1 Samɩɛl 1:26 - A SƐB-SÕW

²⁶ A Ana tɩ yel'ɩ a Eli: «Fʋ gaafara! Ɩ̃ pɔ na kɛ́ mãa n'ɩ a pɔw ʋl na tɩ sɔwrɩ nɛ àr kɔw fʋ a ka puore a Sore a.

1 Samɩɛl 1:26 Referans Kwoze

2 Na-mɩnɛ 4:30

Ɛcɛ a bie mã tɩ yel'ɩ a Elize: «A Sore na vʋʋrɛ a zũú, nɩ fʋ mɩ̀ na vʋʋrɛ a zũú, ɩ̃ bɛ bɛrɛ fʋ kɛ́ cere ɩ!» Lɛ n'a a Elize tɩ ìr tu ʋ.

2 Na-mɩnɛ 2:6

A Eli tɩ cãà na lɛb yel a Elize: «Ɩ̃ zɛlɛ fʋ na, zɩ̃ a ka, a Sore tone mɛ̃ nɩ Zurdɛ̃.» Ɛcɛ a Elize tɩ sɔw na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw lo a sɔ́r cere.

2 Na-mɩnɛ 2:4

A Eli tɩ lɛb'a yel a Elize: «Elize e, ɩ̃ zɛlɛ fʋ na, zɩ̃ a ka! A Sore tone mɛ̃ nɩ Zeriko.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Zeriko.

2 Na-mɩnɛ 2:2

Bɛ na tɩ ta zie kãw a, a Eli yel'ɩ a Elize: «Ɩ̃ zɛlɛ fʋ na, zɩ̃ a ka, a Sore tone mɛ̃ nɩ Betɛl.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Betɛl.

2 Samɩɛl 11:11

A Uuri tɩ sɔw ʋ na: «A wõ-taa daga, a Ɩsɩrayɛl nɩ a Zuda zɛbr-nɩbɛ kpɩɛr'ɩ sɛwr pʋɔ. A ɩ̃ nɩ-kpɛ̃ɛ Zowab nɩ a fʋ sojarɩ nɩ-bɛrɛ ganɛ nɩ wɛrʋ pʋɔ, ɛ́ mãa na kul a ɩ̃ yir tɩ dɩ, ɛ́ nyũ, ɛ́ gã nɩ a ɩ̃ pɔw ɩ? Fʋ na vʋʋrɛ a zũú, ɩ pɔ n fʋ na, ɩ̃ bɛ be za na maalɩ a yel ŋa tɔ ɩ.»

1 Samɩɛl 20:3

A Daviir tɩ lɛb'a yel ʋ: «Mãa yel fʋ, à ŋá tɔr za n'a. A fʋ sãà bãwnɩ a nɩ vla vla fʋ na nɔnɛ mɛ̃ a, lɛ so ʋ tɩɛrɩ ʋ pʋɔ à ŋá: “A Zonatã, ʋ ta bãwnɩ a ɩ, alɛ bɛ ɩ lɛ, a na ɩ n kpɩɛrʋ a ʋ zie.” Ɛcɛ, ɩ̃ pɔ n nɩ a Sore na vʋʋrɛ a, nɩ a fʋ̃ʋ mɩŋa nyɔ-vʋʋrʋ, kũu bɔw nʋɔrɩ́ n'a ɩ̃ be!»

1 Samɩɛl 17:55

A Sawul na tɩ nyɛ̃ a Daviir ʋ cere k'ʋʋ tɩ zɛb'ɩ a Filisɩtɛ̃ dɔɔ a, ʋ tɩ sowr'ɩ a sojarɩ nɩ-kpɛ̃ɛ Avɩnɛɛr: «Avɩnɛɛr i, ãa bidɛb'ɩ a dɛble ŋa?» A Avɩnɛɛr tɩ sɔw na: «Nãà a, ɩ̃ bɛ bãw ɛ.»

2 Samɩɛl 14:19

A nãà yel: «A Zowab bɛ n'ʋ ƴãw fʋ ɩrɛ à à ŋá za ɩ?» A pɔw sɔw: «Ɩ̃ pɔ n nɩ a fʋ nyɔ-vʋʋrʋ, lɛ tɔr za n'a! A fʋ tõ-tõ-bie Zowab n'ʋ sɩrɩ yel a ƴɛ̀r-bie al za a na fɛr k'ɩ̃ɩ yel a.

Yele-za-pɛr-tib 42:15

Ɛcɛ ɩ̃ na ɩ nyɩ na kaa: a Faarawɔ̃ bɛ wa n'ʋ a na, alɛ bɛ ɩ lɛ, a nyɩ yɛ-bile bɛ wa wa a ka a, nyɩ bɛ yire a tẽw ŋa pʋɔ ɩ.

1 Samɩɛl 25:26

Ɛcɛ, ƴɛrɛŋa a, a Sore na vʋʋrɛ a, nɩ a fʋ mɩŋa nyɔ-vʋʋrʋ ƴãw, a Sore n'ʋ bɛ sàw kɛ́ fʋ kʋ kũu tʋ̃ɔ́ wul a fʋ mɩnʋ ɛ. A fʋ dɔ̃ dem nɩ a bɛlɩ dem na bɔbr fʋ faa a, a ŋmɛ̃ bɛ a lɛ a na na ŋmɛ̃ a Naval a.

1 Bibie za yel-manɩ 4:10

A Yaebɛsɩ tɩ puor'ɩ à ŋá: «Ɩsɩrayɛl Naaŋmɩn i, sàw kʋ̀ m a fʋ maalʋ. Ɩ a ɩ̃ bʋ̃-tɛrɩ yãwmɛ dɔwlɩ, piw mɛ̃ tɛr nɩ a fʋ nũu, ɛ́ ɩ a baw-bio nɩ a kpɩɛrʋ zãá nɩ mɛ̃!» A Naaŋmɩn tɩ ɩ n a lɛ ʋ na zɛlɩ a.