1 Samɩɛl 10:5 - A SƐB-SÕW

⁵ Al pùorí, fʋ na ta n a Naaŋmɩn tãgɛ̃́, a be a Filisɩtɛ̃ mɩnɛ sojarɩ na be a. A be a, fʋ̃ʋ wa kpɩɛr a tẽw pʋɔ a, fʋ na tuor'ɩ naaŋmɩn-ƴɛ̀r-manbɛ na yi a maalʋ-zie siwr a: pɛ̀n-ŋmɩɛrbɛ de bɛ nɩ niwn lãwnɩ gãga-ŋmɩɛrbɛ, nɩ weli-pɛblbɛ nɩ korijom-ŋmɩɛrbɛ. Naaŋmɩn-ƴɛ̀r-manɛ ƴã-cɩrʋ na tɛr'ɩ bɛ za.

1 Samɩɛl 10:5 Referans Kwoze

2 Na-mɩnɛ 3:15

Ƴɛrɛŋa a, nyɩ tɛr bʋ̃-ŋmɩɛrɛ wa kʋ̀ m.» A bʋ̃-ŋmɩɛrɛ na tɩ ŋmɩɛr a, a Sore fãw tɩ wa n a Elize zie,

1 Samɩɛl 19:20

Lɛ n'a a Sawul lɛb tɩ tõ nɩbɛ kɛ́ bɛ tɩ nyɔw a Daviir. Bɛ tɩ nyɛ̃ nɩ naaŋmɩn-ƴɛ̀r-manbɛ bɛ ɓã taa a, ɛ́ a naaŋmɩn-ƴɛ̀r-manbɛ ƴã-cɩrʋ tɛr bɛ, ɛ́ a Samɩɛl de bɛ niwn. A Naaŋmɩn Vʋʋrʋ mɩ̀ tɩ siw nɩ a Sawul nɩbɛ zu, a naaŋmɩn-ƴɛ̀r-manbɛ ƴã-cɩrʋ mɩ̀ tɛr bɛ.

1 Samɩɛl 13:3

Bibir kãw, a Zonatã tɩ kʋ n a Filisɩtɛ̃ mɩnɛ nãà-lɩɛrɛ na tɩ be a Geva a. A Filisɩtɛ̃ mɩnɛ tɩ wõ a na. Lɛ n'a a Sawul tɩ ƴãw bɛ pɛblɩ wɩ́ɛ a tẽw za pʋɔ yel à ŋá: «A Ebre mɩnɛ, bɛ wõ a yel ŋa.»

2 Na-mɩnɛ 2:15

A Zeriko naaŋmɩn-ƴɛ̀r-manbɛ lãw nɩbɛ na tɩ àr zãá, ɛ́ nyɛ̃ a lɛ a Elize na ɩ a, tɩ yel'a: «A naaŋmɩn-ƴɛ̀r-manɛ vʋʋrʋ na tɩ be a Eli zie a, a Elize zie n'a ʋ be ƴɛrɛŋa.» Bɛ tɩ tuori ʋ na, gbĩ dume gũu tɩ tɔ tẽw a ʋ niŋé,

2 Na-mɩnɛ 2:5

A naaŋmɩn-ƴɛ̀r-manbɛ lãw nɩbɛ bɛl na kpɩɛr a Zeriko a tɩ taw na ta a Elize zie sowr'ʋ: «Fʋ bãwnɩ a na a Sore na na ír a fʋ nɩ-kpɛ̃ɛ, a dɩ̃a, do n a salom zu a?» A Elize tɩ sɔw na: «Ʋ̃ʋ, ɩ̃ mɩ̀ bãwnɩ a na, ɛcɛ nyɩ ta ƴɛ̀rɛ a ƴɛ̀rʋ a ɩ̃ zie ɩ!»

2 Na-mɩnɛ 2:3

A naaŋmɩn-ƴɛ̀r-manbɛ lãw nɩbɛ bɛl na kpɩɛr a Betɛl a, tɩ tuor'ɩ a Elize sowr'ʋ: «Fʋ bãwnɩ a na a Sore na na ír a fʋ nɩ-kpɛ̃ɛ, a dɩ̃a, do n a salom zu a?» A Elize tɩ sɔw na: «Ʋ̃ʋ, ɩ̃ mɩ̀ bãwnɩ a na, ɛcɛ nyɩ ta ƴɛ̀rɛ a ƴɛ̀rʋ a ɩ̃ zie ɩ!»

1 Samɩɛl 10:10

A Sawul nɩ a ʋ tõ-tõ-bie na tɩ tarɛ a Givea a, bɛ tɩ tuor'ɩ naaŋmɩn-ƴɛ̀r-manbɛ. Lɛ n'a a Naaŋmɩn Vʋʋrʋ tɩ siw a ʋ zu, ɛ́ a naaŋmɩn-ƴɛ̀r-manɛ ƴã-cɩrʋ been nɛ nyɔw ʋ.

1 Korɛ̃tɩ 14:1

Nyɩ bɔbr a nɔ̃wfʋ. Nyɩ mɩ̀ bɔbr a maalʋ a Vʋʋrʋ Sõw na tɩrɛ a, baa zuo a za a naaŋmɩn-ƴɛ̀r-manɛ tome maalʋ.

