1 Pɩɛr 3:16 - A SƐB-SÕW

¹⁶ Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.

1 Pɩɛr 3:16 Referans Kwoze

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

Ebre 13:18

Nyɩ puore kʋ̀rɛ tɩ. Tɩ bãwnɩ a na a tɩ tɩɛrʋ na vɩɛl a, bʋ̃ʋ n'ʋ vɛ̃, tɩ bɔbr'a kɛ́ tɩ ɩrɛ vla a yele za pʋɔ.

1 Pɩɛr 2:15

A Naaŋmɩn bɔbr'a kɛ́ nyɩ ɩrɛ ɩ-vɩɛlɩ, k'aa bɛlɩ nɩbɛ nɛ na bɛ bãw bom, ɛ́ bɛ bãw yã a, ta mɩ́ nyɛ̃ ƴɛ̀rʋ ƴɛ̀r ɛ.

Títɩ̀ 2:8

A fʋ ƴɛ̀rʋ, a vɩɛl, nɩr ta tʋ̃ɔ́ nyɛ̃ yel-faa a pʋɔ ɩ, lɛ n'a a dɔ̃ sob na nyɛ̃ vĩ, ʋ na kʋ̃ nyɛ̃ yel-faa kãw za ƴɛ̀rʋ ƴɛ̀r a tɩ ƴãw a.

Matie 5:11

Zu-nʋ̃ɔ̀ dem'ɩ nyɩ, bɛlɛ wa tʋʋr nyɩ zʋmɛ, ɛ́ dɔwrɛ nyɩ, ɛ́ ŋmarɛ zir-pɛ-bʋʋrɛ za ƴãwn nyɩ, a mãa ƴãw a.

1 Pɩɛr 2:19

Bʋ̃ʋ n'ʋ vɛ̃, nɩr na sàw a Naaŋmɩn nʋɔr de a tuo na bɛ sɛw a, a ɩ n maalʋ.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

1 Timote 1:5

Yel à à ŋá, k'aa nɩbɛ tʋ̃ɔ́ tɛr nɔ̃wfʋ na yi soci-pla parpar pʋɔ a, nɩ tɩɛr-vla nɩ naaŋmɩn-sàw-deb na tori dẽdẽ a pʋɔ.

Ʋrɔm 9:1

Ɩ̃ na lãw nɩ a Kɩrɩta a, yel-mɩŋa n'a ɩ̃ yere, ɩ̃ bɛ ŋmarɛ ziri ɛ, a Vʋʋrʋ Sõw caal'ɩ a ɩ̃ pʋɔ ʋ dɩrɛ a ɩ̃ dãsɩɛ,

Nɩ-toni 24:16

A lɛ ƴãw n'a ɩ̃ mɩ̀ mɩ́ fɛr ɩ̃ tʋɔra tɛr tɩɛrʋ na vɩɛl a, a Naaŋmɩn niŋé nɩ a nɩsaalbɛ niŋé.»

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

2 Korɛ̃tɩ 1:12

A dãsɩɛ ŋa a tɩ tɩɛrʋ na dɩ a tɩ ƴãw a n'ɩ a tɩ dɛpaal-bom: a tɩ ɩb a tẽw zu a, baa zuo a za a nyɩ zie a, bɛ tɩ tɛr a mɩnɛ kãw ɛ, ɛ́ ɩ vɩɛlʋ tɛwr, ɛ́ a za yi a Naaŋmɩn zie. Nɩsaal yã-bãwfʋ bɛ n'a tɩ tɩ ɩrɛ nɩ ɛ, Naaŋmɩn maalʋ n'a.

2 Timote 1:3

Ɩ̃ na mɩ́ wa pore a fʋ yúor a ɩ̃ puoru pʋɔ, mʋ̃tɔ̃w nɩ tɩ̃ɩsɔw za a, ɩ̃ mɩ́ puore nɩ a Naaŋmɩn barka yaga za, a Naaŋmɩn ɩ̃ na tone nɩ tɩɛr-vla mɛ̃ a ɩ̃ sãàkʋm-kore a.

1 Timote 1:19

nɩ naaŋmɩn-sàw-deb nɩ tɩɛr-vla. Bɛ mɩnɛ zawr'ɩ a bɛ tɩɛr-vla ŋa tub, a bɛ naaŋmɩn-sàw-deb tu kʋ̃ɔ.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

Nɩ-toni 28:22

Ɛcɛ tɩ bɔbr'a kɛ́ fʋ̃ʋ tɔr za manɩ a fʋ tɩɛrʋ tɩ wõ. Bʋ̃ʋ n'ʋ vɛ̃, tɩ bãwnɩ a na a nɩbɛ na bɛ dier a fʋ puoru sɔ́r ŋa a ziir za a.»

1 Pɩɛr 4:4

Ƴɛrɛŋa nyɩ na bɛ cãà lãw nɩ bɛ dãwnɛ taa a pɩ̃ɔ ɩ-ɩrɩ maalʋ ƴãw a, a ùr bɛ na ɛ́ ƴãw bɛ tʋʋr nyɩ.