1 Samɩɛl 12:22 - A SƐB-SÕW

²² Yel-mɩŋa n'a, a Sore bɛ be za na zawrɩ a ʋ nɩ-bʋʋrɛ bɛr ɛ, a ʋ yúor na ɩ kpɛ̃ɛ a ƴãw, bʋ̃ʋ n'ʋ vɛ̃, ʋl mɩŋa n'ʋ bɔbr sàw nyɩ ɩ a ʋ nɩ-bʋʋrɛ.

1 Samɩɛl 12:22 Referans Kwoze

Filib 1:6

Ɩ̃ bɛ bʋ́nɛ nɩ a yel ŋa ɩ: a Naaŋmɩn na tĩ a tõ-vla ʋl a nyɩ zie a, ʋ na cãà na cow ʋ tɩ baarɩ a Yeezu Kɩrɩta lɛb-waa bibir.

Sɛb-sõw yielu 106:8

Ɛcɛ a Sore yúor zũú n'a ʋ tɩ faa bɛ, k'ʋʋ wul a ʋ kpɛnʋ.

Wulu-ayi-sob 14:2

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore na sʋ̃ɔmɩ bul so a. Nyɩmɛ nɛbɛ ʋ kaa ír a tẽw zu nɩ-bʋʋrɛ za pʋɔ, kɛ́ nyɩ ɩ a ʋ na-bom.

1 Na-mɩnɛ 6:13

Ɩ̃ na wa na wa kpɩɛr a yir ŋa a Ɩsɩrayɛl nɩbɛ sɔgɔ, ɩ̃ɩ bɛ zawrɛ a ɩ̃ nɩ-bʋʋrɛ Ɩsɩrayɛl bɛrɛ towtow ɛ.»

Ʋrɔm 11:29

Bʋ̃ʋ n'ʋ vɛ̃, a Naaŋmɩn maalʋ nɩ a ʋ bʋɔlʋ bɛ tɛr lɩɛb-bɛrʋ ɛ.

Zeremi 14:21

A fʋ yúor zũú a, ta jɛ a fʋ naalʋ-dà-kɔw-yúor bɛr ɛ, ta jewr'ʋ ɛ! Lɛb tɩɛrɩ a wõ-taa fʋ na maal'ɩ tɩ a, ta sãw ʋ bɛr ɛ.

Zozue 7:9

A Kanãa tẽw dem nɩ a nɩbɛ za na kpɩɛr a tẽw a na wõ a na, bɛ na wõ n taa a tɩ ƴãw, ɛ́ kʋ tɩ pàw pɛr. A lɛ pʋɔ a, ŋmɩŋmɩn n'a fʋ na ɩ bɛ bãw kɛ́ fʋ ɩ n kpɛ̃ɛ?»

Efɛɛzɩ 1:12

A na ɩ à ŋá a, nyɩ ɩ tɩ danɛ a Naaŋmɩn yúor-vɩɛlʋ-danʋ, tɩɩm na ɩ a de niwn dem na ƴãw a tɩ tɩɛrʋ a Kɩrɩta ƴãw a.

Ezekɩɛl 20:14

Ɛcɛ a ɩ̃ yúor zũú n'a ɩ̃ bɛ tɩ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋr-yoru jewre mɛ̃ ɩ. Bʋ̃ʋ n'ʋ vɛ̃, bɛ tɩ nyɛ̃ na k'ɩ̃ɩ tɩ ɩ n a nyɩ sãàkʋm-kore bɛ yi a Eziptɩ tẽw.

Ezekɩɛl 20:9

Ɛcɛ a ɩ̃ yúor zũú n'a ɩ̃ bɛ ɩ a lɛ ɩ. Ɩ̃ bɛ tɩ bɔbr k'aa nɩ-bʋʋrɛ bɛl sɔgɔ a nyɩ sãàkʋm-kore na tɩ kpɩɛr a jewre mɛ̃ ɩ. Bʋ̃ʋ n'ʋ vɛ̃, a nɩ-bʋʋrɛ bɛ ŋa tɩ sɩrɩ na nyɛ̃ k'ɩ̃ɩ tɩ wul'ɩ ɩ̃ tʋɔra a Ɩsɩrayɛl nɩbɛ k'ɩ̃ɩ tʋ̃ɔ́ ɩ bɛ yi a Eziptɩ tẽw.

