1 Samɩɛl 10:24 - A SƐB-SÕW

²⁴ A Samɩɛl tɩ yel'ɩ a Naaŋmɩn nɩ-bʋʋrɛ za: «Nyɩ nyɛ̃ nɩ a sob nɛ a Sore na kaa ír a a? Ʋ bɛ tɛr ʋ tɔ a Naaŋmɩn nɩ-bʋʋrɛ za pʋɔ ɩ.» A Naaŋmɩn nɩ-bʋʋrɛ za tɩ ŋmɛ n cɛlsɩ yel: «Kuryii, a nãà, ʋ vʋʋrɛ!»

1 Samɩɛl 10:24 Referans Kwoze

1 Na-mɩnɛ 1:39

A bàwr-maalɛ Sadɔkɩ tɩ de nɩ a ɩɩl na paalɩ a kãá a, a Sore pɛn-sɛw pʋɔ, cir ƴãw a Salomɔ̃ zũú, ka nũu ƴãw ʋ k'ʋ ɩ a nãà. Lɛ n'a bɛ tɩ pɛblɩ a wɩ́ɛ, ɛ́ a bɛlɩ dem za na be a be a cáarɛ yere nɩ: «A nãà Salomɔ̃, ʋ vʋʋrɛ!»

1 Na-mɩnɛ 1:25

Bʋ̃ʋ n'ʋ vɛ̃, ʋ siw nɩ a Ɛɩn-Orogɛl a dɩ̃a, tɩ maal'ɩ cuw-kpɛ̃ɛ, kʋ nadɛɛ yaga za, nadeli-'wɔɛ nɩ píir yaga yaga maal'ɩ bàwr. Ʋ bʋɔl'ɩ a fʋ bidɛbr a be, de nɩ a sojarɩ nɩ-bɛrɛ nɩ a bàwr-maalɛ Abɩataar. Bɛ za lãw nɩ ʋ na dɩrɛ ɛ́ nyúur, cáarɛ yere nɩ à ŋá: “A nãà, ʋ vʋʋrɛ!”

2 Samɩɛl 21:6

Bɛ kʋ̀ tɩ a ʋ bʋʋrɛ nɩbɛ ayopõi, ɛ́ tɩ na yawlɩ bɛ na kʋ a Sore niŋé, a Givea, na ɩ a nãà Sawul a Sore na kaa ír a, tẽ-kpɩɛra a.» A nãà tɩ yel'a: «Ɩ̃ na nyɔw bɛ na kʋ̀ nyɩ.»

Wulu-ayi-sob 17:15

A lɛn daar a, nyɩ na de nɩ a nɩr ʋl, a Sore nyɩ Naaŋmɩn mɩŋa na na kaa ír a, ʋ ɩ a nãà. Ʋ na ɩ n Ɩsɩrayɛl nɩr, nyɩ bɛ sàwr nɩ-sãan ɩrɛ a nãà ɩ, nɩr na bɛ ɩ a nyɩ bʋʋrɛ nɩr a ɩ.

2 Na-mɩnɛ 11:12

Lɛ n'a a Yehoyada tɩ ƴãw a Zowasɩ yi: ʋ vɔblɩ ʋ a nãà-kpawʋɔ, ɛ́ de a wõ-taa sɛbɛ kʋ̀ ʋ. Al pùorí bɛ cir a kãá ƴãw ʋ a zũú, ɩ k'ʋ ɩ a nãà. Daadaalɛ, a nɩbɛ za tɩ puore nɩ nuru carcarcar, ɛ́ cɩɩrɛ yere nɩ: «A nãà, ʋ vʋʋrɛ!»

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»

1 Na-mɩnɛ 1:34

A bàwr-maalɛ Sadɔkɩ nɩ a naaŋmɩn-ƴɛ̀r-manɛ Natan na tɩ cir'ɩ a kãá ƴãw ʋ a zũú a be, ka nũu ƴãw ʋ k'ʋ ɩ a Ɩsɩrayɛl nãà. A lɛ n'a nyɩ na pɛblɛ a wɩ́ɛ cáarɛ yere nɩ: “A nãà Salomɔ̃, ʋ vʋʋrɛ!”

1 Na-mɩnɛ 1:21

Alɛ bɛ ɩ lɛ, ɛ́ fʋ̃ʋ wa kpi cen tɩ páw a fʋ sãà mɩnɛ a, bɛ na ɩ n mãa nɩ a fʋ bidɛb Salomɔ̃, mɛ̃ sãwna dem'ɩ tɩ a.»

1 Samɩɛl 9:2

A Kisɩ tɩ tɛr'ɩ bidɛb kãw ʋ dɩ kɛ́ Sawul. Dɛble na pɔ̀l a tɩ n'ʋ. A Ɩsɩrayɛl nɩbɛ pʋɔ a, nɩr bɛ tɩ pɔ̀l ta ʋ ɛ. Ʋ tɩ tɔl'ɩ zu a nɩbɛ za ƴãw.

1 Samɩɛl 12:1

A Samɩɛl tɩ yel'ɩ a Ɩsɩrayɛl nɩbɛ za: «Mãa n'ɩ ŋan bɛr wõ a nyɩ zɛlʋ za: ɩ̃ zɩɩl'ɩ nãà, ʋ dɩrɛ naalʋ a nyɩ zu.

1 Samɩɛl 12:13

Ƴɛrɛŋa a, a nãà nyɩ na kaa ír a n'ɩ ŋan, a ʋl nyɩ na zɛlɩ a Sore kʋ̀ nyɩ a.

2 Samɩɛl 16:16

A Daviir yã-wule, Husaɩ, na ɩ Arkitɩ a, tɩ ta n a Abɩsalɔm zie, ŋmɛ cɛl yel: «Kuryii, a nãà, ʋ vʋʋrɛ! Kuryii, a nãà, ʋ vʋʋrɛ!»

2 Bibie za yel-manɩ 23:11

Lɛ n'a a Yehoyada nɩ a ʋ bidɛbr tɩ ƴãw a Zowasɩ yi: bɛ tɩ vɔblɩ ʋ nɩ a nãà-kpawʋɔ, ɛ́ de a wõ-taa sɛbɛ kʋ̀ ʋ, al pùorí bɛ cir a kãá ƴãw ʋ a zũú, ɩ k'ʋ ɩ a nãà. Daadaalɛ, a nɩbɛ za tɩ cɩɩrɛ na yere nɩ: «A nãà, ʋ vʋʋrɛ!»

1 Samɩɛl 11:15

Lɛ n'a a nɩbɛ za tɩ cen a Gilgal. A Gilgal be a, bɛ tɩ zɩɩl'ɩ a Sawul, ʋ ɩ a nãà a Sore niŋé, bɛ tɩ maal'ɩ ƴã-ɓaarʋ bàwr kʋ̀ a Sore. A Sawul nɩ a Ɩsɩrayɛl nɩbɛ za tɩ nyɔw nɩ cuw maalʋ a be.