1 Pɩɛr 4:11 - A SƐB-SÕW

¹¹ Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Pɩɛr 4:11 Referans Kwoze

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

Efɛɛzɩ 6:10

A al na cɛ a n'ɩ kɛ́ nyɩ tɛr fãw na yi nyɩɩm nɩ a Sore lãw-taa pʋɔ a, nyɩ tɛr fãw na yi a ʋ fãw na kpɛmɛ bɛ tɛr tɔ a pʋɔ.

1 Pɩɛr 4:10

A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.

Nɩ-toni 7:38

A wɛja-kpalɛ pʋɔ lãw daar a, a Moyiir'ʋ tɩ be a tɩ sãàkʋm-kore nɩ a malkɩ cará, ɛ́ a malkɩ ƴɛ̀rɛ nɩ ʋ a Sinayi tãw zu. Ʋlɛ n'ʋ de a nyɔ-vʋʋrʋ ƴɛ̀r-bie wa kʋ̀ tɩ.

Efɛɛzɩ 4:29

Ƴɛ̀r-faa za bɛ sɛw k'ʋʋ yi a nyɩ nʋɔrɩ́ ɛ, ɛcɛ nyɩ ƴɛ̀rɛ ƴɛ̀r-bie na tɛr yel-ɩra na na tʋ̃ɔ́ sõw ɛ́ wa n maalʋ a bɛlɩ dem na bɛrɛ wone nyɩ a zie a.

Ʋrɔm 3:2

A tɔnɛ bɛ dɩ vuo ɩ, a za lɛ pʋɔ. A dãw-niwn sob a, Zifʋ mɩnɛ nɛbɛ a Naaŋmɩn ƴɛ̀r a ʋ ƴɛ̀rʋ kʋ̀ kɛ́ bɛ maal tɛr.

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Kɔlɔsɩ 4:6

Nyɩ mɩ́ ɩ a nyɩ ƴɛ̀rʋ nʋmɛ kʋralɛ mɛ̃ bom bɛ na ƴãw nyaarʋ a, ɛ́ sõwne a nɩbɛ. Nyɩ mɩ́ bãw a sɔwfʋ sɔw vla kʋ̀ ŋa za.

1 Korɛ̃tɩ 12:4

A Naaŋmɩn maalʋ ɩ n tɛɛtɛɛ, ɛ́ yi a Vʋʋrʋ Sõw been zie.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.

Ebre 5:12

A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab ɛ.

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

1 Korɛ̃tɩ 3:10

Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Ɩzayi 8:20

nyɩ na sɔw na: «A wulu nɩ a Sore ƴɛ̀rʋ lɛb-deb'a fɛrɛ.» Nɩr bɛ wa ƴɛ̀r à à ŋá a, ʋ kʋ̃ nyɛ̃ a zi-wɛl-paala ɩ.

Sɛb-sõw yielu 145:13

A fʋ naalʋ ɩ n naalʋ na be kʋralɛ a, fʋ na dɩrɛ nɩ naalʋ yome yome za. A Sore mɩ́ tu n a lɛ ʋ na yel a, a ʋ nɔ̃wfʋ mɩ́ sãá nɩ a ʋ ɩ-ɩrɩ za pʋɔ.

1 Pɩɛr 5:11

Ʋlɛ so kpɛnʋ yome yome za! Amɛn.

Zakɩ 1:26

Nɩr wa yel k'ʋʋ puore na, ɛ́ bɛ mɩ́ maal tɛr a ʋ nʋɔr a, ʋ bɛlɛ nɩ ʋ tʋɔra: a ʋ Naaŋmɩn puoru bɛ tɛr pɛr ɛ.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Efɛɛzɩ 5:20

Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

1 Korɛ̃tɩ 6:20

Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

Zeremi 23:22

Bɛlɛ tɩ be a ɩ̃ yã-wulbɛ kpaarʋ pʋɔ a, bɛ nãà ɩ na a ɩ̃ nɩbɛ bãw a ɩ̃ ƴɛ̀rʋ, bɛ nãà ɩ na a nɩbɛ bɛr a bɛ sɔr-faa nɩ a bɛ ɩ-faar bɛ na ɩrɛ a.»

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

Ʋrɔm 16:27

A Naaŋmɩn yõ na ɩ yã-bãwnɛ a, ʋlɛ so yúor-vɩɛlʋ-danʋ a Yeezu Kɩrɩta ƴãw, a yome yome za! Amɛn.

Zã 13:31

A Zuda na wa yi baar'a, a Yeezu yel'a: «Ƴɛrɛŋa a, a Nɩsaal Bie pãa nyɛ̃ nɩ yúor-vɩɛlʋ-danʋ, ɛ́ Naaŋmɩn nyɛ̃ yúor-vɩɛlʋ-danʋ a ʋ pʋɔ.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

Efɛɛzɩ 1:19

Ʋ ɩ nyɩ bãw a ʋ kpɛnʋ ʋl na ɩ kpɛ̃ɛ bɛ tɛr manʋ, ʋ na wul ʋ sãá a tɩɩm na sàw de a ƴãw a. A ʋ fãw tome a, a ʋ kpɛnʋ na bɛ dɩ vuo a, ʋ ɩ na a sãá a Kɩrɩta zie,

1 Tesalonikɩ 2:4

Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a.

Títɩ̀ 2:1

Ɛ́ a fʋ̃ʋ a, wule a nɩbɛ a lɛ na tu a wul-vla a.

Títɩ̀ 2:15

À ŋá n'a a sɛw kɛ́ fʋ ƴɛ̀rɛ, kɛ́ fʋ kpaalɛ bɛ, ɛ́ kpãanɛ bɛ nɩ fãw. Nɩr za taa wa nyɛ̃ fʋ ɩ pʋrɩ ɛ.

Ebre 13:7

Nyɩ lɛb tɩɛrɩ a nyɩ niw-dierbɛ yele, bɛl na tɩ manɩ a Naaŋmɩn ƴɛ̀rʋ kʋ̀ nyɩ a. Nyɩ nyɛ̃ a lɛ bɛ na vʋʋrɩ tɩ kpi n a, nyɩ cɔwrɛ a bɛ naaŋmɩn-sàw-deb.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

1 Pɩɛr 4:16

Ɛcɛ alɛ wa ɩ ʋ na ɩ kɩrɩta-nɩr a ƴãw n'a a, a ta ɩrɛ ʋ vĩ ɛ, ʋ nɩ̃ɛ danɛ a Naaŋmɩn, a kɩrɩta-nɩr yúor ŋa ʋ na tɛr a ƴãw.