1 Samɩɛl 12:21 - A SƐB-SÕW

²¹ Nyɩ taa zawrɛ ʋ bɛrɛ ɩ, bʋ̃ʋ n'ʋ vɛ̃, nyɩmɛ wa zawr'ʋ bɛr a, nyɩ na tuur'ɩ bʋ̃-zawlɛ na bɛ tɛr pɛr, ɛ́ kʋ̃ tʋ̃ɔ́ faa nɩr a, a na faa ɩ bʋ̃-zawlɛ a ƴãw.

1 Samɩɛl 12:21 Referans Kwoze

Habakukɩ 2:18

A tɩbɛ yel-ɩra n'ɩ bo a tɩɩb-maalɛ na mɩ́ maal'a bin a? Kure bʋ̃-maalɩ na mɩ́ ŋmarɛ ziri bɛ mɩ́ sàw de a tɛwr'a. Bʋ̃ʋ ƴãw n'a a nɩsaalɛ na mɩ́ ƴãw a ʋ tɩɛrʋ, a tɩbɛ á ŋá ƴãw na bɛ tɛr nʋɔr ƴɛ̀rɛ, ɛ́ ɩ ʋl mɩŋa n'ʋ maal'a a?

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 10:15

A bɛ tɛr pɛr ɛ, bome na ɩrɛ laarʋ a n'a. A lɛn daar a Sore wa ìr a ƴãw a, a na bɔr'a.

Zeremi 14:22

A nɩ-bʋʋr-yoru ŋmɩn-bɛlɛbɛlɛ pʋɔ a, been be n be na tʋ̃ɔ́ ɩ kɛ̀ saa wa a? A salom tɛɛ za n'ʋ mɩ́ bɛr a kʋ̃ɔ a siw ɩ? Fʋ̃ʋ bɛ n'ɩ a Sore tɩ Naaŋmɩn ɛ? A fʋ ƴãw n'a tɩ ƴãw a tɩ tɩɛrʋ, bʋ̃ʋ n'ʋ vɛ̃, fʋ̃ʋ n'ʋ maalɛ à á ŋá za.»

Wulu-ayi-sob 11:16

Ɛcɛ nyɩ gù vla! Nyɩ taa bɛrɛ bɛ bɛlɛ nyɩ ɛ, nyɩ taa bɛrɛ a sɔr-vla ɩ, nyɩ taa tuur ŋmɩn-yoru pùor, tone a tome, ɛ́ gbine dume a niŋé ɩ.

1 Korɛ̃tɩ 8:4

Ɛ́ a nɛnɛ al bɛ na mɩ́ kʋ ƴãw a tɩbɛ ƴãw a 'wɔbrʋ ƴãw a, tɩ bãwnɩ a na kɛ́ tɩɩb kãw za bɛ ɩ bʋ̃-sɩza ɩ, ɛ́ ŋmɩn kãw za bɛ be a tẽ-daa zu a bɛ ɩ a Naaŋmɩn-been yõ ɩ.

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Zeremi 2:13

A ɩ̃ nɩbɛ sãw nɩ gb'a ayi: bɛ zawrɩ mɛ̃ na bɛr, a mãa na ɩ a nyɔ-vʋʋrʋ kʋ̃ɔ bul-nʋɔr a, ɛ́ tuw sa-bie-kʋ̃ɔ-bɔwrɩ, bɔw-wɛrɩ na bɛ ganɛ kʋ̃ɔ a.»

Ɩzayi 46:7

Bɛlɛ nɛbɛ mɩ́ tuo ʋ a bɛ bawŋman zu ɛ́ nyɔw tɛr cen nɩ, tɩ ƴãw ʋ a ʋ beba zie. A ŋmɩn na àr'ɩ a be, ʋ be cere zie ɩ. Nɩr wa kõ bʋɔl'ʋ a, ʋ bɛ sɔwr ɛ. Ʋ bɛ faarɛ nɩr za a ʋ kpɩɛrʋ pʋɔ ɛ.

