1 Samɩɛl 10:6 - A SƐB-SÕW

⁶ Lɛ n'a a Sore Vʋʋrʋ na siw a fʋ zu, a naaŋmɩn-ƴɛ̀r-manɛ ƴã-cɩrʋ been nɛ mɩ̀ na tɛr fʋ na, ɛ́ fʋ na lɩɛb'ɩ nɩ-yũo.

1 Samɩɛl 10:6 Referans Kwoze

1 Samɩɛl 10:10

A Sawul nɩ a ʋ tõ-tõ-bie na tɩ tarɛ a Givea a, bɛ tɩ tuor'ɩ naaŋmɩn-ƴɛ̀r-manbɛ. Lɛ n'a a Naaŋmɩn Vʋʋrʋ tɩ siw a ʋ zu, ɛ́ a naaŋmɩn-ƴɛ̀r-manɛ ƴã-cɩrʋ been nɛ nyɔw ʋ.

Sɔr-nɛ́ɛ 11:25

A Sore tɩ siw nɩ a zũzuwr pʋɔ ƴɛ̀r'ɩ a Moyiir, ɛ́ ɩ a vʋʋrʋ na be a Moyiir pʋɔ a blã kʋ̀ a nɩ-kore lɩz'a ata nɩ pie. A vʋʋrʋ na wa bere a bɛ zu wa báarɛ a, bɛ tĩ na ƴɛ̀rɛ mɛ̃ naaŋmɩn-ƴɛ̀r-manbɛ a, ɛcɛ bɛ tɩ ta n sɔgɔ bɛr.

1 Samɩɛl 16:13

A Samɩɛl tɩ de nɩ a kãá nɩ a ɩɩl cir ƴãw Daviir zũú, a ʋ yɛbr sɔgɔ, ɛ́ a Sore vʋʋrʋ tɩ siw ʋ, ɛ́ tĩ a ʋlɩ bibir nɛ ɛ́ be a ʋ zie. A Samɩɛl tɩ ìr'a lɛb lo a sɔ́r kul a Arama.

Ƴɛ̀r-dɩrbɛ 14:6

A Sore Vʋʋrʋ tɩ siw nɩ a Samsɔ̃, ʋ nyɔw a gbẽw taw ɓɛl ziir ayi nɩ nũ-zawlɛ, mɛ̃ lɛ bɛ na mɩ́ taw bʋle ɓɛl a. Ɛcɛ ʋ bɛ tɩ manɩ a yel ŋa kʋ̀ a ʋ sãà nɩ a ʋ mã ɩ.

Ƴɛ̀r-dɩrbɛ 3:10

A Sore Vʋʋrʋ tɩ siw nɩ a ʋ zu, ʋ ɩ a Ɩsɩrayɛl nɩbɛ ƴɛ̀r-dɩrɛ. Ʋ tɩ yi n a zɛbr, a Sore ɩ ʋ zɛb tʋ̃ɔ́ a Mezopotami nãà Kusan-Iriseatayim.

Matie 7:22

A ƴɛ̀rʋ-maalʋ bibir a, nɩ-yaga na yere nɩ a ɩ̃ zie: “Sore e, a fʋ yúor ƴãw bɛ tʋ̃ɔ́ n'a tɩ tɩ ƴɛ̀r naaŋmɩn-ƴɛ̀r-manbɛ ƴɛ̀rʋ ɛ? A fʋ yúor ƴãw bɛ tʋ̃ɔ́ n'a tɩ tɩ diw kɔ̃tɔmɛ ɩ? A fʋ yúor ƴãw bɛ tʋ̃ɔ́ n'a tɩ tɩ maalɩ nɔ-ɓãa-yele yaga ɩ?”

Sɔr-nɛ́ɛ 11:17

Ɩ̃ na siw na wa ƴɛ̀r'ɩ fʋ a be. Ɩ̃ na ɩ n a vʋʋrʋ na be a fʋ pʋɔ a blã ƴãw bɛ. Lɛ n'a bɛ na mɩ́ lãw nɩ fʋ tuo a nɩbɛ bɛ ŋa kaafʋ na ɩ tuor a, fʋ kʋ̃ cãà ɩ fʋ yõ tuore ɩ.

Sɔr-nɛ́ɛ 11:26

Nɩbɛ ayi tɩ cãà na be a laɩ pʋɔ. A kãw tɩ dɩ na kɛ́ Ɛldadɩ, ɛ́ a kãw dɩ kɛ́ Medadɩ. Bɛ tɩ pʋɔ nɩ a nɩ-kore lɩz'a ata nɩ pie pʋɔ, ɛcɛ bɛ bɛ tɩ yi cen a pɛn-sɛw pɛr ɛ. A vʋʋrʋ tɩ siw nɩ a bɛ zu bɛ tĩ ƴɛ̀rɛ mɛ̃ naaŋmɩn-ƴɛ̀r-manbɛ a a laɩ pʋɔ.

Sɔr-nɛ́ɛ 11:29

A Moyiir tɩ sɔw ʋ na: «Fʋ lɩɛr'ɩ a ɩ̃ nyuur kpɛb zie kpɛ bɩɩ? A Sore nãá kʋ̀ a ʋ vʋʋrʋ a Ɩsɩrayɛl nɩbɛ za, bɛ za lɩɛbɩ naaŋmɩn-ƴɛ̀r-manbɛ!»

1 Samɩɛl 10:9

A Sawul na wa bɛr a Samɩɛl a, a Naaŋmɩn tɩ ɩ na ʋ lɩɛbɩ ʋ za, ɛ́ a yele al za a Samɩɛl na tɩ yel kʋ̀ a tɩ ɩ n a ʋlɩ bibir nɛ.

1 Samɩɛl 19:20

Lɛ n'a a Sawul lɛb tɩ tõ nɩbɛ kɛ́ bɛ tɩ nyɔw a Daviir. Bɛ tɩ nyɛ̃ nɩ naaŋmɩn-ƴɛ̀r-manbɛ bɛ ɓã taa a, ɛ́ a naaŋmɩn-ƴɛ̀r-manbɛ ƴã-cɩrʋ tɛr bɛ, ɛ́ a Samɩɛl de bɛ niwn. A Naaŋmɩn Vʋʋrʋ mɩ̀ tɩ siw nɩ a Sawul nɩbɛ zu, a naaŋmɩn-ƴɛ̀r-manbɛ ƴã-cɩrʋ mɩ̀ tɛr bɛ.

Ƴɛ̀r-dɩrbɛ 15:14

Ʋ na tɩ ta a Lehi a, a Filisɩtɛ̃ mɩnɛ tɩ ŋmɩɛr'ɩ zɛb-tʋ̃ɔ́fʋ cɛlsɩ tuore nɩ ʋ. Lɛ n'a a Sore Vʋʋrʋ tɩ siw a Samsɔ̃: a mie na tɩ 'lẽ a ʋ kpãkpamɛ nɩ a ʋ nuru a, tɩ yɔl'ɩ mɔlɛ mɔlɛ lɛ, mɛ̃ lɛ̃ fomiwr vũu na dɩ a.

1 Samɩɛl 11:6

A Sawul na wa wõ a ƴɛ̀r-bie á ŋá a, a Naaŋmɩn Vʋʋrʋ tɩ siw nɩ a ʋ zu daadaalɛ, ɛ́ suur ír ʋ bɛ dɩ vuo ɩ.