Ɩzayi 43:25

Ɛcɛ a mãa, mãa n'ʋ dɩrɛ a fʋ nɩ-gaara ɩ-ɩrɩ suur kʋ̀rɛ fʋ, a mãa ƴãw, ɩ̃ kʋ̃ cãà tɛr a fʋ sãwna tɩɛrʋ ɛ.

Sɛb-sõw yielu 94:14

Bʋ̃ʋ n'ʋ vɛ̃, a Sore bɛ bɛrɛ a ʋ nɩ-bʋʋrɛ ɩ, ʋ bɛ zawrɛ a nɩbɛ ʋ na so a bɛrɛ ɩ.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

Matie 11:26

Ɩ̃ Sãà a, à ŋá n'a fʋ nɔnɛ k'aa ɩ.»

1 Korɛ̃tɩ 4:7

Ãa n'ʋ ɩ fʋ zuo a fʋ taabɛ? Bʋ̃ʋ n'a fʋ tɛr ɛ́ a bɛ ɩ kʋ̀b'a bɛ kʋ̀ b? Ɛ́ alɛ wa ɩ kʋ̀b a bɛ kʋ̀ b a, bʋnʋ ƴãw n'a fʋ na zɛwr'ɩ fʋ tʋɔra mɛ̃ kʋ̀b bɛ n'a bɛ kʋ̀ b a?

2 Bibie za yel-manɩ 15:2

tɩ yi na tuori a Asa yel ʋ: «Asa a, nɩ nyɩɩm Zuda nɩbɛ za nɩ Bɛ̃zamɛ nɩbɛ za a, nyɩ bɛrɛ wone a ɩ̃ ƴɛ̀rʋ! Lɛn daar za nyɩ na be a Sore zie a, a Sore be n a nyɩ zie. Nyɩmɛ wa bɔbr ʋ a, ʋ na sàw na nyɩ nyɛ̃ ʋ, nyɩmɛ wa zawrɩ ʋ bɛr a, ʋ mɩ̀ na zawrɩ nyɩ na bɛr.

Eziptɩ tẽw yib 32:12

Fʋ̃ʋ wa ɩ à à ŋá a, a Eziptɩ nɩbɛ na yere na: “Po-tuo n'a a Sore ɩ n a Ɩsɩrayɛl nɩbɛ, ƴãw bɛ yi a tɩ tẽw pʋɔ, k'ʋʋ tɩ kʋ bɛ a tan pʋɔ, k'ʋʋ tɩ kʋ bɛ pàw pɛr, bɛ ta cãà a tẽw zu ɛ.” Sore e, ɓãá a fʋ su-tʋlʋ kpãkpã, ɛ́ lɛb bɛr a faa fʋ na tɩ bɔbr a fʋ nɩbɛ ƴãw a.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Malasɩ 1:2

A Sore yere nɩ a ʋ nɩbɛ zie: «Ɩ̃ nɔnɛ nyɩ na, ɛ́ nyɩɩm sowre mɛ̃: “Nyɩn lowr'a fʋ nɔnɛ tɩ?”» Ɩ̃ sɔwr nyɩ na: «A Zakɔb yɛb bɛ tɩ n'ɩ a Ezawu ɛ? Ɛcɛ ɩ̃ nɔ̃w nɩ a Zakɔb

A Lãw-mʋɔlɛ 5:20

Bʋ̃ʋ n'ʋ so fʋ na yiire tɩ bɛrɛ kʋralɛ, fʋ na jɛrɛ tɩ bɛrɛ a tɩ cãafʋ daar za?

Zeremi 14:7

«A tɩ yel-bebe wa wule tɩ na sãw a, fʋ̃ʋ a, Sore e, ɩ ɩb kãw a fʋ yúor zũú. Sɩza n'a, kʋralɛ n'a tɩ zawrɛ fʋ, tɩ ɩ n sãwna dem a fʋ zie.