Ɩzayi 45:20

Nyɩɩm na cɛ a nɩ-bʋʋrɛ sɔgɔ a, nyɩ ɓã taa wa, nyɩ lãw taw pɩɛlɩ. A bɛlɩ dem na tuo a bɛ dàa tɩɩb ɛ́ puore ŋmɩn na kʋ̃ tʋ̃ɔ́ faa bɛ a, bɛ bɛ bãw bom za ɩ.

Zeremi 10:8

A nɩbɛ bɛ ŋa bol'ɩ bɛ za, been bɛ cɛ ɩ. A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ, dàar ŋmɩmɛ n'a.

Zeremi 2:5

À ŋá n'a a Sore yere: Bʋ̃ʋ n'ʋ a nyɩ sãàkʋm-kore nyɛ̃ a ɩ̃ zie a bɛ sɛw, bɛ pɩl? Bɛ zɔ na tu bʋ̃-zawlɛ pùor mɩ̀ lɩɛbɩ bʋ̃-zawlɛ.

Ɩzayi 41:29

A za bɛ ɩ bom za ɩ, bɛ ɩrɛ bom za ɩ. A dasuli bɩɩ? Sɛsɛb, zi-vuo!

Wulu-ayi-sob 32:21

Bɛ tɛr'ɩ ŋmɩn-ziri, ƴãw k'ɩ̃ kpɛ nyuur. Bɛ ɩ na nɩ a bɛ tɩɩb-zawlɛ, a ɩ̃ suur ìr. Mãa a, nɩbɛ na bɛ ɩ nɩ-bʋʋrɛ mɩ̀ a nɛbɛ, ɩ̃ na ɩ na kɛ̀ bɛ kpɛ nyuur. Nɩ-bʋʋrɛ na bɛ bãw yã a nɛbɛ, ɩ̃ na ɩ na a bɛ suur ìr.

Nɩ-toni 14:15

tɩ yel: «Alɛ! Bá-mɩnɛ ɛ, bʋ̃ʋ n'ʋ so nyɩ ɩrɛ à à ŋá? Tɩ mɩ̀ ɩ n nɩsaalbɛ mɛ̃ a nyɩɩm a! A Yel-nʋ̃ɔ̀ tɩ na hiere kʋ̀rɛ nyɩ a, ʋlɛ n'ɩ kɛ́ nyɩ bɛr a bʋ̃-zawlɛ á ŋá ɛ́ sàw de a Naaŋmɩn na vʋʋrɛ a. Ʋlɛ n'ʋ ír a salom, a tẽw, a kʋ̃ɔ-kpɛ̃ɛ nɩ a bome za na be a pʋɔ a.

Wulu-ayi-sob 30:17

Ɛcɛ nyɩmɛ wa gùr pùor cɔw ʋ, nyɩmɛ bɛ wa sàwr a ʋ nʋɔr, nyɩmɛ wa bɛr bɛ tɛr nyɩ tu n ŋmɩn-yoru puoru nɩ a maalʋ a,

2 Na-mɩnɛ 17:15

Bɛ tɩ zawr'ɩ a Naaŋmɩn nɛ́ɛ bɛr, nɩ a wõ-taa ʋ na tɩ maal'ɩ a bɛ sãàkʋm-kore a, nɩ a kpaalʋ ʋ na tɩ kpaalɩ bɛ a. Bɛ tɩ tu n ŋmɩmɛ na bɛ ɩ bom za a, mɩ̀ lɩɛbɩ nɩbɛ na bɛ ɩ bom za a. Bɛ tɩ cɔwr'ɩ a nɩ-bʋʋr-yoru na viiri koli bɛ a ɩ-ɩrɩ, a Sore na saa tɩ yel bɛ, kɛ́ bɛ taa ɩrɛ mɛ̃ a bɛl a.

Zonasɩ 2:9

A bɛlɩ dem na zɔrɛ tuur a ŋmɩn-bɛlɛbɛlɛ a, bɛ mɩ́ zawrɛ nɩ a bɛ faafʋ bɛrɛ.