1 Samɩɛl 11:13 - A SƐB-SÕW

¹³ Ɛcɛ a Sawul tɩ yel'a: «Nɩr bɛ kʋrɛ nɩr a bibir ŋa tɔ ɩ, bʋ̃ʋ n'ʋ vɛ̃, a dɩ̃a a, a Sore ɩ na a Ɩsɩrayɛl zɛb tʋ̃ɔ́.»

1 Samɩɛl 11:13 Referans Kwoze

2 Samɩɛl 19:22

Avɩsaɩ, a mã na tɩ dɩ kɛ́ Seruya a, tɩ de nɩ a ƴɛ̀rʋ yel à ŋá: «Alɛ n'a so bɛ kʋ̃ kʋ a Simeyi bɩɩ, ʋl na ŋmɛ ƴãw a Sore nɩ-kabra a!»

1 Samɩɛl 19:5

Ʋ sàw nɩ a kũu, ɛ́ cen tɩ zɛb'ɩ a Filisɩtɛ̃ dɔɔ kʋ ʋ, a Sore ɩ a Ɩsɩrayɛl zɛb tʋ̃ɔ́, zɛb-tʋ̃ɔ́fʋ na ɩ zɛb-tʋ̃ɔ́fʋ a, a ʋlɩ bibir nɛ. Fʋ tɩ nyɛ̃ ʋ na nʋ̃ɔ̀ kpɛ b. Bʋ̃ʋ pãa so fʋ na maalɩ yel-bier, fʋ na na kʋ a Daviir, a ɩ nɩr na bɛ tɛr sãwna a n'ʋ fʋ kʋ ɛ́ a bɛ tɛr pɛr a?»

Eziptɩ tẽw yib 14:13

A Moyiir tɩ sɔw nɩ a Ɩsɩrayɛl nɩbɛ à ŋá: «Nyɩ ta zɔrɛ dɛ̃bɩ̃ɛ ɩ! Nyɩ ƴãw fãw ɛ́ nyɩ na nyɛ̃ nɩ a lɛ a Sore na na faa nyɩ a dɩ̃a a. Bʋ̃ʋ n'ʋ vɛ̃, a Eziptɩ tẽw nɩbɛ bɛ ŋa nyɩ na nyɛrɛ a dɩ̃a a, nyɩ kʋ̃ lɛb nyɛ̃ bɛ towtow ɛ.

Eziptɩ tẽw yib 14:30

A Sore tɩ faa nɩ a Ɩsɩrayɛl nɩbɛ a Eziptɩ tẽw dem nuru pʋɔ a ʋlɩ bibir nɛ, ɛ́ bɛ nyɛ̃ a Eziptɩ nɩbɛ na kpi gã a kʋ̃ɔ-kpɛ̃ɛ nʋɔr a.

Ɩzayi 59:16

Ʋ nyɛ̃ na kɛ́ nɩr za bɛ tɩ damnɛ damnʋ ɛ, a tɩ ùr ʋ na, nɩr za na bɛ tɩ ɩrɛ bom a. Lɛ n'a ʋ tɩ yel k'aa ʋl mɩŋa na ɩ n ɩb kãw, ɛ́ a ʋ mɩnʋ n'a tɩ kʋ̀ ʋ a fãw a al ƴãw.

1 Samɩɛl 14:45

Ɛcɛ a sojarɩ tɩ yel'ɩ a Sawul: «A Zonatã na ɩ a Ɩsɩrayɛl zɛb tʋ̃ɔ́ sɛw à ŋá a na kpi na ya a? Bɛlɛ! A Sore na vʋʋrɛ a bɛ wa n'ʋ a n'a! A Zonatã zukɔbr-been bɛ lore tẽw ɛ, bʋ̃ʋ n'ʋ vɛ̃, Naaŋmɩn n'ʋ sõw ʋ, ʋ ɩ à à ŋá a dɩ̃a bibir.» À ŋá n'a a zɛbr-nɩbɛ tɩ faa a Zonatã, ʋ bɛ kpi ɛ.

1 Korɛ̃tɩ 15:10

Naaŋmɩn maalʋ n'a so ɩ̃ ŋmɛ̃ à à ŋá ɩ̃ na ŋmɛ̃ a, ɛ́ a ʋ maalʋ a ɩ̃ zie bɛ ɩ zawla ɩ. Ɩ̃ nɩ̃ɛ na tõ zuo bɛ za: mãa bɛ n'ʋ ɛ, a Naaŋmɩn maalʋ na be a ɩ̃ zie a n'ʋ.

1 Samɩɛl 10:27

Ɛcɛ nɩbɛ kãw na bɛ tɛr pɛr towtow a, tɩ yel'a: «Ŋmɩŋmɩn n'a a nɩr ŋa na tʋ̃ɔ́ faa tɩ?» Bɛ tɩ jewr'ʋ na, ɛ́ bɛ wa n bom za wa kʋ̀ ʋ ɛ. Ɛcɛ a bɛ tɩ ɩ a Sawul bom za ɩ.

2 Samɩɛl 23:10

ɛcɛ a Eleazaar tɩ ba n gbɛ́r, ɛ́ kʋ Filisɩtɛ̃ mɩnɛ lɛɛɛ a nũu tɩ bàl kpi mɛr a zɛbr-sɔ-kpɛ̃ɛ nyɔwfʋ zie. A Sore tɩ ɩ na a Ɩsɩrayɛl nɩbɛ zɛb tʋ̃ɔ́ pẽlẽpẽlẽ a ʋlɩ bibir nɛ. A sojarɩ tɩ lɩɛb'a wa a Eleazaar zie a pùorí, ɛ́ a ɩ a nɩbɛ na kpi a bome deb tɛwr ƴãw.

2 Samɩɛl 19:23

A Daviir tɩ yel'ɩ a Avɩsaɩ nɩ a ʋ yɛb Zowab: «Mãa nɩ nyɩɩm mɩ̀ bʋnʋ Seruya bidɛbr i? Bʋ̃ʋ n'ʋ so a ƴɛrɛŋa nyɩ bɛ sàwr a lɛ ɩ̃ na tɩɛrɛ a? Ɩ̃ bɛ bɔbr kɛ́ bɛ kʋ nɩr a Ɩsɩrayɛl nɩbɛ pʋɔ a dɩ̃a ɩ. Bʋnʋ bɛ ka be ɩ, ɩ̃ sɩrɩ na ɩ a Ɩsɩrayɛl nãà a dɩ̃a.»