Ɩzayi 48:11

Mãa wa ɩ à à ŋá a, mãa yõ tẽtẽ ƴãw n'a. Bʋ̃ʋ n'ʋ vɛ̃, ɩ̃ kʋ̃ tʋ̃ɔ́ sàw a ɩ̃ yúor sãw ɛ. Ɩ̃ bɛ bɛrɛ a ɩ̃ yúor-vɩɛlʋ-danʋ kʋ̀rɛ nɩ-yũo ɩ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 41:17

A nan dem nɩ a kpɩɛrʋ dem bɔbr'ɩ kʋ̃ɔ ɛ́ a bɛ ka be ɩ. A kʋ̃ɔ-nyúur kpɛ bɛ na a kɔkɔr kò. Ɛcɛ mãa, a Sore, ɩ̃ na sɔw bɛ na, mãa, a Ɩsɩrayɛl Naaŋmɩn, ɩ̃ kʋ̃ zawrɩ bɛ bɛr ɛ.

Ɩzayi 37:35

Ɩ̃ na gù n a Zerizalɛm ɛ́ faa ʋ, ɩ̃ na ɩ Naaŋmɩn a ƴãw, nɩ a Daviir ɩ̃ na tu a ƴãw.”»

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Na-mɩnɛ 21:14

Ɩ̃ na jɛ n a ɩ̃ nɩ-bʋʋrɛ nɩbɛ bɛl na cɛ a bɛr, ɩ̃ na ƴãw bɛ nɩ a bɛ dɔ̃ dem nuru pʋɔ, bɛ za a bɛ tẽw, fá n a bɛ bome za.

Wulu-ayi-sob 31:17

Ɩ̃ na nyɛ̃ nɩ bɛ nɩ suur a al ƴãw, ɩ̃ na jɛ bɛ na bɛr, ɩ̃ na gùr'ɩ pùor cɔw bɛ. Lɛ n'a a nɩ-bʋʋr-yoru na vɔl bɛ. Kpɩɛrʋ nɩ wʋ̀ʋr na lo n bɛ zu. A lɛn daar'a a Ɩsɩrayɛl nɩbɛ na yel bɛ tʋɔra: “A kpɩɛrʋ á ŋá wa páw tɩ a, a tɩ Naaŋmɩn na bɛ cãà be a tɩ sɔgɔ a bɛ n'a so ɩ?”

Wulu-ayi-sob 9:5

ɛ́ nyɩ tʋ̃ɔ́ de a bɛ tẽw. Nyɩ na ɩ nɩ-mɩn a bɛ n'a ɩ, bɩɩ a nyɩ tɩɛrʋ na vɩɛl a ƴãw bɛ n'a ɩ. A Sore na diw nɩ a nɩ-bʋʋrɛ bɛ ŋa, a bɛ ɩb na bɛ vɩɛl a ƴãw, nɩ a lɛ ʋ na pɔ yel kʋ̀ a nyɩ sãàkʋm-kore Abraham, Ɩzaakɩ nɩ Zakɔb a, tub ƴãw.

Ebre 13:5

A libi-nɔ̃w ta tʋ̃ɔ́ nyɩ ɛ. A lɛ nyɩ na tɛr a, a man nyɩ. Bʋ̃ʋ n'ʋ vɛ̃, a Naaŋmɩn yel'a: «Ɩ̃ bɛ be za na bɛr fʋ ɛ, ɩ̃ kʋ̃ jɛ b bɛr towtow ɛ.»

Ʋrɔm 11:1

A na ɩ à ŋá a, sowru n'a ɩ̃ sowre: a Naaŋmɩn ya jɛ n a ʋ nɩ-bʋʋrɛ Ɩsɩrayɛl bɛr a baarɩ bɩɩ? Lɛ bɛ n'a towtow ɛ! Bʋ̃ʋ n'ʋ vɛ̃, a mãa tɔr za ɩ n Ɩsɩrayɛl nɩr, Abraham bʋʋrɛ, Bɛ̃zamɛ dɔwlʋ nɩr.

Wulu-ayi-sob 7:6

Bʋ̃ʋ n'ʋ vɛ̃, nyɩ ɩ n nɩ-bʋʋrɛ a Sore nyɩ Naaŋmɩn na so a. Nyɩmɛ nɛbɛ a Sore kaa ír, a tẽw zu nɩ-bʋʋrɛ za pʋɔ, kɛ́ nyɩ ɩ nɩ-bʋʋrɛ ʋ na sʋ̃ɔmɩ bul so a.

