sore sɔwfʋ, ɩ̃ kʋ̃ sɔwlɩ nyɩ bom za ɩ.»

1 Samɩɛl 8:6

A Samɩɛl suur tɩ sãwna bɛ na tɩ yel k'ʋʋ kʋ̀ bɛ nãà ʋ kaarɛ a bɛ zie a. Ʋ tɩ puor'ɩ a Sore.

Sɛb-sõw yielu 34:12

Ɩ̃ bibiir i, nyɩ wa bɛrɛ wone a ɩ̃ ƴɛ̀rʋ! Ɩ̃ na wul nyɩ na nyɩ zɔrɛ a Sore.

Sɛb-sõw yielu 122:6

Nyɩ zɛlɛ a ƴã-ɓaarʋ kʋ̀rɛ a Zerizalɛm: «Zerizalɛm i, a bɛlɩ dem na nɔnɛ fʋ a, damnʋ zaa yee ta ka a bɛ zie ɩ!

Ɩzayi 30:21

Alɛ wa fɛr kɛ́ nyɩ tu dʋrʋ bɩɩ gʋba a, nyɩ na wõ n ƴɛ̀r-bie á ŋá a nyɩ zikurí: «Nyɩ nyɛ̃ a sɔ́r a na fɛr kɛ́ nyɩ de a.»