1 Samɩɛl 11:6 - A SƐB-SÕW

⁶ A Sawul na wa wõ a ƴɛ̀r-bie á ŋá a, a Naaŋmɩn Vʋʋrʋ tɩ siw nɩ a ʋ zu daadaalɛ, ɛ́ suur ír ʋ bɛ dɩ vuo ɩ.

1 Samɩɛl 11:6 Referans Kwoze

1 Samɩɛl 10:10

A Sawul nɩ a ʋ tõ-tõ-bie na tɩ tarɛ a Givea a, bɛ tɩ tuor'ɩ naaŋmɩn-ƴɛ̀r-manbɛ. Lɛ n'a a Naaŋmɩn Vʋʋrʋ tɩ siw a ʋ zu, ɛ́ a naaŋmɩn-ƴɛ̀r-manɛ ƴã-cɩrʋ been nɛ nyɔw ʋ.

1 Samɩɛl 16:13

A Samɩɛl tɩ de nɩ a kãá nɩ a ɩɩl cir ƴãw Daviir zũú, a ʋ yɛbr sɔgɔ, ɛ́ a Sore vʋʋrʋ tɩ siw ʋ, ɛ́ tĩ a ʋlɩ bibir nɛ ɛ́ be a ʋ zie. A Samɩɛl tɩ ìr'a lɛb lo a sɔ́r kul a Arama.

Ƴɛ̀r-dɩrbɛ 6:34

A Sore Vʋʋrʋ tɩ paal'ɩ a Zedeɔ̃, ʋ pɛblɩ a wɩ́ɛ bʋɔl'ɩ a Aviezɛɛr dɔwlʋ nɩbɛ bɛ tu ʋ.

Ƴɛ̀r-dɩrbɛ 14:6

A Sore Vʋʋrʋ tɩ siw nɩ a Samsɔ̃, ʋ nyɔw a gbẽw taw ɓɛl ziir ayi nɩ nũ-zawlɛ, mɛ̃ lɛ bɛ na mɩ́ taw bʋle ɓɛl a. Ɛcɛ ʋ bɛ tɩ manɩ a yel ŋa kʋ̀ a ʋ sãà nɩ a ʋ mã ɩ.

Ƴɛ̀r-dɩrbɛ 13:25

A Dan laɩ na be a Sorea nɩ a Ɛsɩtaɔl cara pʋɔ a n'a a Sore Vʋʋrʋ tɩ tĩ damnɛ a Samsɔ̃.

Ƴɛ̀r-dɩrbɛ 3:10

A Sore Vʋʋrʋ tɩ siw nɩ a ʋ zu, ʋ ɩ a Ɩsɩrayɛl nɩbɛ ƴɛ̀r-dɩrɛ. Ʋ tɩ yi n a zɛbr, a Sore ɩ ʋ zɛb tʋ̃ɔ́ a Mezopotami nãà Kusan-Iriseatayim.

Ƴɛ̀r-dɩrbɛ 11:29

A Sore Vʋʋrʋ tɩ siw nɩ a Zɛfɩte. Ʋ tɩ tu na tɔl a Galaadɩ tẽw vuo pʋɔ, nɩ a Manase tẽw pʋɔ. Al pùorí, ʋ cen a Galaadɩ tẽw Misɩpe, ɛ́ tɩ yi a be kpɛ a Amɔ̃ tẽw.

Efɛɛzɩ 4:26

Nyɩ ya nyɛ̃ nɩ suur bɩɩ? Nyɩ taa maalɛ yel-bier ɛ. Mʋ̃tɔ̃w ta kpɛ ɛ́ a nyɩ suur cãà bɛ ɓãá ɩ.

Markɩ 3:5

A bɛ mimi-kõw tɩ ɩ ʋ nɩ kpɩɛrʋ yaga, ʋ nyɛ̃ suur jɩɛlɩ bɛ kʋlʋlʋ, ɛ́ yel a nũ-kũu sob nɛ: «Dɔl a nũu.» Ʋ tɩ dɔl'a, ɛ́ a nũu sanɩ.

Sɔr-nɛ́ɛ 12:3

Zɩ̃ k'aa Moyiir tɩ ɩ n nɩr na siwre ʋ tʋɔra yaga a, nɩr na siwre ʋ tʋɔra gãw nɩsaal za a tẽw zu a.

Eziptɩ tẽw yib 32:19

Bɛ na tɩ tarɛ pɩɛlɛ a pɛnɛ-sɛwr a, a Moyiir nyɛ̃ nɩ a nále nɩ a nɩbɛ na ƴawr a bɩnɛ a. A ʋ suur tɩ ìr'a, ʋ lɔb a kʋsɛ-pamɛ ʋ na tɛr a nuru pʋɔ a kar bɛr, a tãw sɩɛ ƴãw.

Ƴɛ̀r-dɩrbɛ 15:14

Ʋ na tɩ ta a Lehi a, a Filisɩtɛ̃ mɩnɛ tɩ ŋmɩɛr'ɩ zɛb-tʋ̃ɔ́fʋ cɛlsɩ tuore nɩ ʋ. Lɛ n'a a Sore Vʋʋrʋ tɩ siw a Samsɔ̃: a mie na tɩ 'lẽ a ʋ kpãkpamɛ nɩ a ʋ nuru a, tɩ yɔl'ɩ mɔlɛ mɔlɛ lɛ, mɛ̃ lɛ̃ fomiwr vũu na dɩ a.

1 Samɩɛl 16:14

A Sore vʋʋrʋ tɩ yi na ɛ́ bɛr a Sawul, ɛ́ vʋʋr-faa kãw yi a Sore zie wa damnɛ ʋ.

1 Samɩɛl 10:6

Lɛ n'a a Sore Vʋʋrʋ na siw a fʋ zu, a naaŋmɩn-ƴɛ̀r-manɛ ƴã-cɩrʋ been nɛ mɩ̀ na tɛr fʋ na, ɛ́ fʋ na lɩɛb'ɩ nɩ-yũo.