Sɛb-sõw yielu 49:4

Yã-bãwfʋ ƴɛ̀rʋ n'a ɩ̃ na ƴɛ̀rɛ, a ɩ̃ tɩɛrʋ na ɩ n nɩr na tɛr yã a tɩɛrʋ.

1 Bibie za yel-manɩ 16:42

Heman nɩ Yedutun tɩ kaarɛ nɩ a wɩɩr nɩ a sɛ̃sɛgɛ zie, lãwnɩ a bʋ̃-ŋmɩɛrɩ al bɛ na mɩ́ ŋmɩɛr yiele nɩ a yiel-son a. Yedutun bidɛbr tɩ ɩ n dɩ̃dɔ-gùrbɛ.

1 Bibie za yel-manɩ 16:5

Asafʋ n'ʋ tɩ ɩ a bɛ nɩ-kpɛ̃ɛ, ɛ́ Zekarɩa tu a ʋ zu. A pùorí, Azɩɛl, Semiramɔtɩ, Yehɩɛl, Matitɩa, Eliyaavʋ, Benayahu, Ovɛdɩ-Edɔm nɩ Yeyɩɛl tɩ ŋmɩɛr'ɩ pɛ̀nɛ́ nɩ korijom ɛ́ Asafʋ wɔwrɛ sɛ̃sɛgɛ.

1 Bibie za yel-manɩ 13:8

A Daviir nɩ a Ɩsɩrayɛl nɩbɛ za tɩ ƴawr'a nɩ a bɛ fãw za a Naaŋmɩn niŋé, yiele ŋmɩɛr'ɩ korijom, pɛ́nɛ̀, gãgaɩ, sɛ̃sɛgɛ, pɛblɛ nɩ wɩɩr.

2 Na-mɩnɛ 6:1

Bibir kãw, a naaŋmɩn-ƴɛ̀r-manbɛ lãw nɩbɛ tɩ yel'ɩ a Elize: «Nyɛ̃, a zie ʋl tɩ na mɩ́ ɓã taa a fʋ zie a, ʋ ɩ n pʋrɩ zuo a tɩ ƴãw.

2 Na-mɩnɛ 4:38

A Elize tɩ lɛb'a wa a Gilgal. Kɔ̃ tɩ lo n a tẽw pʋɔ a lɛn daar. A naaŋmɩn-ƴɛ̀r-manbɛ lãw nɩbɛ na tɩ ɓã taa a ʋ zie a, ʋ yel'ɩ a ʋ tõ-tõ-bie: «Dʋwlɩ a ziduwli-kpɛ̃ɛ maal'ɩ zɛ-kʋ̃ɔ kʋ̀ tɩ.»

1 Samɩɛl 9:12

A pɔwsɩrali tɩ sɔw bɛ na: «Ʋ̃ʋ, ƴɛrɛŋa n'a ʋ de niwn ta a nyɩ ƴãw. A tɩ maalʋ-zie bàwr bibir'ɩ a dɩ̃a, alɛ so ʋ wa a tɩ tẽw pʋɔ a dɩ̃a, nyɩ cen fɔ̃w,

1 Samɩɛl 10:4

Bɛ na puori fʋ na, ɛ́ kʋ̀ fʋ dipɛ̃ ayi fʋ na na sàw de a.

1 Samɩɛl 13:2

A Sawul tɩ kaa na ír sojarɩ túr-ata (3 000) a Ɩsɩrayɛl nɩbɛ pʋɔ: túr-ayi (2 000) tɩ be n a ʋ zie, a Mikɩmasɩ nɩ a Bethel tan vuo pʋɔ, ɛ́ túr (1 000) be a Zonatã zie a Bɛ̃zamɛ tẽw Givea. A Sawul tɩ bɛr'ɩ a Ɩsɩrayɛl nɩbɛ ŋmãa na cɛ a, bɛ lɛb kul a bɛ yie pʋɔ.

1 Bibie za yel-manɩ 11:16

A Daviir tɩ be n a ʋ sɔwlʋ zie bɛ na gù vla a pʋɔ, ɛ́ Filisɩtɛ̃ mɩnɛ na-kpɛ̃ɛ-lɩɛrɛ kãw be a Bɛtɩlɛm.

Sɛb-sõw yielu 92:3

Nyɛ̃ a fʋ nɔ̃wfʋ manʋ a biɓaara, nɩ a fʋ na ŋmɛ̃ fʋ ŋmɛ̃a a manʋ a tɩ̃ɩsɔw na tɛr nʋ̃ɔ̀ a,

1 Na-mɩnɛ 18:29

A mʋ̃tɔ̃w na wa gɔ̃w a, bɛ lɛb'a bãw bʋɔlɛ a Báàl ɩrɛ nɩ mɛ̃ kɔ̃tɔ̃-ìrbɛ a, tɩ ta n a zaanʋɔra bàwr tɛm. Ɛcɛ bɛ bɛ tɩ wõ sɔwfʋ kãw za ɩ: bɛ bɛ wõ ƴɛ̀r-bir, bɛ nyɛ̃ bãwfʋ ɛ.

2 Na-mɩnɛ 2:7

Naaŋmɩn-ƴɛ̀r-manbɛ lɩz'a ayi nɩ pie tɩ páw bɛ na, tɩ tɛw àr zãá nɩ a Eli nɩ a Elize na àr a Zurdɛ̃ nʋɔr a.