1 Samɩɛl 1:22 - A SƐB-SÕW

²² Ɛcɛ a Ana bɛ tɩ páw a ʋ sɩr do ɩ, ʋ tɩ yel ʋ na: «Tɩ gù a bie tɩ kpɩr a bɩr, a lɛn daar a, ɩ̃ na tɛr ʋ na do n tɩ wul a Sore, ʋʋ be a be daadaa.»

1 Samɩɛl 1:22 Referans Kwoze

1 Samɩɛl 1:28

A mãa mɩ̀ a, ɩ̃ dier ʋ na kʋ̀rɛ a Sore. A ʋ cãafʋ daar za a, ʋ na ɩ n a Sore sób.» Bɛ tɩ gũu na tɩ tɔ tẽw a be, a Sore niŋé.

1 Samɩɛl 1:11

Ʋ tɩ kõ n nʋɔr à ŋá: «Sore Kpɛnʋ-za-sob i, fʋ̃ʋ wa sàw nyɛ̃ a fʋ tõ-tõ-bi-pɔw kpɩɛrʋ a, fʋ̃ʋ wa sàw tɩɛrɛ a ɩ̃ yele, bɛ yiiri a fʋ tõ-tõ-bi-pɔw bɛr, ɛ́ sàw kʋ̀ ʋ dɛble a, ɩ̃ na de ʋ na kʋ̀ fʋ, a ʋ cãafʋ daar za, ɛ́ bʋra kʋ̃ tɔ a ʋ zu ɛ.»

Luka 2:22

A bibir na wa vɩɛ, bɛ na na tu a bɛ dɛwr-so-bɛrʋ tub mɛ̃ a lɛ a Moyiir wulu na ƴãw a, a Yeezu sãà nɩ a ʋ mã tɩ ɓáw ʋ na cen nɩ a Zerizalɛm, kɛ́ bɛ tɩ de ʋ kʋ̀ a Sore,

1 Samɩɛl 3:1

A Samɩɛl ʋl na tɩ cãà ɩ pɔlbile a tɩ tone nɩ a Sore tome a Eli niŋé. A lɛn daar, a Sore bɛ tɩ ƴɛ̀rɛ cãcã a nɩbɛ zie ɩ, ɛ́ a ʋ nyɛ́b bɛ tɩ ɩ cãcã ɩ.

1 Samɩɛl 2:18

A Samɩɛl na tɩ cãà ɩ pɔlbile a tɩ tone nɩ a ʋ tome a Sore niŋé. Lɛ̃ pɛn kparʋ n'ʋ ʋ mɩ́ tɩ su.

1 Samɩɛl 2:11

A yele á ŋá pùorí, a Ɛlkana tɩ lɛb'a kul a ʋ yir a Arama. Ɛcɛ a bie tɩ tone nɩ a Sore tome a bàwr-maalɛ Eli niŋé.

Wulu-ayi-sob 16:16

Yũon za a, a nyɩ nɩ-bʋʋrɛ dɛbr za na mɩ́ cen nɩ a Sore nyɩ Naaŋmɩn niŋé, a zie ʋl ʋ na na kaa ír a: a Dipɛ̃-na-bɛ-ƴãw-dãbɩl-a cuw daar, a Dàrʋ cuw daar, nɩ a Sɛwr cuw daar. Bɛ bɛ cere a be nũ-zawl ɛ.

Levitɩ mɩnɛ 25:23

«Nyɩ bɛ kʋɔrɛ tẽsɔw a nʋɔr kʋrɛ ɩ, bʋ̃ʋ n'ʋ vɛ̃, mãa so a tẽsɔw, a mãa Sore, ɛ́ nyɩ na ɩ na mɛ̃ nʋʋrɩ nɩ sãanbɛ a, a ɩ̃ tẽw pʋɔ.

Ɩzayi 9:7

A Sore ƴɛ̀r'ɩ ƴɛ̀rʋ a Zakɔb bʋʋrɛ ƴãw, a ƴɛ̀rʋ lo n a Ɩsɩrayɛl naalʋ-tẽw zu.

Sɛb-sõw yielu 110:4

Pɔb ŋa n'ʋ a Sore pɔ, ʋʋ bɛ lɩɛbɛ bɛrɛ ɩ: «Fʋ ɩ n bàwr-maalɛ kʋralɛ, mɛ̃ a lɛ a Mɛlkɩsedɛkɩ na tɩ ɩ a.»

Sɛb-sõw yielu 27:4

Bʋ̃-been yõ n'ʋ ɩ̃ zɛlɛ a Sore zie, bʋ̃-been yõ ɩ̃ na bɔbr tuotuo a: ɩ̃ kpɩɛr a Sore yir pʋɔ a ɩ̃ bibi-vɩɛrɩ za, tʋ̃ɔ́ úore a Sore vɩɛlʋ ɛ́ puore a ʋ yir pʋɔ.

Sɛb-sõw yielu 23:6

Yel-mɩŋa n'a, vɩɛlʋ nɩ nɔ̃wfʋ na tuur mɛ̃ nɩ a ɩ̃ bibi-vɩɛrɩ za. Ɩ̃ na lɛb'a wa a Sore yir pʋɔ bibi-yaga ƴãw.

Zozue 4:7

nyɩ na sɔw bɛ na: “A lɛn daar a Sore wõ-taa daga na tɩ tɔl a Zurdɛ̃ pʋɔ a, a Zurdɛ̃ kʋ̃ɔnɩ ŋmãa nɩ a ʋ niŋé! Sɩza, a Zurdɛ̃ kʋ̃ɔnɩ tɩ ŋmãa na. A kʋsɛbɛ á ŋá n'a ɩ a Ɩsɩrayɛl nɩbɛ mɩ́ cãà bãwnɩ a yel ŋa kʋralɛ.”»

Eziptɩ tẽw yib 21:6

a ʋ zu-sob na ɩ na k'ʋ taw pɩɛlɩ a Naaŋmɩn, ʋ na ɩ na k'ʋ taw pɩɛlɩ a dɩ̃dɔr bɩɩ a dɩ̃dɔr dàa, ʋʋ vʋr ʋ a tobr nɩ bʋ̃-cɩlʋ. A lɛn daar a, a sob nɛ na ɩ n a ʋ gbãgbaa kʋralɛ.

1 Samɩɛl 13:13

A Samɩɛl tɩ yel'ɩ a Sawul: «Dãbol tome n'a fʋ tõ! Fʋ bɛ sàw a Sore fʋ Naaŋmɩn nʋɔr ɛ, a ʋl ʋ na tɩ ƴãw kʋ̀ b kɛ́ fʋ tuur a. Fʋ̃ʋ tɩ sàw tu ʋ a, a Sore nãà ɩ na a fʋ yir dem dɩrɛ naalʋ kʋralɛ a Ɩsɩrayɛl zu.

1 Samɩɛl 28:2

A Daviir tɩ sɔw nɩ a Akisɩ: «A vɩɛl'a, fʋ̃ʋ mɩŋa na nyɛ̃ nɩ a lɛ a fʋ tõ-tõ-bie na na ɩ a.» A Akisɩ lɛb yel à ŋá: «Alɛ wa ɩ à ŋá a, fʋ na ɩ n a soja na gùre mɛ̃ bɛ yire pùor a, kʋralɛ.»