Wulu-ayi-sob 31:6

Nyɩ kpɛ socir ɛ́ kpɛmɛ, nyɩ taa wa zɔrɛ dɛ̃bɩ̃ɛ màwr a bɛ niŋé ɩ. Bʋ̃ʋ n'ʋ vɛ̃, a Sore nyɩ Naaŋmɩn na de nyɩ nɩ niwn. Ʋ bɛ tɩ̀ɛrɛ nyɩ bɛrɛ ɩ, ʋ bɛ zawrɛ nyɩ bɛrɛ ɩ.»

1 Na-mɩnɛ 8:57

Ƴɛrɛŋa a, ɩ̃ zɛlɛ nɩ a Sore tɩ Naaŋmɩn, k'ʋʋ be a tɩ zie, mɛ̃ a lɛ ʋ na tɩ be a tɩ sãàkʋm-kore zie a, k'ʋʋ taa zawrɛ tɩ bɛrɛ ɩ, k'ʋʋ taa jɛrɛ tɩ bɛrɛ ɩ,

Wulu-ayi-sob 31:8

A Sore na de fʋ nɩ niwn, ʋ na be n a fʋ zie. Ʋ bɛ tɩ̀ɛrɛ fʋ bɛrɛ ɩ, ʋ bɛ zawrɛ fʋ bɛrɛ ɩ. A na ɩ à ŋá a, ta zɔrɛ dɛ̃bɩ̃ɛ ɩ, ta sàw bom za tʋ̃ɔ́ fʋ ɛ.»

2 Na-mɩnɛ 14:27

Ɛcɛ a Sore bɛ tɩ yel k'ʋʋ na kʋ n a ʋ nɩ-bʋʋrɛ pàw pɛr ɛ, alɛ n'a so ʋ ƴãw a Zowasɩ bidɛb, Zerobowam, faa ʋ.

Neemi 9:17

Bɛ zawr'ɩ a nʋɔr-sàwfʋ, bɛ yiir'ɩ a nɔ-ɓãa-yele fʋ na maalɩ a bɛ ƴãw a. Bɛ kpãa nɩ tobr, ɛ́ yel kɛ́ bɛ na lɛb'a cen a Eziptɩ tẽw a bɛ gbãgbaalʋ pʋɔ. Ɛcɛ, fʋ̃ʋ a, fʋ bɛ tɩ jɛ bɛ bɛr ɛ, fʋ na ɩ Naaŋmɩn na dɩrɛ suur a ƴãw, Naaŋmɩn-vla na zɔrɛ nɩbaalʋ a, a suur na bɛ pawr, ɛ́ fʋ ɩ nɔ̃wfʋ tɛwr a.

Ɩzayi 43:7

Nyɩ lɛb tɛr a bɛlɩ dem na dɩ a ɩ̃ yúor a wa n, bɛlɩ dem za ɩ̃ na ír, ɩ̃ na mɛ, ɩ na maalɩ kɛ́ bɛ wa ɩrɛ ɩ̃ nyɛrɛ yúor-vɩɛlʋ-danʋ a.»

Ɩzayi 49:15

Ɛcɛ a Sore sɔwr'a: Pɔw mɩ́ yiir'ɩ a bie ʋ na ƴɛnɛ a bɛr ɩ? Ʋ mɩ́ yiir'a na tɛr nɔ̃wfʋ a ʋ pʋɔ bʋ̃-dɔwra ƴãw ɩ? Ʋlɛ saa na yiiri a, mãa kʋ̃ yiiri fʋ bɛr towtow ɛ.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Zeremi 14:9

Bʋ̃ʋ n'ʋ so fʋ ɩrɛ mɛ̃ nɩr na bɛ tɛr fãw a, mɛ̃ gãdaa na kʋ̃ tʋ̃ɔ́ nɩr faa a? Ɛcɛ fʋ̃ʋ n'ɩ ŋa be a tɩ sɔgɔ, Sore e, fʋ̃ʋ so tɩ, ta bɛr tɩ tɩ lo ɩ.»