1 Samɩɛl 12:18 - A SƐB-SÕW

¹⁸ A Samɩɛl tɩ puor'ɩ a Sore, ʋ ɩ a saa tanɩ ɛ́ mĩ a ʋlɩ bibir nɛ. Lɛ n'a a Naaŋmɩn nɩ-bʋʋrɛ za tɩ zɔrɛ a Sore bɛ dɩ vuo ɩ, nɩ a Samɩɛl mɩ̀,

1 Samɩɛl 12:18 Referans Kwoze

Eziptɩ tẽw yib 14:31

A Ɩsɩrayɛl nɩbɛ tɩ nyɛ̃ nɩ a kpɛnʋ a Sore na wul a Eziptɩ tẽw dem a. Alɛ so bɛ tɩ zɔrɛ ʋ. Bɛ tɩ sàw na de a Sore nɩ a ʋ tõ-tone Moyiir.

Ɛsɩdɩrasɩ 10:9

Lɛ n'a a Zuda tẽw nɩbɛ nɩ a Bɛ̃zamɛ tẽw nɩbɛ tɩ wa ɓã taa a Zerizalɛm, a bibie ata pùorí, a pɛr lɛ k'aa cuwr piwaɩ sob, bibie lɩzɛr sob. Bɛ za tɩ àr'ɩ a Naaŋmɩn yir zi-yɛlʋ pʋɔ, ɛ́ màwr bɛ za, a yel ŋa ƴãw, nɩ a saa mɩ̀ na tɩ waar a ƴãw.

A Zɔb sɛbɛ 37:13

Alɛ n'a a Naaŋmɩn mɩ́ tõ a tẽw zu k'aa tɩ dɔwrɩ a nɩbɛ bɩɩ wul bɛ a Naaŋmɩn nɔ̃wfʋ ɩb.

Sɛb-sõw yielu 99:6

Moyiir nɩ Aarɔ̃ tɩ pʋɔ nɩ a ʋ bàwr-maalbɛ pʋɔ, ɛ́ Samɩɛl pʋɔ a bɛlɩ dem na bʋɔlɛ a ʋ yúor a pʋɔ, bɛ mɩ́ tɩ bʋɔl'ɩ a Sore, ʋ sɔw bɛ.

Zozue 4:14

A ʋlɩ bibir nɛ a, a Sore tɩ zɛw nɩ a Zozue a Ɩsɩrayɛl nɩbɛ za niŋé, ɛ́ bɛ tɩ zɔrɛ ʋ na a ʋ nyɔ-vʋʋrʋ daar za, mɛ̃ a lɛ bɛ na tɩ zɔ a Moyiir a.

Zozue 10:12

A ʋlɩ bibir nɛ a Sore na tɩ ƴãw a Amoritɩ mɩnɛ a Ɩsɩrayɛl nɩbɛ nuru pʋɔ a, a Zozue tɩ ƴɛ̀r'ɩ a Sore zie à ŋá, a Ɩsɩrayɛl nɩbɛ za niŋé: «Mʋ̃tɔ̃w i, tɛw àr a Gabaɔ̃ zu, cuw u, àr ɓil a Ayalon bà-fʋɔla zu!»

1 Na-mɩnɛ 18:42

A Akab tɩ do n a dɩb nɩ a nyub. A Eli ʋl tɩ do n a Karmɛl tãw nyʋɔrɩ́, tɩ gũu tɩ tɔ a tẽw, a zu be a dume cará.