1 Samɩɛl 1:20 - A SƐB-SÕW

²⁰ A Ana tɩ tɛr'ɩ pʋɔ, ɛ́ a daar na wa ta a, ʋ dɔw nɩ dɛble, ɛ́ yel à ŋá: «Ɩ̃ na zɛlɩ ʋ a Sore zie a, ɩ̃ na por ʋ na kɛ́ Samɩɛl.»

1 Samɩɛl 1:20 Referans Kwoze

Matie 1:21

Ʋ na dɔw nɩ dɛble fʋ por a yúor kɛ́ Yeezu, ʋlɛ n'ʋ na faa a ʋ nɩ-bʋʋrɛ a bɛ yel-bebe pʋɔ.»

Eziptɩ tẽw yib 2:10

A bie na wa ɩ kpɛ̃ɛ a, a mã tɛr ʋ na tɩ kʋ̀ a Faarawɔ̃ pɔwyaa, ʋ de ʋ k'ʋ ɩ a ʋ bidɛb, ʋʋ por ʋ a yúor kɛ́ Moyiir. Bʋ̃ʋ n'ʋ vɛ̃, ʋ tɩ yel'a: «Kʋ̃ɔmɩ́ n'a ɩ̃ ír ʋ.»

Eziptɩ tẽw yib 2:22

A Sefora tɩ dɔw nɩ bidɛb, a Moyiir por a yúor kɛ́ Gɛrsom, a pɛr lɛ kɛ́ “Nʋʋra-a-ka”. Bʋ̃ʋ n'ʋ vɛ̃, ʋ tɩ yel'a: «Ɩ̃ lɩɛb'ɩ nʋʋra tẽ-sãan pʋɔ.»

Yele-za-pɛr-tib 16:11

A Sore malkɩ tɩ cãà na lɛb yel ʋ: «Fʋ tɛr'ɩ pʋɔ, ɛ́ na dɔw dɛble. Fʋ na por'ɩ a ʋ yúor Ɩsɩmayɛl, bʋ̃ʋ n'ʋ vɛ̃, a Sore wõ n a kpɩɛrʋ cɛl fʋ na ŋmɛ a.

Yele-za-pɛr-tib 5:29

Ʋ tɩ por'ɩ a yúor kɛ́ Nowe. Bʋ̃ʋ n'ʋ vɛ̃, ʋ tɩ yere na: «A sob ŋa n'ʋ na mɔwlɩ tɩ a tɩ tome pʋɔ, nɩ a bàlʋ a na fɛr kɛ́ tɩ nyɛrɛ a pʋɔ, a Sore na ŋmɛ ƴãw a tẽsɔw a zũú.»

Yele-za-pɛr-tib 4:25

A Adama tɩ lɛb'a páw a ʋ pɔw, ʋ dɔw bidɛb por a yúor Sɛtɩ, bʋ̃ʋ n'ʋ vɛ̃, ʋ tɩ yere na: «Naaŋmɩn kʋ̀ m'ɩ bidɛb-yũo lɩɛr'ɩ a Abɛl a Kayɛ̃ na kʋ a.»

Ebre 11:32

Bʋ̃ʋ n'ʋ ɩ̃ na lɛb yel? Vuo bɛ ka be ɩ̃ na ƴɛ̀r a Zedeɔ̃, Barakɩ, Samsɔ̃, Zɛfɩte, Daviir, Samɩɛl nɩ a naaŋmɩn-ƴɛ̀r-manbɛ ƴɛ̀rʋ ɛ.

Yele-za-pɛr-tib 30:22

Lɛ n'a a Naaŋmɩn tɩ tɛr a Arasɛl tɩɛrʋ. Ʋ tɩ sàw na de a ʋ puoru, ɛ́ ɩ ʋ tɛr a dɔwfʋ.

1 Bibie za yel-manɩ 4:10

A Yaebɛsɩ tɩ puor'ɩ à ŋá: «Ɩsɩrayɛl Naaŋmɩn i, sàw kʋ̀ m a fʋ maalʋ. Ɩ a ɩ̃ bʋ̃-tɛrɩ yãwmɛ dɔwlɩ, piw mɛ̃ tɛr nɩ a fʋ nũu, ɛ́ ɩ a baw-bio nɩ a kpɩɛrʋ zãá nɩ mɛ̃!» A Naaŋmɩn tɩ ɩ n a lɛ ʋ na zɛlɩ a.

Sɛb-sõw yielu 120:1

Zerizalɛm dob daar yielu. Ɩ̃ na tɩ be a kpɩɛrʋ pʋɔ a, ɩ̃ kõ na bʋɔlɩ a Sore, ɛ́ ʋ sɔw mɛ̃.